Seeing Master’s Three Manifestations: Quan Yin Bodhisattva, Jesus Christ and Maitreya Buddha

Одоо АНУ-аас Каелигийн илгээсэн сэтгэлийн үгийг хүргэе:

Эрхэм Хайрт Их Багш аа, 1999 онд авшиг хүртэж, Таны шавь болсон нь миний хувьд их аз завшаан байсан. Арьяабалын аргаар бясалгаж эхэлснээс хойш миний амьдрал амар амгалан, аз жаргалаар адислагдсан. Таны хайрын удирдамж, сургаалд би гүнээ талархаж байна.

Нэгэн удаа би ахуй ойлголтдоо ард нь урт цагаан гивлүүр зөөлөн намиран унжиж буй цагаан хувцас өмссөн Арьяабал Бодисадваг харсан юм. Тэр эелдэг, гуа сайхан, уран зураг шиг үзэсгэлэнтэй байсан нь миний хэзээ ч мартахааргүй ахуй ойлголт байсан. Авшиг хүртсэнийхээ дараа би үүнийг Таны хувилгаан байсныг ойлгосон, Их Багш аа. Хожим санамсаргүй байдлаар миний ахуй ойлголтдоо харсан шиг урт цагаан гивлүүртэй цагаан хувцас өмссөн Таныг дүрсэлсэн зураг надад ирсэн юм.

2008 оны Зул сарын баяраар би даяан бясалгалд оролцохоор Франц руу явсан юм. Хөтөлбөрийн дараа Та авшигтнуудтай уулзаж, сургаал айлдаж, орой нь бидэнтэй хамт бясалгалаа. Хэсэг хугацааны дараа би агар модны маш анхилуун үнэр агаарыг дүүргэхийг анзаарав. Бясалгалын үеэр би Есүс Христийг цагаан хувцас өмсөж, агуйд суугаад сургаал айлдаж байхыг харсан. Түүнийг тойрон хүрээлсэн Тэргүүн шавь нар эхний эгнээнд сууж, бусад олон хүн тэдний ард сууж байв. Хурц гал агуйг гэрэлтүүлэв.

2024 оны 4-р сард Буддагийн мэндэлсэн өдрийн баяраар би Таныг Майдар бурхан мөн гэдгийг гэнэт ойлгосон. Дараа нь, 2024 оны 7-р сарын 8-нд Суприм Мастер Телевизийг үзэж байхад Диваажингийн зөвшөөрснөөр Та Есүс Христ, Майдар Бурханы аль аль нь гэдгээ илчилсэн билээ. 2024 оны 11-р сарын 20-нд Та мөн Өөрийнхөө хувилгаан дүрүүдийн илүү ихийг хуваалцаж, Арьяабал Бодисадва гэдгээ илчилсэн билээ.

Диваажингийн Нигүүлслээр би Таны гурван хувилгаан дүрийг олж мэдсэн. Эхнийх нь Арьяабал Бодисадва, хоёр дахь нь Есүс Христ, гурав дахь нь Майдар бурхан. Би үүнийг хамгийн дээд хүндэтгэл, бишрэлээр хуваалцаж, дэлхий нийт веган амьдралын хэв маягт шилжин, Танд итгэж, энэ амьдралдаа гэтлэгдэхийн тулд Арьяабалын Аргаар бясалгаасай хэмээн залбиръя. Таны шавь, АНУ-аас Каели

Тэнгэрлэг Каели, Сэтгэгдэл илгээсэнд болон Их Багшийн олон хувилгаан дүрийн талаарх дотоод ахуй ойлголтоо хүүрнэсэнд баярлалаа.

Их Багш таны сэтгэгдэлд Хариуллаа: “Үнэнч Каели, Бурханы ийм чин сэтгэлт шавь байж, Диваажингийн ахуй ойлголтыг шууд таньж мэдэн, амар амгалан, аюулгүй амьдралыг хүртэж чадсанд баярлалаа, хайр минь. Арьяабалын Аргаар бясалгах нь танд амар амгалан, аз жаргал авчирсан гэдгийг сонсох үнэхээр гайхалтай байна. Таны чин сэтгэл, хичээл зүтгэл тань дотоод ахуй ойлголт, Үнэний тухай илүү өндөр ойлголт зэрэг олон адислалыг өгчээ. Өдөр тутмын бясалгалд тань Бурхан таныг ивээх болтугай. Ау Лакт Хайртай шүү. Танд болон таны хайртай хүмүүст хайртай.”