Дэлгэрэнгүй
Татаж авах Docx
Дэлгэрэнгүй уншаарай
Энх тайвныг хүсэгч, дэмжигч, сахин хамгаалагч, энх тайвны төлөө залбирагч та бүхэн сайн байцгаана уу? Хэд хоногийн өмнө, хэзээг нь яг сайн санахгүй байна, 6-р сарын 9-нд болов уу, би суугаагаараа унтаж байсан байдлаасаа гарах гэж оролдож байлаа. Би Суприм Мастер Телевизийн ажлаа хийхээр босохыг завдаад байсан хэрэг. Гэтэл БУРХАН надад “Битгий, одоохондоо битгий босоорой” гэв. Тиймээс би яагаад гэж асуулаа. Тэгэхэд МАПА надад маш, бүр маш алс холын ертөнцийн Хаан надтай ярилцахыг хүсэж байна гэж хэлсэн. Тэр эндээс асар хол байдаг. Энэ нь... Биднээс бараг долоон сая гэрлийн жилийн зайтай. Би арай завтай болохоороо энэ талаар илүү ярьж өгөмз. Яг одоо харин би та нарт хурдхан нэг зүйл хэлэх гэсэн юм. Сүүлийн үед ямар байгаа билээ, түүн шиг л, Тэр ч бас ирж намайг тайтгаруулаад, энх тайван тогтчихоод байна гэж хэлсэн. Мөн... Бид нэлээд олон зүйл ярилцсан. Гэвч одоо энэ бүгдийг ярих зав үнэхээр алга. Харин би том цаасан дээр хагас хуудас сараачсан тэмдэглэл хийсэн. Тиймээс нэг өдөр илүү завтай болохоороо дэлгэрэнгүй ярья. Харин одоо та нарт бүгд надад энх тайвны тухай мэдээлж байгааг л хэлэх гэсэн юм. Харин үүнийг нь би сайн олж харахгүй л байна. Энх тайван бага сага тогтож байгаа л даа. Гэвч миний санасан шиг их биш байна. Бид хүлээцтэй л байх хэрэгтэй. Хаан надтай ярилцахыг хүссэний бас нэгэн сайн зүйл нь… Өө, үгүй ээ, зургаан сая юм уу? Би хараадахъя. Зургаан сая гэдэг нь хүмүүсийн тоо байсан шиг санаж байна. Зай биш. Ээ, Бурхан минь. Би өөрөө бичсэн ч уншиж чаддаггүй ээ. Бурхан минь, би жинхэнэ үзгээр бичдэг байсан ч болоосой. За, уучлаарай, зургаан сая гаруй, бараг долоон сая гэдэг нь тэдний хүн амын тоо юм байна. Одоо тэд манай эндээс хэр хол байгааг шалгая. Үгүй ээ, олдохгүй байна. Ямартай ч, би дахин асуух хэрэгтэй болох нь. Гэхдээ биднээс маш, бүр маш их, маш хол. Өө, хэдэн тэрбум гэрлийн жилийн зайтай гэсэн шиг санагдаж байна. Тиймээс БУРХАН үүнийг холын хол гэж хэлсэн юм. Холын холын хол ертөнцийн Хаан. Ямартай ч Түүний нэр бол Эрхэм Дээд Ну Хаан. Н-У. Тэр бол Хайрын Хаан. Тэрээр Өөрийнхөө бүтээсэн ертөнцийн Хаан нь. Би үнэхээр их завтай болохоороо дараа нь илүү дэлгэрэнгүй ярья. Надад илүү их зүйл асуух цаг үнэхээр байсангүй. Гэхдээ би нэлээд юм асуусан. Хайрын Хаан, Хайрын Ертөнцийн Эрхэм Дээд Ну Хаан танай Багшид хүндэтгэл үзүүлэхээр ирсэн гэдгийг л та нарт хэлмээр байна. Үүнийг та нарт, өөрийнхөө Бурханы шавь нарт зориулж хэлж байна. Тэгээд бид зөндөө их ярилцсан. Тэрээр энх тайвны тухай мэдээлж, мөн бидэнд баяр хүргэхээр ирсэн юм байна. Мөн Тэрээр ой, хээрийн түймрийн хүчийг бууруулах Бэлэг авчирсан. Тиймээс би маш их баяртай байгаа. Тиймээс л та нарт үүнийг товч мэдээллээр хүргэх гэсэн юм. Холын холын Хайрын Сүнслэг Орноос авчирсан энэ ер бусын төхөөрөмж манай дэлхий дэх ой, хээрийн түймрийг дор хаяж 68 хувиар багасгана. Эс бөгөөс түймэр илүү ойр ойрхон, илүү гамшиг учруулах хэмжээгээр гарч, бид давж гарч чадахгүй байсан байх. Өнөөг хүртэл өчнөөн түймэр гарч, дэлхийн хаа сайгүй байгаль орчин, ой мод, усны нөөцөд асар их хохирол учруулан, ган гачиг нүүрлэж, маш олон хүний аминд хүрээд байна. Тиймээс амь нас аварсан энэ Бэлэгт би үнэхээр баярласан. Та нарт мэдэгдэх гэсэн