Тэдний дийлэнхийнх нь амьдрал богино бөгөөд Дэлхий дээрх бүх амьдралыг илүү сайн хамгаалахыг бидэнд заахаар тэд энд ирдэг.

Малайзаас Фарханы малай хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Миний Эрвээхэй Найз Манай цэцэрлэгт цэцэгсийг тойроод нэгэн шаргалдуу-бор өнгийн эрвээхэй байнга нисдэг байлаа. Их Багш үргэлж бид амьтан-хүмүүс болон шавьжтай харилцаж чадна гэж хэлдэг тул би уг эрвээхээтэй харилцах гэж оролдов. Тэр далавчаа хумьж навчин дээр суув. Энэ нь миний өмнө нь харсан эрвээхэй мөн эсэхийг би сайн мэдэхгүй байлаа. Тэгээд би чин сэтгэлээсээ түүнтэй ярилцав, “Чи миний өмнө нь хардаг байсан яг тэр эрвээхэй мөн үү? Хэрэв тийм бол шаргалдуу өнгийг батлахын тулд далавчаа дэлгэж чадах уу?” Би үүнийг хэд хэдэн удаа давтаж хэлсэн боловч юу ч болоогүй. Тэгээд 10 орчим секундын дараа гэнэт тэр далавчаа хэд хэдэн удаа дэлгэж, хааж эхэлсэн бөгөөд надад батлагдсан шаргалдуу өнгийг нь харах боломж олгосон.

Дараагийн өдрүүдэд тэр намайг цэцэрлэгт байхад эсвэл хаалга руу алхах бүрт гарч ирдэг байв. Нэг удаа бүр миний бугуйн дээр жижиг хүрэлт өгсөн. Би өөр нэг зүйлийг туршиж үзсэн. Би хөлөнд нь ойртож хүрээд, хуруун дээр минь суухыг гуйсан. Тэр бишүүрхэж, хэд хэдэн удаа жаахан холдож ниссэн. Тэр нисээд шинэ газар очих бүрт би ойртож, хөлд нь хүрсэн. Би түүнд “Хэдхэн секунд л хангалттай. Хуруун дээр минь авирч гар” гэсэн. Тэр догдолж, тойрон эргэлдэж байв. Тэгээд, гэнэт миний хуруун дээр авирч гарсан. Бүтэн 10 секундын турш тэр тэндээ байв. Би бүр гайхаад л алмайрсан.

Би түүнтэй ярьж, “Хэрвээ чи хэзээ нэгэн цагт аюулд орвол Их Багшаас тусламж хүсэн дуудаарай” гэж хэлээд түүнд Их Багшийн дүр төрхийг хүргэж, аюулд орсон үедээ дуудах болов уу гэж эргэлзэн бодов. Өдөр бүр тэр миний хуруун дээр авирч гардаг байлаа.

Би зураг авахыг хүсэж байсан тул нэг удаа гар дээр минь эрвээхэй суусан үед, Андройд ухаалаг гар утасныхаа камерыг нь асааж ойрын зайнаас хоёр зураг авч чадсан. Би түүнд “Хөдлөхгүй байгаарай. Би Суприм Мастер Телевиз рүү илгээх зураг авна” гэсэн. Намайг нэг гараараа зураг авах гэж огцом, савлах хөдөлгөөн хийж байхад тэр бүтэн 10 секундын турш тэндээ зогссон. Би энэ зурвасын хамт эрвээхэй найзынхаа зургийг илгээж байна. Үүгээр бид шавьжтай ч харилцаж чадна гэдгийг батлах болно гэж найдаж байна. Их Багш Танд болон Суприм Мастер ТВ-ийн багт цуцашгүй хичээл зүтгэлд тань баярлалаа. Малайзаас Фархан

Ажигч Фархан, Бид таны эрвээхэй найзтайгаа харилцаж байгаа талаарх мэдээнд баяртай байна. Өөрийн туршлагаас хуваалцаж мөн бид бүгд гэр орон болон цэцэрлэгтээ гайхамшигтай олон янзын шавьжтай харьцаж, тэдний оршихуйг хэрхэн таашааж болохыг бидэнд харуулсанд баярлалаа. Тэнгэрийн жаргалант амар амгалан та болон ногоон Малайз улстай үргэлж хамт байх болтугай.

Жич: Бидний Эрхэм Их Багш танд зориулж хариу амарлингүй зурвасыг илгээж байна: “Зөөлөн сэтгэлт Фархан, магадгүй хамгийн эмзэг шавьжны ертөнцийн хайрт анд байгаад баярлалаа. Тэдний дийлэнхийнх нь амьдрал богино бөгөөд Дэлхий дээрх бүх амьдралыг илүү сайн хамгаалахыг бидэнд заахаар тэд энд ирдэг. Чимээгүй сууж шавьжнуудыг ажигласнаар бид маш их зүйлийг сурна. Хүн бүр оролдож үзэж болно. Та болон хөгжилтэй Малайзын ард түмэн Бурханы Гэрэлд сүнслэгээр үргэлжлүүлэн өргөгдөх болтугай. Дараагийн удаа “Мэндчилж, хайртай шүү” гэж буйг минь дамжуулаарай. Таныг үргэлж хайрладаг шүү.”