Дэлгэрэнгүй
Татаж авах Docx
Дэлгэрэнгүй уншаарай
Лууз, түүний нэрийг үгчилбэл “Өвгөн Мастер” гэсэн утгатай, МЭӨ 6-р зууны хавар намрын улиралд төрсөн буюу Хау хааны угсаа төр барьж байх үеийн эртний Хятадын Чу засгийн үед амьдарч эхэлжээ. Түүний жинхэнэ нэр нь Ли Эрх байсан ба хожим тэрээр түүхч болон зурхайч Лао Дан гэдгээрээ танигдсан.Түүхэнд бичсэнчлэн Лууз нь Хааны номын сангийн эрхлэгч гэсэн эрхэм өндөр албыг хашдаг байж. Тэрээр өөрийн гүн мэдлэг, оюун ухаанаараа өндөр хүндэтгэлийг хүлээсэн хүн юм. Бүр Агуу Их Багш Кунз хүртэл түүнтэй нэгэн удаа Ли-н суурь, зан үйлийн талаар зөвлөлдсөн ба түүнийг шагшин гайхаж Луузын ухаан нь хэмжишгүй, яг л тэнгэр рүү салхи хийгээд үүлний хамт цойлох луу мэт юм гэж дуу алдсан байдаг.Лууз оюун санааны замд төгс суралцсан ба түүний гүн ухааны суурь нь олны хөлөөс хол даяанчилж нууцлагдмал байснаас бий болжээ. Лууз Хангу боомтоор эх орноосоо гарч явах тэрхэн үед Луузын оюун санааны онцгой гэрлэн бүрхүүлийг мэдэрсэн харуултай тулгарсан талаар домогт яригддаг. Их Багшид нэвтрэхийг зөвшөөрөхийн өмнө дэлхийд зарим сургаалаа бичиж үлдээхийг харуул шаарджээ. Энэ нь хожим Хятадын хамгийн чухал гүн ухааны болон оюун санааны судар номуудын нэг Дао Дэ Чин болсон байна. Даоизмын шашин Түүний сургаалиас урган гарч ирсэн, хожим Лууз Даоизмын домогт гардаг “Тай Шанг Лао Жун” гэх Бурхан (Дээд Өндөр Ахмад Эзэн) буюу Даоизмыг үндэслэгч гэгдэн хүндлэгджээ.Төгс Гэгээрсэн Их Багш Чин Хай 2008 оны Францын лекц дээрээ Луузын сургаалыг ийнхүү тайлбарласан байдаг.Луузын хэлснээр, “ийм төрлийн хүн үргэлж өөрийн байгалиас өгөгдсөн гайхамшигт төгс байдлаа марталгүй санаж, хадгалж явдаг. Тэр эргэн хүүхэд болсон бөгөөд бүх алдаа болон шившгээс чөлөөлөгдсөн. Даод хүрсэн эр, эм аль ч хүн ийм байдаг.”Тийм ээ, гэгээрэлд хүрсэн хүн. Лууз үүгээрээ шавь нартаа аливааг яаж үйлдэх, хэрхэн биеэ авч явах, Даод хүрсэн хүнийг хэрхэн ялгаж таних талаар хэлэхийг хүссэн байна. Тэр хүн ингэж харагдана; маш хүчтэй, маш чадалтай, маш ухаантай атлаа маш энгийн, маш даруу, маш эгэл байдаг. Тиймээс Тэр шавь нартаа захихдаа тэд нэгэнт дэлхий дээр амьдарч байгаагаас хойш тэд эхлээд эндэх амьдралаа авч явахыг зөвлөсөн. Зөвхөн биеийн хүч биш мөн оюун санааны хүч юм, та нар үүнийг мэдэж байгаа гэвч үүгээрээ бүү бардамнаарай, яагаад гэвэл хүн гэгээрэлд хүрсний дараа түүнд амьсгалахтай л адил энгийн, “ Ээх, би Даод хүрчихлээ, гайхалтай, одоо би Будда.” гэж бодогддоггүй. Эр ч бай эм ч бай аль ч хүн ингэж мэдэрдэггүй. Энэ нь яаж ч байсан тэдэнд маш энгийн бөгөөд жам ёсных юм. Гэвч хүмүүс түүнийг мэдчихээд бүгд түүн рүү хуран цуглана. “Тэнгэрийн доорх бүхэн” энэ нь бүх оршихуйнууд гэсэн утгатай, учир нь Тэр аль хэдийнээ бүгдтэй нэгдсэн байдаг. Тиймээс тэд энэ төрлийн оршихуйгаас хол санагддаггүй. Хүн гэлтгүй амьтад хүртэл. Тийм болохоор Тэр “Тэнгэрийн доорх бүхэн” гэж хэлжээ. Тэр хүн төрөлтөн түүн рүү хуран цугларна гээгүй, Тэр “Тэнгэрийн доорх бүхэн” энэ хүн рүү ирнэ, яагаад гэвэл Тэр дахин хүүхэд болж энгийн, чөлөөлөгдсөн мөн цэвэр ариун болон хувирсан учраас тэр гэж хэлсэн байна.
