Дэлгэрэнгүй
Татаж авах Docx
Дэлгэрэнгүй уншаарай
Энэ дугаарт Их Багш Авид Бурханы Судраас дараах ойлголтыг хуваалцсан юм: Авид Бурханы Орон оршдог бөгөөд Буддын шашны баялаг сангийн нэг хэсэг нь шавь нарынх нь оршихуйн өөр өөр түвшинд үзсэн ахуй ойлголтын тэмдэглэлээс бүрддэг ажээ. Тиймээс бид Авид Бурханы сударт буцаж ирлээ. “Авид” гэдэг нь “хязгааргүй Гэрэл” гэсэн утгатай. Тиймээс энэхүү Бурхан хязгааргүй (дотоод Диваажингийн) Гэрэл, эцэс төгсгөлгүй (дотоод Диваажингийн) Гэрэлтэй. Тиймээс Энэтхэгийн энэ хатан хаан Бурхан багшийг харахыг маш их хүсэж байсан тул, Тэрээр шоронд түүнд үзэгджээ. Тэгээд Тэр шавь нарынхаа нэгтэй хамт үзэгдэж, хатан хааны гараас хөтөлж өөр нэгэн оршихуйн орон руу явав. Одоо эрдэмтэд бидэнд Орчлон ертөнцөд олон газар нутаг, олон оршихуйн хэмжээс байдаг гэдгийг нотолсон. Зарим нь хүмүүстэй байдаг; зарим нь хүмүүстэй эсэхийг нь хараахан мэдээгүй байна. Одоо бидний Бурхан багш – Шагжамуни Будда – бидэнтэй төстэй хүмүүстэй оршихуйн хэмжээс байдаг гэдгийг эрт дээр үед нээж илрүүлсэн ба зарим нь биднээс өөр байдаг байна. Зарим нь технологийн хувьд илүү дэвшсэн; зарим нь технологийн хувьд дэвшил багатай. Зарим нь биднээс илүү соёл иргэншилтэй; зарим нь биднээс соёл иргэншил багатай. Тиймээс, хатан хаан тэр Орон руу явахдаа, тэр Хэмжээсийн дэлхий алт, болороор бүрхэгдсэн байхыг харав. Бүх байшин, барилгууд нь газар дээр биш, агаарт баригдсан байх бөгөөд бүх төрлийн эрдэнийн чулуугаар, номин, болор, сувд, очир алмааз, бадмаараг, маргад гэх мэтээр баригдсан байв. Тэр эмэгтэй “Энэ ямар үзэсгэлэнтэй Орон юм бэ” гэж бодож байв. Тэнд амьдардаг хүмүүс бидэнтэй төстэй харагдаж байгаа ч, гадаад төрхөөрөө илүү үзэсгэлэнтэй. Мөн бас тэд алхдаггүй; Тэдэнд бидний адил тээврийн хэрэгсэл хэрэггүй. Тэд ямар нэгэн байдлаар нисдэг. Тэд хаа нэгтээ явахыг хүссэн үедээ зүгээр л нисдэг. Тэгээд тэд буцаж ирэхийг хүссэн үедээ буцан нисэж ирдэг. Тэдэнд хэрэгтэй үед нь л бүх төрлийн хувцас эсвэл зайлшгүй хэрэгцээт [зүйлс]гарч ирдэг. Дэлгүүр хэсэх, зогсоол хүлээх болон энэ бүх асуудлын шаардлага байхгүй. Мөнгө солиулах болон энэ бүх төрлийн зүйлс байхгүй. Мөн тэр Оронд нэгэн төрлийн рашаан, рашааны цөөрөм байдаг бөгөөд хэрэв хүн тэнд өөрийгөө рашаанд оруулах эсвэл бага зэрэг түүнээс уувал өөрөөр мэдрэх болно: гэгээрэл, сэргэлт, сүнслэг гүн ухаанаар дүүрэн мэдрэх болно. Тэр Нутагт ч гэсэн шувуу(-хүмүүс) болон моднууд Үнэн Номын тухай ярих болно. “Үнэн Ном” гэдэг нь санскрит хэлээр Айлдвар буюу аман хэлээр Заах гэсэн утгатай нэр томьёо юм. Түүнчлэн, заримдаа энэ нь мэдрэхүйт төрөлтнүүдийг хэлдэг. Орчлон ертөнцийн бүх төрлийн үзэгдэл, энэ нь мөн Үнэн Ном гэсэн утгатай. Түүнчлэн, нарийн утгаараа Үнэн Ном гэдэг нь нарийн Сургаал, үл үзэгдэх Сургаал, Үнэн