богинохон мэдээ энэ л юм. Тэгээд дараа нь бас нэгэн Хаан... Учир нь надтай уулзаж, ярилцахыг хүсээд дарааллаа хүлээж буй олон Хаан бий. Тэд сайн санаатай, үнэхээр сайн, сайн, сайн Хаад. Энэ Хайрын Хаан Өөрийнхөө ертөнцөөс ирсэн. Тэр үүнийг тухайн үеийн шавь нартаа зориулан бүтээж л дээ. Энэ нь аль эрт, бараг сая жилийн өмнө үүсэн байгуулагдсан. Түүний Хаант Ертөнцийн нэр нь “Доси”. D-O-S-Y. Доси Ертөнц “Хайрын Ертөнц” гэсэн утгатай. За, одоохондоо ингээд боллоо. Маш, маш, маш, маш, маш, маш холын ертөнцүүдээс бас хэд хэдэн Хаан надтай уулзаж, ярилцахыг хүсэж байгаа учраас Тэд БУРХАН-аас Өөрөөс нь зөвшөөрөл хүсэх ёстой байсан. БУРХАН надад болно гэж хэлсэн. Ер нь би хэтэрхий завгүй байдаг. Надтай уулзах Тэдний хүсэлтийг бүр сонсдог ч үгүй. Тиймээс өглөө эрт, намайг Суприм Мастер Телевизийн олон нэвтрүүлгийг шалгаж, засварлахаар гарахад бэлэн байх тэр үед БУРХАН надад зөөлнөөр, хайраар хэлсэн. Дараа нь Доси Ертөнцийн Хаан явахыг хүссэний дараа, маш, бүр маш холын ертөнцөөс ирсэн өөр нэг Бурхан надтай уулзахаар ирж болох эсэхийг асуусан. Өөр хэдэн Бурхан надтай уулзахаар ирэхийг хүссэн. Би “Болно, болно. Гэхдээ зөвхөн завтай үед минь шүү.” гэж хэлсэн. Маргааш өглөө нь би дахиад нөгөө Бурхантай нь ярилцаж болох байх гэж бодсон юм. Би “Нэг нэгээр нь.” гэж хэлсэн. Түүний нэрийг Пүсэ гэдэг. Энэ нь эрх чөлөө гэсэн утгатай. Үгүй ээ, Түүний нэр биш юм байна. Улсынх нь нэр Пүсэ. P-U-S-E. Эрх чөлөө гэсэн утгатай. Би “За, дараагийн удаа завтай болохоороо Өөрт тань мэдэгдэнэ. Тэгэхэд ирж бидэнтэй ярилцаж болно.” гэж хэлсэн. Тэр бас манай дэлхийд сайн нөлөөтэй ямар нэгэн бэлэг авчирна гэдэгт би итгэлтэй байсан. Бид одоо үнэхээр арга мухардаад байна. Гэвч би амжсангүй. Маргааш өглөө нь би үнэхээр чадсангүй. Хоёр өглөө хэдийн өнгөрсөн ч надад хэдхэн цаг шиг л санагдсан. Би та нарын хамтран ажиллагсдын нэгд надад 24 цагаас илүү цаг байсан ч болоосой гэж хэлсэн. Гэсэн ч надад өдөрт хэдэн цаг байвал би хийхийг хүсэж байгаа бүх ажлаа амжуулж чадах вэ гэдгээ мэдэхгүй байна. Хийхийг хүсэж буй зүйл маш их, ярилцахыг хүсэж буй Хаад маш олон. Үнэндээ би тэднийг надтай ярилцахаар ир гэж дууддаггүй. Тэд Өөрсдөө л баяр хүргэхээр, эсвэл надад нууц томьёо өгөх гэж, энх тайвныг урагшлуулахад туслах гэх мэтээр ирдэг. Тиймээс дараагийн Хаан Пүсэ улсаас ирнэ. Би хэзээ гэдгээ амлаж чадахгүй гэж хэлсэн ч маргааш нь Түүнтэй ярилцана гэж бодож байлаа. Тэгэхээр хэчнээн олон... Би та нарт энэ Доси Ертөнцийн тухай ярьж ч амжаагүй байхад дараагийн ертөнцийнх ирнэ гээд төсөөл дөө. Тэгэхээр бид үүнийг цувралаар мэдээлээд, би та нарт иймэрхүү богино мэдээлэл өгч болох юм. Тэгээд завтай болохоороо та нарт зориулж дэлгэрүүлэн илүү гүнзгий тайлбарлана. Сонирхолтой шүү. Заавал мэдэх ёстой гэсэн үг биш л дээ. Гэхдээ та нар өмнө нь мэддэггүй байсан учраас сонирхолтой. За, өнөөдөртөө ингээд больё. Учир нь үүнээс өмнө надаас очсон том шуурхай мэдээ, том мэдээ та нарт байгаа, та нар түүнийг бүрэн дуусгаж амжаагүй байгаа шүү дээ. Тиймээс надад өөр нэг урт шуурхай мэдээний яриа хийх цаг бас алга. За, та бүхэнд мэдэрч, хүлээн авч, бүр ойлгож чадахуйц Бурханы Адис, Ивээл, Хайр бүхний дээдийг хүсэн ерөөе. Дараагийн удаа хүртэл. Photo Caption: “Үймээн Самуунтай Хутгалдавч Бид Гэрэлтэж, Бишрүүлдэг”
