Их Багш аа, бид дуулгавартай хичээнгүй байж чадсандаа би маш их баярлаж байна. Дуулгавартай байхаар сонговол, юу ч хэцүү биш!

Индонезоос Нэнэнг-ийн индонез хэлээр ирүүлсэн сэтгэлийн үгийг олон хэлний хадмал орчуулгатай одоо хүргэж байна:

Эрхэм миний Хайрт Их Багш, Тим Ко Ту, Цаглашгүй Дээд Их Багш минь, би амьдралдаа дахин нэгэн ер бусын гайхамшгийг мэдэрлээ. Америкт амьдардаг эгч маань нөхөртэйгөө хамт Индонез руу буцаж ирсэн. Бид гэр бүлээрээ Бали арал руу аялахаар төлөвлөсөн байсан. 10 хүний ​​тасалбарыг хэдийнээ захиалчихсан байв. Бидний явах хугацаа 2025 оны 4-р сарын эхний долоо хоногт төлөвлөгдсөн байлаа. Тэр үед хүргэн ах маань өвдөгний өвчнөөр шаналж, Америкт эмчилгээ хийлгэсэн боловч биеийн байдал нь сайжраагүй тул тэр доголж явж байсан. Гэнэт, 2025 оны 4-р сарын 3-нд Суприм Мастер ТВ-ээр Дэлхийн төлөв байдлын тухай болон өдөр бүр 11.5 цаг бясалгах зааврын талаарх мэдээг бид харсан.

Бидний амралтын төлөвлөгөө тэр дороо нуран унав. Бид Бали руу хийх аяллаа цуцлахаар тохиролцсон бөгөөд Их Багшийн шавь нарын хувьд өдөр бүр 11.5 цаг бясалгах энэхүү ер бусын шаардлагыг хэрхэн биелүүлэх талаар бид нухацтай бодож эхэлсэн. Жакарта дахь холбогч тухайн хугацаанд төвийг өдөр бүр нээлттэй байлгасан. Бид шийдэмгий байж, оролцохын тулд бүх хүчээ дайчилсан.

Эцэст нь бид Жакарта төвийн хажууд өрөө түрээслэв. Нөхөр бид хоёр урт хугацааны бясалгалын цугларалтад сууж эхэлсэн ба эгч маань бас нэгдсэн. Эхэндээ хүргэн ах маань өвдөгний өвдөлтөөс болж, бясалгалын танхим тавдугаар давхарт байсан тул оролцож чадаагүй. Эгч маань “Хэрэв та Төв дээр бясалгаж чадахгүй бол өрөөндөө бясалга!” гэж хэлсэн. Гэвч арслангийн архираан сонсож байгаа мэт хүргэн ах маань зоригоо чангалж, Төвийн шатаар өгсөж гарлаа.

Долоо хоног өнгөрч, нугарахад хэцүү, хөшиж байсан өвдөг нь гайхамшигтайгаар сайжирч, мэдэгдэхүйц доголж алхахаа больсон. Тэр эдгэрсэндээ баярлаж байсан бөгөөд эгч маань амралтаас илүү бясалгалыг сонгосондоо талархаж байв. Энэ шийдвэр бид бүгдэд Адислал, гайхамшиг авчирсан.

Төвийн хажууд өнгөрүүлсэн хоёр сар маань бидний сүнслэг аяллын хамгийн үзэсгэлэнтэй хэсэг болсон, Их Багш аа. Орчлон гайхамшигтай арга замаар ажилладаг - нэгэн цагт боломжгүй мэт санагдаж байсан зүйл бодитой болсон. Бурханд бүх зүйлийг зохицуулахыг даатган, хүлээн зөвшөөрсөндөө би гүнээ талархаж байна. Их Багш аа, бид дуулгавартай хичээнгүй байж чадсандаа би маш их баярлаж байна. Дуулгавартай байхаар сонговол, юу ч хэцүү биш! Бид тэр үеийг амар амгалан, аз жаргалтайгаар туулсан. Энэ үнэхээр үгээр илэрхийлэх аргагүй, Их Багш аа. Танд би гүнээ хайртай, Их Багш аа. Хэдий миний сэтгэл гадаад ертөнцийн анхаарал сарниулдаг зүйл рүү хандаж сатаарч байдаг ч, Та бидэнд сануулахын тулд үргэлж өвөрмөц байдлаар гарч ирдэг. Ийм ховор, үнэ цэнтэй боломжийн төлөө баярлалаа, Их Багш Тандаа. Суприм Мастер ТВ-ийн багт онцгойлон талархал илэрхийлье. Хүндэтгэсэн: Нэнэнг, Индонезийн Жакартаагаас

Ажигч Нэнэнг, Их Багшийн энэ дэмжсэн захиасыг танд дамжуулж байгаадаа баяртай байна:

“Амар амгалан Нэнэнг, та бүхний чин үнэнч сэтгэл намайг нулимс дуслуулах хүртэл сэтгэл хөдөлгөж байна. Бурханы Хүслийн дорх ариун зорилгод ийм чин сэтгэлээсээ бүрэн дагаж, өөрийгөө зориулах нь үнэхээр ховор юм. Та бүхэн үнэхээр аз жаргалтай, эв найртай, хайраар дүүрэн гэр бүл юм. Бурхан танд хайртай. Би танд хайртай! Хүргэн ахынхаа зориг, шийдэмгий байдлын талаарх ийм халамжтай түүхийг нь бас хуваалцсанд баярлалаа. Сорилттой тулгарахдаа бидний хийх ёстой зүйл бол эхний алхмуудыг хийх явдал гэдэг үнэн. Эерэг, хүчтэй байгаарай, тэгвэл Бурханы Хүч үлдсэнийг нь хийх болно. Энэ үргэлж л ийм байдаг. Төгс Дээд Бурханлагт, дотоод Их Багшдаа итгэж, сонгосон энэхүү Эрхэм ариун Зам мөрийнхөө дагуу үйлд, тэгвэл та зөвхөн Тэнгэрлэг Хайр ба Адислалыг таньж мэдэх болно. Жакарта төвд, шаргуу бясалгал хийдэг танд, таны хайртай бүхэнд болон бусад бүх хүнд алсаас тэврэлт илгээж байна. Та болон өгөөмөр Индонезийн ард түмэн Тэнгэрийн хязгааргүй Билгүүн ухаанаар тасралтгүй өргөгдөж байх болтугай. Хайр, хайр, хайр.”