гэсэн утгатай. Тиймээс үүнийг олон янзаар тайлбарлаж болно. Тэгэхээр Авид Бурханы Оронд бүх шувуу(-хүмүүс), модод болон салхи бүгдээрээ Үнэн Номыг ярьдаг. Хүмүүс энэхүү Үнэн Ном гэгчийг сонсохдоо, Төгс Дээд Бурханд, Будда нарт, бясалгагчдад, Гэгээнтнүүдийн чуулган болон Гэгээнтнүүдийн сургаалд илүү их итгэх болно. Одоо бид Авид Бурханы Орны тухай бодоход, энэ нь үнэхээр үлгэрийн мэт санагддаг. Дэлхий яаж алтаар бүрхэгдэж чадах билээ? Байшингууд нь яаж агаарт баригдаж, доошоо унахгүй байж чаддаг байна аа? Бүх хана, дээвэр яаж болор, очир алмааз, бадмаараг, бүх төрлийн үнэт чулуу гэх мэтээр хийгдсэн байдаг байна аа? Энд бид алмазын хэлтэрхийн төлөө тэмцэлдэж байна, хэрэв тэр нь хангалттай том бол. За, бид өчүүхэн дусал очир алмааз худалдаж авахын тулд олон долоо хоногийн турш маш их ажиллах хэрэгтэй болдог. Би дусал гэж хэлмээр байна; энэ нь усны дусал шиг харагддаг. Энэ нь бага зэрэг хатуу. Нэг дусал очир алмааз худалдаж авахын тулд та маш их мөнгө төлөх ёстой. Одоо тэр Оронд тэд байшингаа барихын тулд алмаз, болор, бадмаараг гэх мэтийг ашиглаж байна. Та нар төсөөлж чадах уу? Энэ бол Христэд итгэгчид болон бусад шашин шүтэгчид Бурханы шашинд итгэж чадахгүй байсан шалтгаануудын нэг юм. Учир нь Бурхан багш хэтэрхий их ярьсан юм. Учир нь Түүний шавь нар хэтэрхий их ярьсан юм. Хятадаар бидний “ярих дуртай” гэж нэрлэдэг зүйл. Яриасаг. Үнэндээ Бурхан багш яриагүй. Тэр бидэнд энэ бүхнийг хэлээгүй. Бурхан багшийн шавь нар эдгээр бүх туршлагыг, гайхалтай түүхүүдийг санамсаргүй сонсоод [тэд] бусдыг баярлуулахаар бичиж тэмдэглэсэн байдаг. Жишээлбэл, заримдаа миний шавь нар гэгддэг хүмүүс... Тэднийг ингэж дуудахыг надад зөвшөөрнө үү. Би их ичимхий, гэхдээ өөр нэр байхгүй, ийнхүү та нар тэдний надтай ямар харьцаатайг ойлгох болно. Эсвэл та нар тэднийг миний оюутнууд гэж нэрлэж болно. “Оюутнууд” уу? Тэгвэл тэд намайг их сургуульд багшилдаг гэж бодох болно. Тийм ээ, тийм. Энэ бол бас нэг төрлийн их сургууль юм, миний багшилдаг Тэнгэрлэг их сургууль юм. Одоо шавь нар минь, заримдаа тэд Их Багш тэднийг хаашаа, аль Оронд, эсвэл Орчлон ертөнцийн аль оронд аваачсан тухай түүхээ бичсэн байдаг. Тэд өөрсдийн ахиц дэвшлийг шалгахын тулд тэдгээрийг өөрсдийн дотоодын туршлага болгон бичиж авсан байдаг. За, бид үүнийг хийх ёстой. Бид ямар ч байсан үүнийг хийх ёстой. Тэгэхээр хэрэв тэр үхвэл, миний шавь гэгддэг хүн нас барсны дараа, юу болох вэ? Магадгүй түүний ач нар, ач зээ нар нь санамсаргүйгээр ийм төрлийн сүнслэг тэмдэглэлийн дэвтрийг өвлөх байх. Мөн дотор нь, тэнд дотоодын туршлагаар дүүрэн байх бөгөөд жишээ нь өнөөдөр Бурхан багш түүнд юу ярьсныг сонссон гэх мэт зүйлс. Өнөөдөр [Төгс Гэгээрсэн] Их Багш Чин Хай түүнийг ямар Буддагийн Орон руу аваачиж, тэнд байгаа ямар Их