Дэлгэрэнгүй
Татаж авах Docx
Дэлгэрэнгүй уншаарай
Бурхан Неминат Бхагваны сургаал Калпа сутра, Бхагавати сутра, Таттвартха сутра зэрэг Жэйн шашны хэд хэдэн сударт бий.Түүний амьдрал, сургаалын талаар дэлгэрэнгүй өгүүлсэн Неминатха Пуранад Тэрээр Энэтхэгийн баруун хэсгийн Гужарат муж дахь Гирнар уулын оргилд байхдаа сүнслэг бясалгалын туйлын зорилго болох гэтлэл буюу нирваанд хүрсэн хэмээсэн байдаг. Тиймээс Гирнар нь гэтлэх нутаг гэдэгтэй ижил утгатай бөгөөд Жэйнчүүдийн хувьд ариун газар юм. Энд Түүнийг магтаал, бишрэлийн дууг дуулдаг Диваажингийн хөгжимчид болон тэнгэрийн элч нар хүрээлж байлаа. Гүн бясалгалд орсныхоо дараа Тэрээр бүх төрлийн зовлон зүдүүрээс бүрэн салж, ангижирсан юм. Амьдралынх нь янз бүрийн үе шатанд Тэнгэрлэг аялгуу Түүнтэй хамт байсан гэдгийг уг бичвэр нотолдог. Түүнийг төрсөн цагаас эхлэн Тэнгэр дэх Бурхад хүртэл хөгжим, аялгуу сонсгодог байв.Бхагавати сударт Бурхан Неминат Бхагван хэрхэн Бурханы аура болон тэнгэрлэг аялгуунд умбаж байсныг дүрсэлжээ. Тэнгэрлэг аялгуу нь чин бишрэл, ариун журамтай байж, оюун санааны дадал бясалгал хийн, материаллаг хүлээснээс ангижрах замаар олж авсан Түүний Бурханлаг чанар, цэвэр зохицол, оюун санааны цэвэр ариун байдал, аз жаргалыг илэрхийлдэг.Эдгээр сударт өгүүлснээр гэгээрснийхээ дараа Тэрээр Энэтхэг даяар аялж, хүчирхийлэлгүй байх, энэрэн нигүүлсэх, итгэл үнэмшил, мэдлэг, зөв үйл ажиллагаа болон оюун санааны хувьд гэтлэх арга замыг хүмүүст ялгаварлан тайлбарлаж, зааж сургасан юм.Бурхан Неминат Бхагван нь Жэйнизмийг Энэтхэгийн томоохон шашин болоход тусалсан хэмээн хүлээн зөвшөөрдөг билээ. Жэйнчүүд бүх амьд төрөлтөн сүнстэй бөгөөд аливаа амьд биетийг санамсаргүй байдлаар ч гэсэн гэмтээх нь өөрийн сүнсийг гэмтээсэн гэсэн үг хэмээн үздэг. Тэд үнэнийг хэлэх нь энэрэнгүй үйл, худал хэлэх нь өөртөө болон бусдад хор хөнөөл учруулж буй хэрэг гэж тооцдог. Түүнчлэн тэд эд хөрөнгө, дур хүсэл бол зовлон зүдүүрийг үүсгэж, гэгээрэлд хүрэхэд саад болдог хэмээн үздэг байна.Жэйн судруудад бичсэнээр Бурхан Неминат Бхагван 11 ахлах шавь буюу Гандхаратай байв. Калпа сударт дэлгэрэнгүй дурдсанчлан Түүний санга (шашны журам) нь 18,000 садху, 44,000 садхвигаас бүрддэг байжээ.
