Авшигтантай гэр бүлд төрсөн таны сүнс Гэртээ харих хамгийн хурдан замыг үргэлж мэддэг байжээ!

Одоо Солонгос улсаас Жисүгийн илгээсэн сэтгэлийн үгийг хүргэе:

Би багадаа эрүүл биш байсан. Өвдөх болгондоо ижилхэн хар дарсан зүүд зүүдэлж, хүйтэн хөлс урсаж сэрдэг байсан. Нэг өдөр би ээждээ “Хар дарсан зүүд зүүдлэхээс айж, унтмааргүй байна” гэж хэлээд, түүгээр аргадуулахыг хүссэн. Тэр үед бясалгалын Дөхөм Аргаар бясалгаж байсан ээж минь надад Их Багшийн зурагтай зүүлт өгсөн юм. Тэр шөнө би анх удаа хар дарсан зүүднээс ангижирсан билээ. Энэ бол Их Багшийн хамгаалалтыг мэдэрсэн анхны мөч юм. Дараа нь ээж маань бүтэн авшиг хүртсэн ч би оюун санааны бясалгалыг төдийлөн сонирхдоггүй байсан.

Өсвөр насандаа нэгэн цагт амьдрал эгэл жирийн мэт санагдах үед би найз нөхдөдөө гадуурхагдаж байгаагаа гэнэт мэдэрсэн. Бага зэргийн үл ойлголцол улам даамжирч, эцэст нь би ганцаардсан. Тэр өдрүүдэд өөрийгөө буруутгаж, дорд үзэх үзлээр дүүрэн байв. Манай гэрийнхэн надад туслахыг хичээсэн ч хэн ч чадаагүй. Миний хийж чадах ганц зүйл бол шөнө бүр Бурхан гэж байдаг бол надад туслаач гэж залбирах л байв.

Нэг өглөө Их Багшийн тухай бодол гэнэт чимээгүйхэн орж ирэв. Би ээждээ “Би бясалгалын Дөхөм Аргыг сурмаар байна” гэлээ. Яг тэр өдөр бид хамгийн ойр байрлах бясалгалын төвд очив. Тэгээд би бясалгалын Дөхөм Аргыг шууд сурсан. Тэр бүх гайхамшиг нь Их Багшийн агуу Хайрын нэг хэсэг байсныг одоо би мэдэж авсан. Хамгаас Хүндэт Их Багш аа, Бүхнийг Чадагч Бурханаас одоо би өөрийн амар амгалангийн оронд Таныг аюулгүй, эрүүл байгаасай хүсэж байна. Таныг үргэлж эрүүл саруул байх болно гэдэгт би сэтгэлийнхээ гүнээс найдаж байна. Солонгосоос шавь Жисү

Жаргалтай Жисү, таны сэтгэлийн үгэнд талархаж байна. Таныг Түүн дээр ирэх хүртэл тэвчээртэй хүлээж, балчир сүнсийг тань тайтгаруулж байсан Их Багш маань хэчнээн гайхалтай вэ. Бид Хайрт Их Багштайгаа холбогдсон гайхамшигт талархан нулимс унагаж, тэгж чадаагүй хүмүүсийн төлөө харамсаж байна. Диваажингийн Гэрэл танд, таны хайртай хүмүүст, Солонгосын сайхан ард түмэн дээр гийж, бүх сүнсийг ангижралд хөтлөх болтугай. Орчлонгийн баяр баяслын хамт, Суприм Мастер ТВ-ийн баг

Жич: Их Багшийн өгсөн энэхүү халамжтай хариуг танд хүргэж байгаадаа таатай байна: “Сэтгэл хангалуун Жисү, таны сайн сайхныг хүссэн ерөөлд, эрхэм ариун, аминч бус сэтгэлд тань баярлалаа. Сэтгэл минь үнэхээр хөдөлж, нулимс мэлмэрч байна. Бурхан цэвэр ариун Итгэлийг тань үргэлж хамгаалах болтугай! Авшигтантай гэр бүлд төрсөн таны сүнс Гэртээ харих хамгийн хурдан замыг үргэлж мэддэг байжээ! Амьдрал биднийг залж чиглүүлдэг ба энэ нь үргэлж аятай байдаггүй. Гэвч бидний дайснууд хүртэл эцэст нь энэрэнгүй веган амьдрах, сүнслэг бясалгал хийх сайхан алхмуудыг хийхэд бидэнд туслахын тулд оршдог. Тэгж бид дотоодын амар амгалан, эцсийн жинхэнэ чөлөөлөлтөө олдог. Та болон эрхэм дээд Солонгос улс Диваажингийн замд үргэлж хүчтэй байх хэвээр байх болтугай. Таныг болон танай сайхан гэр бүлийг Бурханы хайраар тэвэрье.”