Бүх Адислал амьдралдаа Бурханлагийг нээлттэй сэтгэлээр хүлээн авдаг хүмүүст ирдэг.

Хятадаас И-Чен-ийн мандарин хятад хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Хүндэт Их Багш болон Суприм Мастер ТВ-ийн багийн авшигтан ах эгч нар аа, Энэ өдрийн мэндийг хүргэе! Би авшиг хүртэхээсээ өмнөх туршлагаасаа хуваалцмаар байна. 2022 оны 8-р сарын дунд үеэс сүүл үе хүртэл би хүүгээ аваад, эх орондоо буцаан авчрахаар явсан бөгөөд замдаа Дубайд дамжихаар түр зогссон. Дубайд ирсний дараа арьс минь гэнэт цайвар, толигор болж, нүд минь тунгалаг, гэрэлтсэн болж, царай минь залуу мэт гэрэлтэн гялалзсан. Дубайн уур амьсгал илүү сайн байсан болохоор л тэгсэн гэж би бодсон. Буцах аялалын өдөр миний хоёр дахь PCR шинжилгээ “эерэг” гарсан. Гайхалтай нь би санаа зоволт ч, сандрал ч мэдрээгүй; үүний оронд би тухайн үгийн өөрийнх нь эерэг энергийг л мэдэрсэн. Энэ нь маш хачирхалтай санагдсан бөгөөд үүнээс болж би Дубайд нэг сар байх шаардлагатай болсон.

Тэр үед би дотроо гүн уй гашуу тээж, үүндээ байнга автан, дарагдаж дотроосоо хүчгүй мэт мэдрэмжийг гүн гүнзгий мэдэрч байв. Хэдийгээр миний бие махбодийн шинж тэмдгүүд хурдан арилсан ч, сэтгэлийн гүндээ би ямар ч урам зориггүй болсон мэт мэдрэмжтэй байв. Би толинд өөрийгөө харахад — цэвэрхэн, цайвар арьс, тунгалаг нүдтэй байсан ч — гадаад төрх маань дотоод сул дорой байдлаасаа тэс өөр байсан бөгөөд тэр үед өөрийнхөө нөхцөл байдлыг ойлгож чадахгүй байв. Зочид буудлын агааржуулагч маш хүйтэн байсан. Өглөө бүр сэрэхэд маань, гайхмаар нь цээжин дээр минь ихээр хөлс хуримтлагдан тогтсон байдаг байв. Би маш их гайхсан: бие болон сэтгэл доторх хүйтэн мэдрэмжийг даван туулж, намайг үргэлжлүүлэн тэсвэрлүүлж байсан ямар төрлийн хүч вэ? Сарын дараа би бүрэн шинэчлэгдэж, уй гашууд автахаа больсон.

Эрхэм хүндэт Их Багш аа, би аравдугаар сар хүртэл, Та Иранд болсон үйл явдлын талаар Шуурхай Мэдээгээр ярьж, Арабын орнуудын нэгээр дайран өнгөрч байснаа дурдах хүртэл үүнийг Таны Ивээл байсан гэдгийг мэдээгүй байв. Би цаг хугацааг тооцоолж үзэхэд, энэ нь миний Дубайд байсан үетэй тохиолдлоор давхцаж таарч байсан. Тэр мөчид би надад тусалсан хүн бол Та гэдгийг ойлгосон! Баярлалаа! Би бүр Таны шавь болохоос ч өмнө Та намайг хамгаалж, тусалж байжээ. Одоо би болон хүүхдүүд маань Таны шавь нар болцгоосон билээ. Би хичээнгүйлэн бясалгалаа хийж, Таны сургаал болон Таны хийдэг зүйлсийг дагаж, Тантай адил чиглэлд урагшлах болно. Би хүүхдүүдээ удирдан чиглүүлэхийн тулд чадах бүхнээ хийх болно, Таныг өөрсдийн үлгэр дуурайл болгоно! Энэ дэлхий дээр нэг л өдөр Тантай уулзаж чадна гэж найдаж байна! Таны шавь, И-Чен Хятадаас

Эргэцүүлэмтгий И-Чен ээ, Хайрт Их Багштайгаа хамтдаа бидний амьдрал гайхамшгаар дүүрэн. Ивээгдсэн азтай туршлагаа бидэнтэй хуваалцсанд баярлалаа. Та болон арвич Хятад улс Диваажингийн сүр жавхлантай Гэрэлд энх тайван, сайн сайхан байдлыг хамгаалж, тэтгэх болтугай. Тэнгэрлэг Нигүүлсэлд, Суприм Мастер ТВ-ийн баг

Жич: Их Багшаас танд ирүүлсэн энэхүү сэтгэл дулаацуулах хариуг хүлээн авсандаа бид баяртай байна. “Хүндэт И-Чен ээ, үнэндээ би Дубайд хэсэг хугацаанд байсан бөгөөд тэр улсад маш их хайртай. Бүх иргэдээ энэрэнгүй төр засаг нь сайн халамжилснаар, амьдралын тав тухаас юу ч дутагдахгүй улс. БУРХАНЫ НИГҮҮЛСЛЭЭР таныг өвтгөж, зовоосон зүйлээсээ эдгэрсэнд тань баяртай байна! Бүх Адислал амьдралдаа Бурханлагийг нээлттэй сэтгэлээр хүлээн авдаг хүмүүст ирдэг. Хичээнгүйлэн бясалгал хийж, Ариун Нэрсийг өдөр бүр уншиж, Бүхнээс Агуу Бурханыг санаж, үргэлж веган байгаарай. Тэгвэл та дотооддоо орших мөнхийн амар амгалан, хайрыг олох болно. Та болон гэр бүлсэг Хятадын ард түмэн материаллаг зүйлсээс илүү сүнслэг зүйлсийг үргэлж сонгож, чөлөөлөгдөх болтугай. Танд болон таны үзэсгэлэнтэй гэр бүлд хайртай.”