БУРХАН-ы Хүчгүйгээр үйлийн үрийн замаас жинхэнэ утгаар ангижрахын тулд өөрийгөө хангалттай гүн өөрчлөх боломжгүй. Тийм ч учраас Таван Сахилыг дагаж мөрдөх, сүнслэгээр бясалган дадуулах нь туйлын чухал юм, ялангуяа манайх шиг маш их сөрөг үйлийн үртэй гараг ​​дээр.

Индонезийн Жакарта хотоос Дхевa-гийн индонез хэл дээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Хамгийн Хүндэт Хайрт Төгс Гэгээрсэн Их Багш Чин Хай Танд. Би Индонезийн Жакарта хотын авшигтан байна. Хэдэн жилийн өмнө эгчийн маань гэрийн тэжээвэр амьтан анд Куай Ле гэдэг эм англи бульдог-хүн эмгэнэлтэйгээр нас барсан. Тэр миний эгчийн гэрийн гуравдугаар давхрын задгай хонгилоос нэг давхарт унасан. Тэр 10 гаруй настай байсан бөгөөд өмнө нь өөрийнхөө амийг эрсдэлд оруулсан зүйл хэзээ ч хийж байгаагүй. Миний эгч бас авшигтан бөгөөд энэ явдалд маш их цочирдсон.

Куай Ле өмнөх төрөлдөө хүн байхдаа тосгоны ёс зүйг зөрчсөн гэж буруутгагдаж худаг руу хаягдсан байхыг би Арьяабалын бясалгалын үеэрээ харсан. Хожим би, Куай Ле-гийн унасан газрыг харахад тэр хоосон зай нь хэмжээ болон гүнээрээ худагтай гайхалтай төстэй харагдаж байв.

Дараа нь би Куай Ле-г хайж, нас барсныхаа дараа аль ертөнцөд очсоныг нь мэдэхийг хүссэн юм. Би доод ертөнцүүдээс хайсан боловч түүнийг олж чадаагүй ба тэнд байсан хамгаалагчаас “Та Куай Ле- г мэдэх үү?” гэж асуув. Хамгаалагч “Дээр, тэр дээр байгаа.” гэж хариулав. Тэгээд би Куай Ле-г цагаан даашинзтай эмэгтэйн дүрээр харсан; түүний царай баяр хөөртэй инээмсэглэлээр гэрэлтэж байв. Тэгээд би, Их Багш Куай Ле-гийн сүнсийг илүү өндөр ертөнцөд өргөсөн тул түүнийг зовохгүй гэдгийг нь ойлгосон. Эцэст нь Куай Ле өөр нэгэн хүсэл мөрөөдөл, эрхэм зорилгоо биелүүлэхийн тулд хүний ​​​​ ертөнц рүү буцаж ирэхээр шийджээ.

Энэ дотоод ахуй ойлголтоор дамжуулан би үйлийн үрийн асар гүн хүчийг ухаарсан бөгөөд энэ нь бидний явахаар заяагдсан амьдралын зам руу хөтөлдөг. Гэвч Их Багш л намайг, миний хайртай бүх сүнсийг аварч чадна. Их Багш аа, хамаг төрөлтнийг аврахын төлөө хийсэн бүхэнд Тань маш их баярлалаа. Таны Хайр хэмжээлшгүй уудам, хязгааргүй агуу билээ. Дхева, Индонезийн Жакартагаас

Хонгор Дхева, сэтгэлийн үгэнд тань баярлалаа. Их Багш тусгай зурвасыг зөвхөн танд зориулж байна:

“Эрэгцүүлэгч Дхева, үйлийн үрийн хүчний талаарх таны ойлголт зөв байна. БУРХАН-ы Хүчгүйгээр үйлийн үрийн замаас жинхэнэ утгаар ангижрахын тулд өөрийгөө хангалттай гүн өөрчлөх боломжгүй. Тийм ч учраас Таван Сахилыг дагаж мөрдөх, сүнслэгээр бясалган дадуулах нь туйлын чухал юм, ялангуяа манайх шиг маш их сөрөг үйлийн үртэй гараг ​​дээр. Эл эмх замбараагүй цагт дэлхийд туслаж биднийг аюулгүй байлгаж, өргөхийн тулд л БУРХАН биднээс илүү их бясалгал хийхийг хүссэн. Бид дэлхийгээ өргөхийн тулд Суприм Мастер ТВ Макс, Хамгийн Хүчирхэг Өдөр тутмын Залбирал зэрэг бүх хэрэгслийг ашиглах ёстой, учир нь ихэнх хүн эдгээр Адислалын талаар мэддэггүй бөгөөд эдгээрийг ашигладаггүй. Энэ удахгүй өөрчлөгдөж, айл өрх бүр эдгээр гайхамшигт Адислалыг ашиглана гэж найдаж байна. Та болон Индонезийн найрсаг ард түмэн Цаглашгүй Хүчирхэг Нэгдсэн Гурвалын Ивээлээр мөнхөд орших болтугай. Та миний сэтгэлд үүрд оршдог. Танд маш их хайртай!”