Энэхүү үзэсгэлэнгээр дамжуулан олон хүн Үнэнийг мэдэж, веган болж, авшиг хүртэх урам зориг авсан гэж найдаж байна.

Монгол улсаас Хонгорзулын монгол хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Хамгаас Эрхэм Их Багш минь, Монгол улсад энгийн хэр нь үзэсгэлэнт Их Багшийн минь уран бүтээлийн үзэсгэлэн сая гарлаа. Энэ үзэсгэлэнгээс хэдэн өдрийн өмнө би нэгэн ахуй ойлголтдоо өөрийгөө маш гайхалтай үзэсгэлэнтэйгээр, зөөлөн дуу хоолойгоос хүчтэй дуу хоолойгоор адислагдаж байгааг харсан. Тухайн үед ээ би за дуучин болох юм байхдаа гээд ойлгоогүй. Түүний дараахан Их Багшийн үзэсгэлэн гарах болоод, ажлын багууд ажлаа хувааж аваад хийж эхэлж байхад “за за яасан ч яах вэ, хий гэснийг нь хийе дээ” гээд байж байх үед үзэсгэлэнгийн баг хариуцсан авшигтай эгч над руу хандан тайлбарлагч хийх үү гэх үед нь маш их баярласан.

Таны гайхалтай бүх уран бүтээл бүрийг чин сэтгэлээсээ биширдэг багаараа тайлбар хийж явах үед, багийн гишүүд маань хайрлаж, дэмжиж, хамгаалж байв. Үзэсгэлэнгийн үеэр, Таны бүтээлийг тайлбарлан явах үед, маш олон хүн тайлбар авахыг маш их хичээж, үг бүрчлэн чимээгүй, маш хүндлэлтэй сонсож байсан. Тэр үед Монголчууд маань ямар гэнэн хөөрхөн, энгийн, ямар ч муу санаагүй жаахан хүүхдүүд шиг л үг бүрийг шингээж байгааг хараад ийм гэнэн, хайр дүүрэн ард түмэн минь муу хүмүүсээс хамгаалагдах болтугай гэж хайр хүрсэн. Бүгд их цэвэр ариун, гэнэн, хайр дүүрэн хүмүүс юм. Таны бүтээл бүрийн тайлбарыг хүндлэн сонсож, биширсэн. Таны хайртай Монгол шавь нарын төлөөлөлд, тэрхүү ахуй ойлголтын маань дагуу тайлбарлагч хийх хүчийг нь Бурхан аль эрт өгсөн байжээ. Их Багшийн Хайраар энэ гайхалтай хором мөчийн нэг хэсэг байсандаа талархалтай байна.

Мөн өнгөрсөн жил Өмнөд Солонгост Таны “Аниргүй нулимсыг хайрлахуй” тоглогдох үед зорьж очиж үзсэн, үгээр хэлэмгүй гайхалтай байж Таныг дотооддоо ямар их санаж байгаагаа мэдэрч; Бурханыг гэх тэмүүлэл минь, сүнс минь уйлсаар байсан. Тэр үед мөн гайхалтай асар их хүч мэдэрсэн бөгөөд Бурханы хүч дүүрэн хүүхдүүд тайзан дээр муу бүхний эсрэг зоригтойгоор зогсож, Бурханыг хамгаалах асар их хүчтэй бүтэн үе бууж ирсэн мэт л байсан. Монгол улсаас Хонгорзул

Үнэнч Хонгорзул, Сэтгэлийн үгэнд тань баярлалаа. Их Багш тантай хуваалцах энэрэнгүй үгсээ илгээжээ:

“Тусч, үнэн сэтгэлтэй Хонгорзул аа, ийм төрлийн арга хэмжээнүүд нь маш их сүнслэг ач тустай бөгөөд оролцож буй хүмүүсийг асар ихээр адисладаг. Энэхүү үзэсгэлэнгээр дамжуулан олон хүн Үнэнийг мэдэж, веган болж, авшиг хүртэх урам зориг авсан гэж найдаж байна. Энэ арга хэмжээг зохион байгуулахад туслахын тулд танаас юу ч гэж гуйсан хийхэд бэлэн байгаа нь Бурханд таныг зэмсэг болгон ашиглах боломжийг олгодог хүүхэд шиг гэнэн цайлган сэтгэл юм. Дэлхий дээрх Диваажингийн төлөө Веган Дэлхий, Энх тайван Дэлхийг авчрахын тулд бид гараг дэлхийгээ хурдан эдгээх болтугай! Та болон хайр дүүрэн Монголын ард түмэн Бурханы энхрий Тэврэлтэд үүрд мөнх байх болтугай. Миний Хайр бол таныг Гэрт тань хөтлөх Гэрэл юм! БУРХАНЫ НИГҮҮЛСЛЭЭР!”