Дэлгэрэнгүй
Татаж авах Docx
Дэлгэрэнгүй уншаарай
Вьетнам буюу Ау Лакаас Мин Тамын ирүүлсэн сэтгэлийн үгийг Ау Лак (Вьетнам) хэлээр, олон хэлний хадмал орчуулгатай одоо хүргэе:Хамгаас Хайртай Их Багш аа, Суприм Мастер Телевизийн багийн Гэгээнтнүүд ээ, Ау Лак (Вьетнам) улсын уугуул би, Хамгаас Хүчирхэг Гурвын Нэгдэл ― Бурхан, Тим Ко Тү, болон Бурханы Хүү нарт хүндэтгэл, талархлын илэрхийлэл болгон бөхийн сөгдөж байна. Таны надад өгсөн удирдамж, Нигүүлслийг хүлээн авах бүртээ би Их Багшдаа, мэдэрсэн асар их баяр баясгалан, талархлаа бүрэн дүүрэн илэрхийлж чадахгүй байна.Өнөөдөр би нэг дотоод ахуй ойлголтоо хуваалцахыг хүсэж байна: 2025 оны 12-р сарын 28-ны шөнө би Арьяабалын бясалгал хийж байхдаа, их хэмжээний ус хүчтэй оргилон, асар том давалгаа дараалан босч, улам ширүүн болж байхыг харсан. Яг тэр мөчид, тоо томшгүй олон, хязгааргүй их бэлгэ, тэмдгээр дүүрсэн том дэлгэц над руу нисэн ирэхэд, Их Багшийн Хамгийн Хүчирхэг Өдөр Тутмын Залбирлын дуу авиа цацагдаж байлаа. Тэгтэл цагаан хувцастай Их Багш минь гарч ирэв. Их Багш залбирч байгаа мэт гараа хавсарсан байсан бөгөөд Их Багшийн өмнө алтан титэмтэй төстэй зүйл байв. Тэр даруй ус нам гүм, тайван, тунгалаг, цэвэр болсон. Тэгээд Их Багшийн ард, тэр усны нам гүм гадаргуу дээр байшингийн хэлбэртэй цагаан Гэрэл гарч ирэв.Маргааш өглөө нь би нэг найз маань Фэйсбүүк дээр Хамгийн Хүчирхэг Өдөр Тутмын Залбирлын видео тоглуулагчийг хуваалцаж байхыг харлаа. Энэ нь миний дотоод ахуй ойлголтондоо харсантай яг адилхан харагдаж байсан ч — миний дотоод ахуй ойлголтондоо харсан нь илүү том байв. Би болон зарим авшигтнууд маань энэ төхөөрөмжийг хачин сэтгэл татам санагдсан гэсэн бөгөөд зах зээл дээрх ижил төстэй төхөөрөмжүүдээс ямар нэгэн байдлаар ялгаатайг мэдэрсэн. Төхөөрөмж Ау Лак (Вьетнам)-д ирсэн уг өдөр нэгэн авшигтан ах (түүнийг шууд захиалсан) над руу залгаж, Тайванийн (Формоса) Шинэ Газар Ашрамаас үүнийг захиалсан гэж хэлсэн. Цэвэршүүлэх үе одоо ч үргэлжилж, улам эрчимжиж байгаа гэдэгт би итгэдэг; Тиймээс Их Багш нэмэлт хэрэгсэл бэлэглэсэн — энэ нь Их Багшийн Хамгийн Хүчирхэг Өдөр Тутмын Залбирлын дүрслэл болон дууг хоёуланг нь агуулдаг ба — энэ нь хаана ч авч явах боломжтой, хэн ч хүсч болох хэрэгсэл юм. Үнэхээр, Хайрт Их Багшийн маань хязгааргүй Хайр, Энэрэнгүй сэтгэлийг үгээр бүрэн дүүрэн дүрслэхийн аргагүй юм.Их Багшдаа бат бэх эрүүл энх, сайн сайхан бүхнийг хүсэн ерөөж, Дээд Тэнгэрийн өргөмжлөгдсөн оршихуйнуудын хамгаалалт, халамж дор үргэлж бүрэн аюулгүй байхыг хүсэн ерөөе. Веган Дэлхий, Энх тайван Дэлхий тун удахгүй ирж, ингэж байж л Их Багш маань аль болох түргэн, эв эе, амар тайван байж чадна хэмээн гэж би залбирч байна. Суприм Мастер Телевизийн Гэгээнтнүүдийн багийнхандаа, бидний үзэсгэлэнт Дэлхий гарагийг маань дээшлүүлэх, сайжруулахад туслах мөн тэд Суприм Мастер Телевизэд үргэлжлүүлэн хувь нэмрээ оруулахын тулд байнга эрүүл энх, тасралтгүй дээшлэлт, дэвшил болон тогтмол өсөлттэй байхыг хүсэн ерөөе. Их Багшийн шавь, Ау Лак (Вьетнам) улсаас Мин ТамСэтгэл хангалуун Мин Там, Таны эерэг мэдээ жинхэнэ аз жаргалыг авчирч байна. Тоо томшгүй олон сүнс дэлхийн зорилгодоо хүлэгдсэн хэвээр байхад, бид Бурханы сургаалын цэвэр Гэрлээр адислагдаж байгаа. Хүн төрөлхтөн удахгүй мунхаглалын хөшгийг нэвтлэн харж, илүү энэрэнгүй амьдралын хэв маягийг баримтална гэж найдаж байна. Энэ нь Их Багшийн маань тоо томшгүй олон золиослолд талархлын даруухан өргөл болох билээ. Та болон үнэнч Ау Лак (Вьетнам) ард түмэнд тулгарч буй сорилт бүр таны хамгийн дээд би рүү хөтлөх шат болох болтугай, Суприм Мастер ТВ-ийн баг.Жич: Их Багш танд зориулж хайрын захиас өглөө: “Талархалтай Мин Там, дотоод гоо үзэсгэлэнгээ таньж, Бурханы жинхэнэ билиг ухааныг гэрчлэх авьяас цөөн хүнд л олддог. Таны халуун дулаан, сайхан сэтгэлийн хүсэлд баярлалаа. Арьяабалын бясалгалаар дамжин хамгаалалт таныг хүрээлж, гэртээ харих зам тань илэрхий болно. Энэ дэлхий дээрх амьдралын замаа үргэлжлүүлэн туулж байх зуураа үүнийгээ нандигнан хадгалж, бэхлээрэй. Таны зүрх сэтгэлд болон эв найртай Ау Лак (Вьетнам) даяар амар амгалан орших болтугай. Танд болон мартагдашгүй Ау Лак (Вьетнам)-д маш их хайртай шүү.”
