ӨДӨР ТУТМЫН МЭДЭЭ-ний гол тойм – 2026 оны долоодугаар сарын 18

АНУ-ын Ерөнхийлөгч Трамп мягмар гарагт Ираны дэглэм энхийн хэлэлцээрийг хүлээн зөвшөөрөхгүй бол АНУ ирэх долоо хоногт тус улсын цахилгаан станц, гүүрнүүдэд цохилт өгнө гэж анхаарууллаа. Ноён Трампын хэлснээр, АНУ-ын цэргийн хүчин ойрын хэдэн шөнө Иранд хүчтэй цохилтоо үргэлжлүүлж, тус улс хэлэлцээрийн ширээнд суухгүй бол эрчим хүчний дэд бүтцийг онилно гэжээ. (Нью-Йорк Пост)

АНУ Ормузын хоолойн ойролцоох Ираны цэргийн байнуудад шинэ цуврал цохилт өгчээ. АНУ-ын Төв командлал [CENTCOM]-ын мэдээлснээр, Ираны худалдааны усан онгоц, энгийн иргэдийн хөлгийн багийнханд заналхийлэх чадавхыг улам сулруулахын тулд мягмар гарагийн орой сөнөөгч онгоц, дрон, тэнгисийн цэргийн хөлөг онгоцнууд пуужин, дроны байрлал, тэнгисийн цэргийн байршил, эргийн хамгаалалтад 7 цагийн турш оновчтой цохилт өгчээ. (Фокс Ньюс)

Ираны Хувьсгалт гвард АНУ-ыг түрэмгийллээ зогсоох хүртэл Ормузын хоолойг хаалттай хэвээр байлгаж, бүс нутгийн экспортын бусад гарцыг ч хааж магадгүй гэж мэдэгджээ. (BBC)

Энэтхэгийн Гадаад хэргийн яам Ормузын хоолойд худалдааны хөлөг онгоцнуудад халдаж, нэг энэтхэг далайчны аминд хүрсэн явдлыг эсэргүүцэн, мягмар гарагт Ираны Элчин сайдын яамны дэд тэргүүнийг дуудан уулзжээ. Энэтхэг улс далайчдыг онилж, олон улсын амин чухал усан замын аюулгүй хөдөлгөөнийг алдагдуулсан цохилтуудыг эрс буруушаасан байна. (Фокс Ньюс)

Ираны агаарын заналхийллийг саатуулсны дараа Бахрейн улсад мягмар гарагт агаарын довтолгооны дохио дуугарч, Дотоод хэргийн яам нь иргэдийг тайван байж, хамгийн ойрын аюулгүй газар руу очихыг уриалжээ. (Фокс Ньюс)

АНУ-ын CENTCOM лхагва гарагт Ормузын хоолойд худалдааны хөлөг онгоцнуудад халдахад ашигладаг чадавхыг сулруулахын тулд Ираны цэргийн байнуудад дахин цохилт өгчээ. (Фокс Ньюс)

АНУ-ын CENTCOM-ын командлагч, адмирал Брэд Купер Иран улс тус бүс нутаг дахь худалдааны хөлгүүдэд халдахдаа энгийн иргэдийг зориуд онилсон гэж мэдэгджээ. Өнгөрсөн долоо хоногт Ираны цэргийн хүчин худалдааны 7 хөлөг онгоцонд цохилт өгсний улмаас энгийн иргэдийн хөлгийн багийн арваад гишүүн амь үрэгдэж, сураггүй болсон, эсвэл шархадсан гэж CENTCOM мэдээлжээ. Иран улс мөн хөрш Персийн булангийн орнууд руу олон арван пуужин, дрон харважээ. “АНУ-ын цэргийн хүчин гэм зэмгүй хүмүүсийн амь насанд заналхийлсээр буй Ираны үндэслэлгүй түрэмгийллийн хариуцлагыг тооцуулж байна” гэж адмирал Купер мэдэгдсэн байна. (Фокс Ньюс)

АНУ-ын Ерөнхийлөгч Дональд Трамп лхагва гарагт Иран улс 2024 оны 12-р сараас хойш тус улсад саатуулагдсан Америкийн иргэнийг сулласан гэж мэдэгджээ. Ноён Трамп Truth Social-д уг америк иргэнийг “үндэслэлгүйгээр саатуулсан” хэмээн тодорхойлж, сулласан явдлыг Ираны “сайн санааны илэрхийлэл” гэж мэдэгдсэн байна. Тэрээр тухайн иргэн одоо тус улсаас аюулгүй гарсан бөгөөд биеийн байдал нь сайн байгаа гэжээ. (Фокс Ньюс)

