Мөнхийн ертөнцөд бүх сүнс нэг бөгөөд тэгш эрхтэй; тийм учраас бид бүгдийг өөрсдийн адил хүндэтгэх ёстой.

Одоо Хятадаас Чен-Ханы мандарин хятад хэлээр ирүүлсэн сэтгэлийн үгийг олон хэлний хадмал орчуулгатай хүргэе:

Эрхэм хүндэт Их Багш аа, Аз жаргалтай бөгөөд амар тайван Луугийн Завины баярын мэнд хүргэе! Өнөө өглөө эрт, Аръяабалын бясалгалаа дууссаны дараа, би хэвтэнгээ, үргэлжлүүлэн билгийн мэлмий дээрээ төвлөрсөн юм. Дотоод ахуйн ойлголтонд минь онцгой үзэсгэлэн төгөлдөр, дэгжин охин надад чин сэтгэлээсээ бөхийж, намайг “загалмайлсан эх” гэж хүндэтгэл үзүүлсэн. Тэр маш урт захидал бичээд надад өглөө. Захидалдаа тэрээр Их Багш болон БУРХАНД ямар хайртайгаа мөн “Намо Их Багшийн Ариун Нэр”-ийг дүүрэн бичсэн байв. Түүний хажууд төрсөн ээж нь байсан ч, тэр охины нүд гялбам, гэрэлтсэн гайхалтай гоо үзэсгэлэн, оршихуйтай тэрээр харьцуулшгүй байв. Түүний бие галбир нь мөн ​​хүний ертөнцөд ховорхон үзэгдэх, харьцуулшгүй сайхан байв. Тэр ухамсрын түвшинд надтай харилцаж байв. Ерөнхий утга нь түүний төрсөн ээжийн сүнслэг түвшин мөн буян хангалтгүй байсан тул тэр намайг загалмайлсан эхээ хэмээн хүндэтгэж, өөрийн чадварлаг уран яриа, эерэг, бат итгэлтэй ухамсрыг ашиглан төрөл бүрийн оршихуйнуудтай харилцаж, амьтан-хүмүүсийг Агуу БУРХАН-Багшид аврал эрэхэд нь чиглүүлж чадна гэсэн үг юм...

Сэрснийхээ дараа би тэр үзэгдлийг баяртайгаар эргэн санаж, тэгээд надад ямар ч загалмайлсан охин байхгүй тул гайхав. Тэгээд би хальт хартал орны хөлд, хөнжлийн хажууд “Милк Тий” муур-хүн маань эвхрээд хэвтэж байхыг нь олж харав. Тэр над руу гурван удаа аажуухан нүдээ анивчаад, яг л “Ээж ээ, энэ би байна~” гэж байх шиг харав. Милк Тийг муур-хүний үржлийн зорилгоор тэжээж байсан ба манай нөхөр түүнийг аварч, үрчилж авчирсан юм. Түүний сайхан төрхний улмаас өмнөх эзэн нь түүнийг үржүүлгийн зорилгоор тусгайлан ашиглаж байжээ. Одоо тэр надтай бидний барьсан хийдэд амьдардаг. Биднийг асран халамжилж буй Их Багшдаа талархъя, бид баяр баясгалантай, веган, сүнслэг бясалгалын амьдралаар амьдарч байна. Ямар азтай, адислалтай юм бэ.

Амьтан-хүмүүс бүгд хайрт Их Багш бол чөлөөлөгдөж, өргөгдөх зам мөр гэдгийг мэддэг. Тэд Их Багш бол БУРХАН, Цаглашгүй Их Багш гэдгийг мэддэг... Дэлхийн хүмүүс удахгүй сэрцгээн, веган болж, нэг нэгнээ хайрлан, Их Багшийн агуу Хүчний замчлалаар Дэлхий дээр Диваажинг бүтээж, Веган Дэлхий, Энх тайван Дэлхий удахгүй цогцлох болтугай гэж бид чин сэтгэлээсээ залбирч байна. Би Их Багш, Цаглашгүй Хүчирхэг Нэгдсэн Гурвалын хязгааргүй асрал, хамгааллын Ивээлд үүрд талархдаг. Агуу Ивээлийнх нь төлөө би Их Багшийн өмнө сөгдөж, талархлынхаа илэрхийлэл болгон тоймгүй олон удаа бөхийн, Таны ариун хөлийг үнсэж байна. Бүх Диваажин Их Багшийг аюулгүй, тайван, аз жаргалтай байдалд хамгаалах болтугай. Амен~ БУРХАНЫ шавь, Чен-Хан Хятадаас

Дөлгөөн Чен-Хан, Гайхалтай дотоодын ахуй ойлголтоо бидэнтэй хуваалцсанд баярлалаа. Их Багш ийм эелдэг хариулт өглөө:

“Итгэлтэй Чен-Хан, тууштай Аръяабалын бясалгалын бясалгагч мөн бас хайр халамжтай хүн байгаад нь баярлалаа! Таны сайхан сэтгэлтэй хандлагын түүхийг сонсоход сайхан байна! Бидний амьдралд орших амьтан-хүмүүс бидэнтэй л адил сүнснүүд юм. Мөнхийн ертөнцөд бүх сүнс нэг бөгөөд тэгш эрхтэй; тийм учраас бид бүгдийг өөрсдийн адил хүндэтгэх ёстой. Энэ физик түвшинд ийм сэтгэлгээ, хандлагыг хөгжүүлсэн хүмүүс хангалттай биш байгаа учраас л ийм их хямрал, аллага, болж байгаа юм. Жинхэнэ амар амгалан болон бид бүх амьдралтай нэг гэдгийг ухаарах ухаарал нь хоорондоо нягт холбоотой. Амьтан-ард үүнийг хүмүүсээс илүү сайн ойлгодог. Удахгүй энэ байдал өөрчлөгдөж, хүн төрөлхтөн бүх амьдралыг хүндэтгэхийн чухлыг ойлгон, веган болж, бусад мэдрэхүйт төрөлтнүүдтэй энх найрамдлыг тогтоон амьдрана гэж найдаж байна. Та болон танай эвийг эрэлхийлэгч Хятадын иргэд БУРХАНЫ мөнхийн Үнэнийг хүлээн авч, Дэлхийд Диваажинг мэдрэх болтугай. Миний Хайр таныг үргэлж БУРХАН руу буцаан хөтлөх тул ойрхон байгаарай. Жич: Миний өмнөөс Милк-Тий-д том тэврэлт өгөөд, тэр үнэхээр дотроо ч, гаднаа ч үзэсгэлэнтэй гэдгийг нь хэлээрэй!”