Зөвхөн асуудал үүссэн үед ч биш, өдрийн турш Ариун Нэрсийг хэлж хэвшээрэй. Энэ нь таны амьдралын чанар, сүнслэг дадлыг сайжруулах болно.

Канадаас Алисса-гын ирүүлсэн сэтгэлийн үгийг одоо бид хүргэе:

Хүндэт Их Багш аа, Хэдэн өдрийн өмнө би баруун гарыг минь ороосон могойн тухай аймшигтай зүүд зүүдэлсэн. Энэ ердийн могой биш байсан; түүний бүх бие нь өргөсөөр хучигдсан байв. Тэр миний гарыг чанга, улам чангаар ороож, хэмжээ нь улам томорч байв. Миний сүнсний уйлахыг хэн ч сонсохгүй байх шиг, айсандаа юу хийхээ мэдэхгүй байв. Үүнээс яаж салахаа би мэдэхгүй байлаа. Би могойд хүрч чадаагүй; энэ нь өргөсөөр бүрхэгдсэн байсан ...

“Эзэн минь, надад туслаач” гэж би хэлээд Ариун Нэрсээ уншиж эхлэв. Тэгээд харвал харин гайхалтай нь, могой хүчгүй болж, сульдаад миний гарыг тавьчихсан… Итгэмээргүй юм!!! Би айсандаа сэрсэн, зүрх минь хүчтэй цохилж, бүх бие минь дагжиж байв, мөн үүний зэрэгцээ, энэ бүхэн зүүд байж, би аюулд ороогүйдээ аз жаргалтай байлаа. Гэвч би их мухар сүсэгтэй хүн. Тэр зүүд юу илэрхийлж байгааг бодож үзээд, Ариун Нэрсийг унтаж байхдаа ч мартаж болохгүй юм байна гэдгийг ойлгосон. Энэ зүүд бол бид Ариун Нэрсийг үргэлж санаж байх ёстойг сануулж байна; энэ бол бидний хамгийн сайн хамгаалалт.

Их Багш аа, Таны бидэнд хайрласан Адислалын төлөө, ​​биднийг зөв замаар хөтөлж байгаад, Таны байнгын дэмжлэгийн төлөө, биднийг унтаж байхад ч өдөр шөнөгүй, 24/7 хамгаалж байдагт баярлалаа, Бүх зүрх сэтгэлээрээ, бүхий л сүнсээрээ Танд талархаж байна.

Тандаа эрүүл энх, урт удаан нас, Диваажингийн хамгаалалт, хамгийн сайн сайхан бүхнийг хүсэн ерөөе. Маш их Хайр, хүндэтгэл мөн мөнхийн Талархалтайгаар. Миний Хайрт, Эрхэм ариун Их Багш минь! Алисса, Канадаас

Тайван Алисса, сэтгэлийн үгэнд тань баярлалаа. Их Багш эелдэг үгсээ танд хүргэж байна:

“Талархалтай Алисса, Арьяабалын хичээнгүй бясалгагч байгаад нь мөн авшиг хүртээх үед өгсөн зааврыг дагаж байгаад тань баярлалаа. Үнэндээ Ариун Нэрсийг унших нь хамгийн сайн хамгаалалт юм. Та тэдгээрийг хэдий чинээ олон давтан хэлж чадна, төдий чинээ сайн, учир нь тэд биднийг энэ дэлхийн олон сөрөг зүйлээс мөн зарим доод түвшний ертөнцүүд болон зарим хамтын үйлийн үрээс хамгаалдаг. Ариун Нэрсийг давтан унших нь биднийг жинхэнэ мөн чанартайгаа одоо цагт байх боломжийг олгож, өдөр тутмын амьдралдаа сүнслэгээр өсөж хөгжих, сөрөг бодлоос зайлсхийх боломж олгодог. Зөвхөн асуудал үүссэн үед ч биш, өдрийн турш Ариун Нэрсийг хэлж хэвшээрэй. Энэ нь таны амьдралын чанар, сүнслэг дадлыг сайжруулах болно. Та болон Канадын энхийг-эрхэмлэгч ард түмэн амьдралынхаа хором бүрд Бурханы Ивээл, хамгаалалтад амьдрах болтугай. Танд маш их Хайраа илгээж байна.”