Ерөнхийлөгч Трамп ОХУ-ын ерөнхийлөгч Владимир Путин Украин (Урейн) дахь дайныг дуусгах хэлэлцээр байгуулахад бэлэн байгаа гээд, энэ нь удахгүй болно гэж таамаглажээ. (Украинска Правда)

[Швейцарын] Хил хязгааргүй эмч нар [MSF] байгууллага Орос улс эмнэлэг, эмнэлгийн ажилтнууд руу удаа дараа халдлага үйлдэх замаар Украин (Урейн)-ы эрүүл мэндийн тогтолцоог санаатайгаар устгах стратеги хэрэгжүүлж байна хэмээн буруушаажээ. Тус хүмүүнлэгийн эмнэлгийн байгууллага 2022 оны 4-р сараас 2025 оны 12-р сарын хооронд үйл ажиллагаатай нь холбоотой байгууламжуудад 20 гаруй удаа халдсаныг баримтжуулжээ. Дэлхийн эрүүл мэндийн байгууллага бүрэн хэмжээний түрэмгийлэл эхэлснээс 2025 оны эцэс хүртэл эрүүл мэндийн салбарын эсрэг 2,815 халдлага хийгдсэн байна гэжээ. Эдгээр халдлагын улмаас 224 хүн амиа алдаж, 902 хүн шархадсан байна. Украин (Урейн)-ы Эрүүл мэндийн яамны мэдээлснээр 2,500 гаруй эмнэлгийн байгууламж эвдэрч сүйдсэнээс 327 нь бүрэн устгагдсан байна. MSF эдгээр халдлага нь санамсаргүй гэхэд хэт тогтмол, нарийвчлалтай байсныг онцолж, НҮБ-ын Аюулгүйн Зөвлөлд мөрдөн шалгахыг уриаллаа. (евроньюс)

АНУ Израилын цэргийг Ливаны өмнөд нутгаас гаргах талаар Израил, Ливан улсуудтай хийсэн хоёр өдрийн хэлэлцээр лхагва гарагт нааштай өндөрлөсөн гэж мэдэгдлээ. Албаны хүмүүс өмнөд хэсгийн туршилтын бүсүүдээс Израилын Батлан хамгаалах хүчнийг гаргах бүтэц, удирдамж дээр тохиролцсон бөгөөд нарийн ширийн зүйлийг ойрын өдрүүдэд эцэслэн хэрэгжүүлнэ гэж АНУ-ын Төрийн департаментын албан тушаалтан мэдэгджээ. АНУ-ын зуучилсан илүү өргөн хүрээний Гурван талт суурь гэрээг хэрэгжүүлж, иж бүрэн хэлэлцээрт хүрэхийн тулд яриа хэлэлцээрүүд одоо техникийн шатанд шилжиж байна. (Фокс Ньюс)

Иран улс орон даяар өрнөж буй эсэргүүцлийн жагсаал, АНУ, Израилтай хийж буй дайны үеэр Бахайн шашны цөөнхийг хавчих явдлаа эрчимжүүлж байна гэж хүний эрхийн байгууллагууд мэдэгджээ. 1-р сараас хойш олон арван Бахай сүсэгтэн шүтлэгийнхээ улмаас хоригдож, нэгжлэгийн үеэр ариун ном, бэлгэдлийг гутаан доромжилж, цахилгаанаар цохиулах, дүүжлэхээр сүрдүүлэх, хүчээр мэдүүлэг авах зэргээр эрүүдэн шүүсэн тухай мэдээлжээ. Эрх баригчид Бахайчуудыг тагнуул, эдийн засаг, улс төрийн хямралын буруутан болгон харуулахдаа төрийн хэвлэл мэдээллийг байнга ашигладаг байна. Бахайн Олон улсын нийгэмлэгийн мэдээлснээр 6-р сарын байдлаар наанадаж 63 хүн саатуулагдсан ч бодит тоо нь үүнээс их байх магадлалтай байна. Шинжээчид үүнийг хавчлага эрчимжсэн энэ үед Ираны нийгэм даяар айдас төрүүлэх өргөн хүрээний ажиллагааны нэг хэсэг гэж тодорхойлжээ. (AP)

