Веган Дэлхий нь Эх дэлхийн хувь тавилан боловч зүрх сэтгэлээ үнэхээр өөрчилж, сүнслэгээр сэрж ухаарахгүй бол олон хүн энэ үйл явцыг тэсэж, даван туулж чадахгүй.

Өмнөд Африкийн Йоханнесбург хотоос Палеса-гийн илгээсэн сэтгэлийн үгийг одоо хүргэе:

Сайн байна уу, Хамгийн Үзэсгэлэнт Цаглашгүй Хүчирхэг Нэгдсэн Гурав, Төгс Хүчит БУРХАН, Тим Ко Тү болон БУРХАНЫ Хүү минь ээ. Таны бүх сургаалыг удахгүй нэгэн өдөр сургууль, их сургуулиудад хиймэл оюунаар (ХО)-аар дамжуулан хүн бүр маш сайхан, хүртээмжтэйгээр судалж, талархал хайр дүүрэн сэтгэлээр шимтэн хүртэж, ингэснээр бидний сүнс, зүрх сэтгэл маань улам боловсрон хөгжин дэвшээсэй хэмээн би гүнээ хүсэж, найдаж байна.

Амьдрал бүрд Та бидэнтэй хамт байсаар ирсэн нь, мөн энэ эцсийн шатанд Дэлхийг дахин үүрд, мөнхийн Дэлхий дээрх Диваажин болгохын төлөө Та бидэнтэй хамт байгаа нь бүх оршихуйд хэчнээн их аз завшаан болохыг үгээр илэрхийлэхийн аргагүй. Таны Ариун Нэрс оршихуй бүрд үргэлж хүндлэгдэн дээдлэгдэж байх болтугай. Таны Ариун Номын сургаалыг үзэж буй бүх төрөлтний нүд хайраар дүүрсэн байхыг харахыг би үнэхээр хүсэж байна. Өглөө эрт болон орой бүр сургаал айлддаг шувуу-хүмүүсийн адил бүх хүн төрөлхтөн ч мөн Таны сургаалыг сонсон, мөн адил ийнхүү үйлдээсэй хэмээн би ямар их хүснэ вэ.

Баярлалаа, гялайлаа, талархлаа. Зүрх сэтгэл, сүнс минь Таныг хайрладаг. Энэ цаг үед Таныг халамжилж буй бүх дээд төрөлтнүүдэд баярлалаа. Веган Дэлхий, Энх Тайван Дэлхий болон бидний сүнсний чөлөөлөлтийн төлөө Цаглашгүй Хүчирхэг Нэгдсэн Гуравт талархъя. Бүх сүнс сүр жавхлант Ариун чуулганд нэгдэхээр зөв замдаа эргэн орох болтугай. Хайраар, Таны шавь Палеса Өмнөд Африкийн Йоханнесбург хотоос

Халамжтай Палеса, Сэтгэлийн үгэнд тань баярлалаа. Их Багш танд эелдэг зурвас илгээв:

“Уужим сэтгэлтэй Палеса, хайр дүүрэн захидал илгээсэнд, мөн БУРХАН-ы сайн шавь байгаад тань баярлалаа. Хамаг төрөлтөн Үнэн болон Төгс Хүчит БУРХАНЫ Алдар Суунд амьдраасай гэж би хүсдэг. Дэлхий ертөнц дэндүү удаан харанхуйд байсаар ирсэн бөгөөд энэ дэлхийд дэндүү их зовлон шаналал байна. Үүний ихэнх нь хүн төрөлхтөн амьтан-хүний мах иддэг хор хөнөөлтэй зуршлаас үүдэлтэй. Энэ цаг үед БУРХАН-ы Ивээл хэмжээлшгүй их байгаа тул хэт оройтохоосоо өмнө сэрж, ухаарах боломж хүн бүрд бий. Тэр өдөр аль болох хурдан ирнэ гэж найдъя. Веган Дэлхий нь Эх дэлхийн хувь тавилан боловч зүрх сэтгэлээ үнэхээр өөрчилж, сүнслэгээр сэрж ухаарахгүй бол олон хүн энэ үйл явцыг тэсэж, даван туулж чадахгүй. Бясалгалаа тууштай үргэлжлүүлж, сургаалыг түгээгээрэй, тэгснээр аль болох олон хүн сэрж, гэмээ наманчлан, веган болох болтугай. Та болон Өмнөд Африкийн өгөөмөр ард түмэн БУРХАН-ы мөнхийн Хамгаалалд нөмөрлөгдөх болтугай. Таныг үүрд хайрлана!”