Багштай, эсвэл ямар Буддатай танилцуулсан, эсвэл магадгүй түүнийг (Эзэн Бурхан) Есүстэй уулзуулсан, магадгүй түүнийг Мария эсвэл Санта Кларатай уулзуулахаар аваачсан гэх мэт. Тэгээд тэр түүнийг бүгдийг нь бичжээ. Тэгээд энэхүү номыг, хэрвээ энэ хангалттай сонирхолтой байвал, зээ нь, ач хүү, ач охин нь түүнийг хэвлүүлж магадгүй юм. Тэгээд энэ нь магадгүй Буддын шашны Судруудын нэг болж хувирдаг. Бурханы шашны бүх сударт ийм зүйл тохиолдсон. Сутра буюу судар гэгддэг зүйлсийг зуун жилийн дараа л хуримтлуулж эсвэл бичиж тэмдэглэсэн. Үүнээс өмнө үүнийг зөвхөн ам дамжсан байдлаар ярьдаг байсан бөгөөд Түүний шавь нар ч бас тэдгээрийг бичиж тэмдэглээгүй. Тэд зүгээр л тэднийг сонссон... “Түүх яригч” гэж юу вэ? (Түүх яригч.) Түүх яригч уу? (Тийм.) Энэ сайхан биш байна. Түүх өгүүлэгч (авьяаслаг түүх яригч) илүү сайхан. Тиймээс та харж байгаачлан, Бурханы шашны судар номууд маш өргөн хүрээтэй, тоогоороо маш баялаг байдаг. Учир нь бүх шавь нарын түүхүүд маш олон, маш олон байдаг. Бурхан багш маш өндөр 80 нас хүртлээ амьдарсан тул Түүний шавь нар олон бөгөөд түүхүүд нь эргэлзээгүй олон юм. Мөн тэр үед Энэтхэгт маш амар амгалан байсан бөгөөд хэн ч Бурхан багшийг болон Түүний дагалдагчдыг мөшгөөгүй. Тиймээс тэд хөгжил цэцэглэлтийн цагийг таашааж, тэдгээр шавь нарынх нь эдгээр нандин дурсамжийг бичиж тэмдэглэж, хадгалах цаг завтай байв. Харин (Эзэн Бурхан) Есүс Христийн хувьд, Тэр харанхуйд, нуугдаж ажиллах ёстой байв. Хэрэв та нар түүхийг нь уншсан бол, мэдэх [байх]. Мөн Тэр бага зэрэг алдартай байсан – Гурван жил хагасын дараа тэд Түүнийг алсан. Тиймээс дараа нь бүх шавь нар нь өөр өөр чиглэлд салж, тийм ч нээлттэй биш, харин далд орчинд ажиллаж байв. Тиймээс, тэд дотоод туршлагатай байсан ч [тэдгээрийг] бичиж тэмдэглэж чадахгүй эсвэл сайн хадгалж чадахгүй байв. Учир нь хүмүүс, тухайн үеийн засгийн газар тэднийг хайж олоод бүгдийг нь устгах байсан. Тэгэхээр бид саяхан анзаарсанчлан, Авид Бурханы Орон нь үлгэрийн түүх шиг харагдаж байна. Тиймээс олон хүн “Энэ бол ямар нэгэн төсөөлөл, хий үзэгдэл эсвэл хуурмаг зүйл” гэж бодох болно. Тиймээс зарим Христэд итгэгчдийн үзэж байгаагаар Буддизм бол нэгэн төрлийн төсөөлөл, хий үзэгдэл гэх мэт зүйл юм. Үгүй, үгүй, үгүй. Би та нарт үнэнийг хэлье: Авид Бурханы Орон оршин байдаг. Миний зарим шавь нар авшиг хүртсэний дараа тэнд очиж үзсэн, эсвэл зарим нь авшиг хүртэх үедээ тэнд очиж үзсэн, учир нь эдгээр “орнуудад” очиход удаан хугацаа шаардагдахгүй. Нэг секундэд л та явж болно, тэгээд нэг секундэд л та буцаж ирнэ. Секунд хүрэхгүй хугацаанд. Энэ бүхэн бидний оюун санааны нээлттэй байдал эсвэл дотоод сувгаас хамаарна. Бүх зүйл дотоодод байдаг; бид түүнгүйгээр юу ч олж чадахгүй. Photo Caption: “Байгальд өөрөө ургасан ногоо”