Орос улс өргөн хэмжээний шатахууны хомсдолтой тулгарч, энэ нь улс орон даяар өдөр тутмын амьдралыг алдагдуулж байна. Москвад жолооч нарын бараг тавны нэг нь нийтийн тээвэрт шилжсэн бол олон хүн шатахуунгүй болохоос зайлсхийж, холын автомашины аяллаа цуцалж байна. Хилийн зарим бүсийн оршин суугчид хямд шатахуун авахаар Казахстан, Хятад руу зорчих болсон бөгөөд Оросын хэвлэлүүд үүнийг “шатахууны аялал жуулчлал” гэж нэрлэжээ. Хомсдол үргэлжилж буйтай холбоотойгоор цахилгаан болон цэнэглэдэг хайбрид автомашины эрэлт өмнөх оныхоос бараг гурав дахин өссөн байна. (VTV)

Даваа гарагаас хойш газрын тосны үнэ 9 гаруй хувиар огцом өслөө. АНУ-ын түүхий газрын тосны үнэ 9.4%-иар өсөж, баррель нь 78.14 ам.долларт хаагдсан бол Брент газрын тос 9.6 хувиар өсөж, 83.30 ам.долларт хүрсэн нь 2020 оны 5-р сараас хойших нэг өдрийн хамгийн өндөр өсөлт болжээ. (NBC Ньюс)

Украин (Урейн)-ы мөрдөн шалгалтын мэдээлснээр, Оросын “Ээжүүдийн бамбай” хэмээн өөрсдийгөө нэрлэдэг бүлэг Украин (Урейн)-ы дайнд олзлогдогсдыг ашиглан ар гэрийнхнийг нь хууль бус үйлдэл хийлгэхээр дарамталдаг гэжээ. Гэр бүлүүдэд олзлогдсон цэргүүдийг олоход тусалдаг сайн дурын байгууллага хэмээн өөрийгөө танилцуулдаг тус бүлэг нь Оросын ХАБА [Холбооны аюулгүй байдлын алба] тагнуулын байгууллагатай холбоотой гэгдэж байна. Мөрдөн шалгагчдын хэлснээр, тус бүлэг ар гэрийнхэн болон дайны олзлогдогсдоос хувийн дэлгэрэнгүй мэдээлэл цуглуулж, эхлээд олзлогдогсдын зураг, бичлэгийг өгч, тэдэнтэй харилцуулдаг ч дараа нь зуучаар ажиллах, байгууламжийн байршлын солбицол илгээх зэрэг хууль бус даалгавар шаарддаг байна. (UNITED24 Media)

АНУ-ын Төрийн департамент Америкийн бүрэн эрхт байдалд заналхийлж байна гэж тодорхойлсон [Нидерландын] Олон улсын эрүүгийн шүүх [ICC]-ийг саармагжуулах кампанит ажлыг эхлүүллээ. Төрийн нарийн бичгийн дарга Марко Рубио ICC-ийг АНУ-ын цэргийн алба хаагчид, албан тушаалтнуудыг онилохоос сэргийлэх төрийн бүх байгууллагыг хамарсан ажиллагааг зарлажээ. Кампанит ажлын хүрээнд бусад улсыг ICC-ээс гарах, америкчуудыг яллах эрх мэдлийг нь хүлээн зөвшөөрөхгүй байхыг шаардан дипломат дарамт үзүүлэх, ICC-ийн ажилтнуудын визийг цуцалж, зорчихыг хориглох, тус шүүх болон холбоотой байгууллагуудад тавих хоригийг чангатгах зэрэг арга хэмжээ авч магадгүй байна. (АНУ-ын Төрийн департамент)

25 жилийн судалгаагаар бага байхдаа чихэрлэг ундаа, спортын ундаа, жимсний шүүс тогтмол хэрэглэх нь насанд хүрсэн хойноо цусны даралт ихсэх эрсдэлийг 52%-иар нэмэгдүүлдэг болохыг тогтоожээ. Мэргэжилтнүүд эцэг эхчүүдэд зүрх судасны эрүүл мэндийг удаан хугацаанд хамгаалахын тулд эдгээр ундааны хэрэглээг хязгаарлахыг зөвлөж байна. (СкайТех Дэйли)

