Чин сэтгэлийн талархал нь БУРХАН болон Орчлонгийн жинхэнэ мөн чанарыг баталдаг учраас хүчтэй юм.

Чех улсын Праг хотоос БУРХАНЫ шавийн чех хэл дээр ирүүлсэн сэтгэлийн үгийг олон хэлний хадмал орчуулгатайгаар одоо бид хүргэж байна:

Их Багшдаа би хүндэтгэлтэйгээр, чин сэтгэлээсээ гүн талархал илэрхийлэн, Шинэ жилийн мэндчилгээ дэвшүүлж, Хүндэт Тандаа амар амгалан, эрүүл энх, урт удаан наслахыг хүсэн ерөөе. Та үүрд энэ Орчлонгийн хамгийн аз жаргалтай, хамгийн баяр баясгалантай, хамгийн амжилттай Гэгээрсэн Их Багш байх болтугай. Өдөр тутмын амьдралын нарийн ширийн зүйл бүрд би үргэлж Их Багшдаа гүнээ талархдаг. Энэ амьдралд хүн болж төрөх боломж олгож, надад Арьяабалын бясалгалыг соёрхон, намайг хувь хүний хувьд чиглүүлж, хайрлаж байгаад би гүнээ талархаж байна. Ямар ч нөхцөлд Их Багш намайг маш анхааралтай, нямбай сургаж байгааг би харж, мэдэрдэг бөгөөд миний талархал улам бүр нэмэгддэг.

Их Багш бол миний ямагт хүндэтгэн, өөрийгөө эргэцүүлэхэд чиглүүлдэг гайхамшигт үлгэр жишээ юм. Танд хандах талархал минь үгээр илэрхийлэхийн аргагүй билээ.

Бараг 30 жилийн сүнслэг бясалгалын дараа би саяхан л, талархлын гүнийг бидэнд жинхэнэ утгаар нь зааж сургадаг цор ганц нь бол Их Багш гэдгийг ойлголоо, энэ дэлхий дээр өөр хэн ч талархлыг ийм гүн гүнзгий утга төгөлдөрөөр зааж байгаагүй. Их Багшийн надад заасан зүйлийг ойлгосон тэр мөчид би Талархлын хүчийг мэдэрсэн – энэ нь үгээр илэрхийлэх аргагүйгээр сэтгэлийг минь хөдөлгөсөн, асар хүчтэй хайрласан хүч байв. Их Багш бидэнд яагаад үргэлж талархалтай байхыг заадаг гэдгийг би илүү тодорхой ойлгосон. Ямар ч нөхцөл байдалд, сайн ч бай, муу ч бай, бүх зүйл бол Хайр юм. Их Багш надад энэ үнэлж баршгүй үнэнийг мэдрэх боломж олгосонд би хязгааргүй талархаж байна. Хэдхэн хоногийн өмнө Их Багш надад нэг өдөр гэртээ бясалгах Ивээлийг соёрхсон юм. Тэр үед миний эргэн тойрон дахь бүх зүйл нэгэн зэрэг байгаа боловч байхгүй мэт санагдаж, нэн хөнгөн, амар амгалан, намуухан байж, Орчлонгийн Төгс Дээд БУРХАН Таны хязгааргүй, эгшиглэнт Хайранд умбасан.

Би Танд үүрд хайртай, БУРХАНД зориулсан хэмжээлшгүй хайр, энэрлээр Таныг хайрлаж байна. Та Өөрийн бүх Ивээл, Өршөөл, Адислалаа бидэнд хайрласан атлаа, яг энэ мөчид Та уудам огторгуйн дунд ганцаараа, бидэнд хүртээдэг тэрхүү адил тав тух, дулаан дэмжлэггүйгээр байна. Үүнийг хэлэхэд зүрх минь өвдөж байна, гэвч Таны ганцаардлыг нимгэлэхийн тулд би үргэлж Танд арвин хайраа илгээж, чадах бүхнээ хийхээ амлая. Тандаа би хайртай. Хязгааргүй хүчирхэг Хайр болж нэгдсэн Цаглашгүй Хүчирхэг Гурав болох БУРХАН, Тим Ко Тү, болон БУРХАНЫ Цорын Ганц Хүү-д веган дэлхийн төлөвлөгөөгөө удахгүй биелүүлж, ингэснээр хүн төрөлхтөн БУРХАНЫ Хайраас төрсөн гэдгээ ухаарч, Тань руу удахгүй буцаж очих болтугай гэж би чин сэтгэлээсээ залбирч байна.

БУРХАНЫ нэгэн шавь, Чех улсын Прага хотоос

БУРХАНЫ сайхан сэтгэлт шавь аа, сэтгэлийн үгэнд тань баярлалаа. Их Багш хайрын захиасаа тантай хуваалцаж байна:

“БУРХАНЫ үнэнч шавь аа, таны эелдэг үг сэтгэлийг минь хөндлөө. Чин сэтгэлийн талархал нь БУРХАН болон Орчлонгийн жинхэнэ мөн чанарыг баталдаг учраас хүчтэй юм. БУРХАНЫГ бодох үед бүх сүнсний сэтгэл ийм жам ёсны төлөвт ордог. Бид талархалгүй байх үедээ хий хоосон төөрөгдөлд амьдарч, дутагдаж байгаа мэт мэдрэмж төрдөг бөгөөд энэ нь БУРХАНЫ оршихуйг үгүйсгэдэг. Бид зөвхөн сайн сайхан зүйлд эсвэл хүссэнээ авах үедээ л талархдаг бол, бид амьдралд ирж буй бүх зүйл өөрийн гэсэн учир утга, зорилготой гэдгийг таньж, ойлгодог билиг ухааны хөгжлөө өөрсдөө хаадаг. Та үүнийг ухаарсан нь гайхалтай хэрэг. Арьяабалын бясалгалаа чин сэтгэлээсээ үргэлжлүүлээрэй, энэхүү ухаарал улам гүнзгийрэх хэрээр та бүрэн утгаараа амьд байхын жинхэнэ аз жаргалыг улам бүр мэдэрч, ямар ч нөхцөл байдалд тэсвэр хатуужлаа бэхжүүлэх боломжтой болно. Та болон Чехийн баяр баясгалантай ард түмэн өдөр тутмын амьдралдаа Диваажингийн жаргалыг мэдрэх болтугай. Танд үүрд хайртай!”