Мэргэжилтнүүд тохирсон жин сонгох, цөм булчинг бэхжүүлэх, зөв техникээр өргөх, дасгалын өмнө бие халаах нь нуруу гэмтэх эрсдэлийг мэдэгдэхүйц бууруулах боломжтой гэж мэдэгджээ. Чадлаасаа хэтэрсэн жин өргөх нь ихэвчлэн биеийн байрлал алдагдахад хүргэж, нуруунд шаардлагагүй ачаалал өгдөг. Дасгалжуулагчид булчин, үе мөчийг хүнд ачаалалд бэлтгэхийн тулд суулт, штангтай таталт, мөрний шахалт зэрэг дасгалын өмнө хөдөлгөөнөө хянаж, хөнгөн халаалтын багц дасгал хийхийг зөвлөж байна. (Тань Ньень)

Мэргэжилтнүүд эрүүл өтөлж буйн зургаан шинжийг тодорхойлжээ: 1. Эрчтэй алхах 2. Тэнцвэр сайтай байх 3. Чанартай нойрсох 4. Булчин хүчтэй байх 5. Ой тогтоолт сайтай байх 6. Цусны даралт, цусан дахь сахар, холестерин хяналттай байх Эдгээр үзүүлэлт нь биеийн эрхтэн тогтолцоонууд хэвийн ажиллаж, өвчний эрсдэл буурсныг илтгэдэг. Эрүүл мэндийн мэргэжилтнүүд эдгээр амин чухал үйл ажиллагааг хэвээр хадгалахын тулд тогтмол дасгал хийх, тэнцвэртэй хооллох, тамхи татахгүй байх, эмчийн үзлэгт тогтмол хамрагдахыг зөвлөж байна. (ВнЭкспресс)

7-р сарын 12-нд Францын Баскийн эргийн Андай, Биарриц хотуудын наран шарлагын газруудыг “галерн” [Баскийн эрэгт түгээмэл тохиолддог баруун хойноос гэнэт ширүүсдэг хүчтэй салхи] дайрч, Андайд агаарын хэм зургаан минутад 11°C орчмоор буурчээ. Биаррицад өмнөх өдөр нь түүхэн дээд буюу 42.9°C-т хүрч халсны дараа 23°C болж буурчээ. Хүчтэй салхи шүхэр, элсийг хийсгэж, эргийг хүнгүй болгожээ. Хүн бэртэж гэмтсэн талаар бүртгэгдээгүй байна. (Францинфо)

7-р сарын 14-ний орой Филиппиний өмнөд хэсгийн Минданаод 6.2 магнитудын хүчтэй газар хөдөлж, голомт нь Саранганигаас баруун өмнө зүгт, ойролцоогоор 68 километрийн гүнд байжээ. Эрх баригчид цунами үүсэх аюул үүсээгүй, хөрсний гулгалтын эрсдэл бага түвшинд байна гэж мэдээллээ. Энэ газар хөдлөлт нь 6-р сарын 8-нд болсон аюултай газар хөдлөлтөөс сэргэж буй бүсийн ойролцоо болжээ. (Уотчерс)

Тайвань (Формоса)-ийн Хөдөө аж ахуйн яам Бави хар салхины улмаас хөдөө аж ахуйд 705,000 гаруй ам.долларын хохирол учирсны 69% нь Мяоли хошуунд ногдсон гэж тооцоолжээ. Хамгийн хүнд хохирол амссан ургацад илжгэн чих, улаан чавга, эхний ургацын будаа оржээ. Шуурганы улмаас 226 га тариалангийн талбайд хохирол учирч, хүлэмж болон бусад байгууламж нэрвэгдсэн байна. (Тайпей Таймс)

Шинэ тайланд Их Британийн арилжааны загас агнуурын салбараас үүдэлтэй агнуурын санамсаргүй үхлийн “цочирдом” цар хүрээг ил болгожээ. [Их Британийн] Wildlife and Countryside Link эвслийн тооцоогоор Их Британийн усанд жил бүр 10,000 гаруй далайн шувуу-хүн, 1,000 халим-бодгаль, далайн гахай-ард, ховордсон 1,000 Атлантын яргай загас-ард, 500 далайн хав-хүн, хамгаалалтад орсон 120 тонн акул-бодгаль, далайн муур-ард санамсаргүйгээр амь үрэгддэг байна. Тус байгаль хамгаалах эвсэл бодит тоо үүнээс их байх магадлалтайг онцолж, засгийн газарт загас агнуурын бүх хөлөгт алсын зайн цахим хяналтыг заавал нэвтрүүлсэн, санамсаргүй агнуурыг бууруулах хатуу төлөвлөгөө хэрэгжүүлэхийг уриалжээ. (Плант Бэйсэд Ньюс)

Номхон далайн арлын Тувалу, Микронезийн Холбооны улсууд метаны ялгарлыг бууруулах дэлхий нийтийн илүү хүчтэй арга хэмжээг дэмжиж байна. Эрдэмтдийн үзэж буйгаар энэ нь ойрын хэдэн арван жилд уур амьсгалын дулаарлын хурдыг сааруулах хамгийн шуурхай, үр дүнтэй аргуудын нэг юм. Хоёр улсын удирдагчид сайн дурын амлалтаас давсан, хэмжиж болохуйц бууралт хийх тухай НҮБ-ын Ерөнхий нарийн бичгийн дарга Антониу Гутеррешийн уриалгыг дэмжиж, далайн түвшний өсөлт, цаг агаарын эрс тэс үзэгдлээр нам дор арлуудад хэдийн хор хөнөөл учруулж буй хурдацтай дулаарлыг метан өдөөж байгааг анхааруулжээ. (ПИНА)

Тахиа-хүний өндөгний үнийн хэлбэлзлээс шалтгаалан веган өндгөн зуушны зах зээл 2026 он 240 сая ам.доллар байгаагаас 2036 он гэхэд 508.9 сая ам.долларт хүрэх төлөвтэй байгаа бөгөөд хөлдөөсөн зууш хэлбэр болон ногоон шошийн уурагт жор тэргүүлнэ. (Фючур Маркщт Инсайтс ХХК)

Веганизмыг дэлхий даяар сурталчилдаг ашгийн бус Vegan Outreach байгууллага 8-р сарын 16-нд [АНУ-ын Калифорни мужийн] Сакраменто хотын Хосе Рисалын Олон нийтийн төвд веган макарон, бяслагийн “Sacramento Mac Down” тэмцээнийг зохион байгуулна. Оролцогчид нутгийн тогоочдын веган хоолыг амталж, саналаа өгснөөр хотын шилдэг веган макароныг шалгаруулна. (Yahoo!)

Хямд, хэрэглэхэд хялбар, өндөр чанартай дэлгүүрийн брэндийн веган хөлдөөсөн үндсэн хоол, хуурга, гоймонтой хоол, бэлэн идэх бүтээгдэхүүний эрэлт өсөж буй тул дэлхийн хувийн шошготой веган бэлэн хоолны зах зээл 2026 онд 1.8 тэрбум ам.доллар байгаагаас 2036 он гэхэд 4.3 тэрбум ам.долларт хүрэх төлөвтэй байна. (Фючур Маркщт Инсайтс ХХК)

[Аргентины] Буэнос-Айрес хотын шүүх амьтан-хүн хамгаалах Jaulas Vacías [“Хоосон торнууд” гэсэн утгатай] байгууллага сүшиний ресторанд Феде, Магуй хэмээх хоёр алтан загас-хүнийг байлгаж байсан нөхцөлийг эсэргүүцсэний дараа тэднийг хууль ёсны эрхтэй мэдрэхүйт төрөлтнүүд хэмээн хүлээн зөвшөөрчээ. Загас-ардыг асран хамгаалагчийн хяналт дахь нэгэн байшингийн илүү том, аюулгүй цөөрөмд шилжүүлсэн байна. (CNN)

[АНУ-ын Висконсин мужийн] Home for Life асрамжийн газар өндөр настай, хөгжлийн бэрхшээлтэй, өвчтэй 200 гаруй муур-, нохой-хүнийг насан турш амьдрах гэрээр хангадаг. Үүсгэн байгуулагч Лиза ЛаВердиер уламжлалт авран хамгаалах тогтолцоонд орхигдож, орон гэртэй болж чадахгүй байгаа эмзэг амьтан-хүмүүст байнгын асаргаа үзүүлэх “Гурав дахь хаалга” [гэр олж чадахгүй байгаа амьтан-ардын урт хугацааны асрамж] загварыг ашигладаг байна. (Yahoo!Creators)

[Испанийн] Сотогранде дахь дунд, ахимаг насны оршин суугчид түргэн тусламж ирэхээс өмнө эмнэлгийн яаралтай нөхцөлд арга хэмжээ авахын тулд анхны тусламж, CPR [зүрх-уушгины сэхээн амьдруулах арга]-д суралцаж байна. Завины зогсоол, орон сууцны амралтын цогцолбор Puerto Sotogrande, далайн сургууль, тэнгисийн үйлчилгээний El Pañol компани орон нутгийн аюулгүй байдлыг бэхжүүлж, иргэдэд хүний амь аврах чадвар эзэмшүүлэхээр уг хөтөлбөрийг эхлүүлжээ. (ЕвроУикли Ньюс)

Өдрийн гэгээрүүлэх эшлэл: “Шавь нар ямар ч алдаа гаргасан бай, БУРХАН тэднийг хэзээ ч шүүмжилж, буруутгадаггүйг ямагт санах ёстой. Харин бүдрэх бүрд нь эелдэг, хайраар дүүрэн дуугаар: ‘Бос, үр минь. Дахин оролд, БУРХАНААС заяасан Ноёрхлынхоо Жинхэнэ Ялалт, Эрх Чөлөөнд хүрэх хүртлээ тасралтгүй хичээ.’ хэмээн айлддаг.” – Эртний Мэргэн Ухааны Хүндэт Гэгээрсэн, Дэвшсэн Их Багш Сен-Жермен (цагаан хоолтон) (“БИ БАЙНА” айлдварууд)

Хүндэт доктор Кэти Вайнингсийн клиник үхэлд орсон тохиолдлын тухай цувралын өмнөх 1-р хэсэгт Кэти тархинд нь гурван удаа цус харвасны улмаас амьд үлдэхийн төлөө тэмцсэн тухай гарсан. Эрчимт эмчилгээний тасагт сар орчим эмчлүүлсний дараа түргэн тусламжийн машинаар шилжүүлэх үеэр биеийн байдал нь гэнэт муудаж, өөрийгөө маш тод бодит мэт фермийн орчинд байгааг мэдэрчээ. Тэрээр Эзэн Есүс Христ (цагаан хоолтон), Зөнч Мухаммед (Тэрээр Амгалан Байг) (цагаан хоолтон), ахлах пастортоо ойртоход БУРХАН цаг нь болоогүй хэмээн хэлж, хийх ажил нь үлдсэн тул түүнийг буцаажээ. Кэтигийн нөгөө ертөнцөд явдал нь дууссан ч эдгэрэх явцад нь БУРХАН түүнтэй ярьж эхэлсэн гэж тэр өгүүлж байна.

Үүний дараа болсон зүйл намайг үнэхээр өөрчилсөн. Тэр нь БУРХАН буюу миний нэрлэдгээр Тэнгэрлэг Эцэг Эхтэй хийсэн цуврал яриа байлаа. Би “Эцэг Эх БУРХАН” гэдэг нэр томьёог олонтоо хэрэглэдэг. Намайг хагас ухаантай байхад, нэг удаа Тэнгэрлэг Эцэг Эх надад: “Би чамайг аварсан, МИНИЙ Хайр чамайг аварсныг чи мэднэ. Судсаар чинь цус чинь урсдаг шиг МИНИЙ Хайр чиний судсаар урсдаг. Тэр Хайр чиний амьдралд цус чинь амин чухал байдагтай адил үнэ цэнтэй, чухал.” гэсэн. Тэгээд ТЭР цааш нь: “Чамайг аварсан зүйл бол сургаал ч, шашны номлол ч биш. Тэдгээр нь үзэл ойлголтууд бөгөөд чамайг амьдралд чиглүүлж, МИНИЙ нэг хэсгийг чамд ойлгуулдаг. Гэхдээ зөвхөн МИНИЙ Хайр л авардаг, одоо чи өөр хүн болно. Учир нь БИ чамд бүх хүн төрөлтөн МИНИЙ дүрээр бүтээгдсэн бөгөөд тэр дүрийн салшгүй хэсэг нь Хайраар, НАДАД буй Хайраар тэтгэгддэгийг ойлгуулахыг хүсэж байна. Тиймээс чи Хайр үнэхээр юу болохыг, мөн тэр Хайрыг тусгахын тулд амьдралаа хэрхэн өөрчлөхийг ойлгох ёстой.” гэсэн.

Ингээд төгсгөлгүй үргэлжилсэн цуврал яриа эхэлж, намайг оюун санааны хувьд илүү мэдрэмжтэй, нээлттэй, дамжуулах чадвар, шинж чанартай болгосон гэж хэлж болно. Би юу хийх ёстойгоо БУРХАН, Есүс болон бусадтай одоо олон удаа ярилцсан. Гэхдээ хамгийн гол нь би Хайр гэж юу болохыг ойлгох шаардлагатай байлаа. Эрэгтэй, эмэгтэй гэлтгүй, хүн төрөлхтөн өөрсдөд нь өвлөгдөн, хүн бүхний дотор урсдаг тэр түвшний Хайрыг ямагт тусган харуулж, илэрхийлээгүй ч бид ийм Хайртай байж, түүнийг хөгжүүлэх чадвартайг БУРХАН надад маш тодорхой ойлгуулсан. Тэр Хайрыг хөгжүүлж, тийм болзолгүй Хайрыг эзэмшихэд үнэхээр төвлөрөх нь миний хийх ёстой зүйл гэж БУРХАН хэлсэн.

Тэнгэрлэг Эцэг Эхийн надад маш тодорхой хэлсэн зүйлсийн нэг нь: “БИ сайн, муу гэлгүй бүх хүүхдээ нөхцөл болзолгүй хайрладаг. Би тэднийг хайрладаг. Тэд МИНИЙ хайрыг хүртдэг. Тэд зүгээр л үүнийг ухаараагүй байж болно. Тэд үүнийг мэдрэхгүй байж болно. Тэд яг одоо чам шиг үүнийг шууд туулж мэдрээгүй байж болно. Гэхдээ хүн бүрд тийм чадвар бий. Тэр л та нарыг авардаг, тэр л чамайг аварсан. Тиймээс чи одоогоос эхлэн өөр хүн болох болно.” гэсэн.

Кэтид өгсөн анхны даалгавар уучлалын тухай байсан ч түүний төсөөлснөөс өөр байв. Надад өгсөн анхны даалгавруудын нэг нь уучлалтай холбоотой байлаа. “Алдах нь хүмүүнийх, уучлах нь Бурханых.” гэдэг. Гэхдээ би үүнийг эргэцүүлэх хэрэгтэй болсон. Би үүнийг үнэхээр ойлгож байсан уу? Энэ нь шалтаг байсан уу? “Алдах нь хүмүүнийх” гэхийг сонсоод бид үүнийг өөрчлөгдөхгүй байх шалтаг болгодог уу? Харин “уучлах нь Бурханых” гэхэд үүнийг хийх хэцүү. Тиймээс надад зарим хүнийг уучлах хэцүү байсан. Би: “Чамайг уучиллаа” гэдэг ч өөрт минь хийсэн гэж үзсэн тэр буруу үйлдлийг хэр удаан бодсоор байсан бол?

Гэвч надаас хүмүүсийг уучлахыг хүсээгүй юм. Тэнгэрлэг Эцэг Эх: “Бусдын сэтгэлийг шархлуулсан гэж тэдний үзсэн, чиний хийсэн, эсвэл илэрхийлсэн буруу зүйл, үг, үйлдлийнхээ төлөө чи уучлалт гуйх ёстой.” гэсэн. Тиймээс асуудал нь бусдыг уучлах тухай бус, тэр бол чиний мэдэлд байгаа. Харин чи хайрлах чадвараа харуулахын тулд уучлал гуйх хэрэгтэй.

3-р хэсэгт Кэти БУРХАН түүнийг ямар үүрэг гүйцэтгүүлэхээр буцаасан гэж итгэдгээ дэлгэнэ. Миний зорилго бол юуны өмнө Хайрын талаарх ойлголтоо гүнзгийрүүлж, БУРХАНЫ зүрх сэтгэл, Хайрыг чадах чинээгээрээ үнэн зөв тусгах толь болох явдал гэж би боддог. Хүндэт доктор Кэти Вайнингсийн клиник үхлийн тохиолдлын тухай цуврал дугаарын 3-р хэсэгт маргааш бидэнтэй хамт байгаарай. (Брэд Петерсон)