Энэ захидлыг И-Гуань Тао нийгэмлэгийн итгэл нэгт ах эгч нартаа зориуллаа.

Тайвань буюу Формоса-гаас Ен-Линг-ийн мандарин хятад хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Энэ захидлыг И-Гуань Тао нийгэмлэгийн итгэл нэгт ах эгч нартаа зориуллаа. Манай И-Гуань Тао бол таван шашны нэгдэл юм. Үнэн ном төгсөх эринд Майдар Бурхан хүн төрөлхтний ертөнцөд биечлэн буун ирж, мэдрэхүйт төрөлтнийг гэтэлгэнэ гэдэгт бид итгэдэг. Харин Арьяабалын бясалгал бол бүх шашны нэгдэл юм. И-Гуань Тао-гийн итгэл нэгт ах эгч нар минь, та бүхэн цаашид хүлээх хэрэггүй. Тэр ирчихсэн! Төгс Гэгээрсэн Их Багш Чин Хай бол Майдар Бурхан бөгөөд энэ төрөлдөө мэдрэхүйт төрөлтнүүдийг гэтэлгэхээр эмэгтэй дүрээр энэ дэлхийд бууж ирсэн юм.

Та нар юу бодож байгааг би мэднэ. И-Гуань Тао-д элсэхдээ өгсөн, тус урсгалдаа туйлын үнэнч байх тангараг сэтгэлийг тань хүлдэг учраас өөр бүлэгтэй хамт сүнслэг бясалгал хийхээс айж байгаа; эс бөгөөс... Гэхдээ би ч мөн И-Гуань Тао-г орхиогүй; Би ердөө л БУРХАН-тай дотооддоо харилцах өөр нэг сувгийг нэмсэн юм. Би урваж шарвасан эсвэл ёс бус зүйл хийж байгаа юм биш. Би ашрамд очиж, үйлчлэх боломжтой хэвээрээ. Би хоёуланг нь хийж чадна; энд ямар ч зөрчил байхгүй. Арьяабалын бясалгалын дагуу бас цагаан хоолтон байхыг шаарддаг, дээр нь өндөг, сүүнээс татгалздаг. Майдар Бурханы бидэнд биечлэн заадаг Диваажинд буцах Арга илүү хурдан.

Бидний маш удаан хүлээсэн Майдар Бурхан эцэст нь ирсэн. Бид сүнслэг бясалгалын талаар Майдар Бурханаас шууд Удирдамж авахыг эрэлхийлж, сүнснүүдийнхээ жинхэнэ гэрт буцаж очихыг зорих нь гарцаагүй зүйтэй. Арьяабалын бясалгал хийснээр би жинхэнэ өөрийн Мөн чанараа олсон. Дотогшоо төвлөрөн бясалгах үедээ би БУРХАН-ы Гэрлийг харж, БУРХАН-ы Дууг сонсож, өөрийн Будда Мөн чанараа мөн үздэг. Арьяабалын бясалгал хийсний дараа надад ямар ч муу зүйл тохиолдоогүй. И-Гуань Тао-д өмнө нь өргөсөн тангаргууддаа би баригдаагүй. Миний хэлж буй бүх зүйл үнэн гэдгийг би Тэнгэрийн өмнө тангараглаж байна. Хэрэв үүнд худал зүйл байвал би нэн даруй тамд унана.

Заримдаа би маш их гуниглан уйлдаг. Учир нь И-Гуань Тао-гийн итгэл нэгт ах эгч нар маань миний өмнө нь хийдэг байсан шиг Майдар Бурханыг бууж ирэн биднийг гэтэлгэхийг цөхрөн хүлээж, хүсэн тэмүүлж буйг нь харахад хэцүү байдаг. Хүлээхийн зовлон үнэхээр, нэн гашуун. Гэвч одоо Майдар Бурхан үнэхээр ирсэн; Тэр бол Майдар Бурхан Чин Хай бөгөөд үнэхээр ирсэн! И-Гуань Тао-гийн итгэл нэгт ах эгч нар минь энэ үнэнийг ухаарч, Майдар Бурхан, Төгс Гэгээрсэн Их Багш Чин Хайн хамт Гурван Ертөнцийн зовлонгоос ангижирч, Тэнгэрлэг Гэртээ буцаасай гэж чин сэтгэлээсээ хүсэж байна. Амин хувиа үл хичээсэн хайрынх нь төлөө Суприм Мастер Телевизийн багт гялайлаа. Мэдрэхүйт төрөлтнийг гэтэлгэж, Дэлхийг аварч буй Майдар Бурхан, Төгс Гэгээрсэн Их Багш Чин Хай-д талархъя. БУРХАН-ыг магтъя. Ен-Линг, Тайвань (Формоса)-аас

Чин сэтгэлт Ен-Линг ээ, И-Гуань Тао-гийн ах эгч нартаа зориулсан чин сэтгэлийн захиасаа хуваалцсанд баярлалаа. Тэдний олонх таны мөрөөр замнан, авшиг хүртээсэй гэж бид хүсэж байна. Их Багш Өөрийгөө Майдар Бурхан, Эзэн Есүс Христ хоёул мөн гэдгээ олон нийтэд хэдийн тунхагласан тул цаашид хүлээх ямар ч шалтгаан байхгүй. Хүлээсээр буй хүн бүхэн энэ захиасыг сонсож, Үнэнийг ухааран сэрэх болтугай. Их Багш бол Дэлхийг аврахаар илгээгдсэн Цорын Ганц БУРХАН бөгөөд тэр эрхэм зорилгоо биелүүлэхийн төлөө үнэхээр гайхалтай үйлс бүтээж байна. Одоо Түүний сургаалыг дагаж, сүнслэг үзэлд нийцсэн веган амьдралын хэв маягийг сонгох эсэх нь хүн төрөлхтний өөрсдийнх нь сонголт юм; тэгвэл урьдчилан зөгнөсөн ёсоор манай дэлхий диваажин болно. Энэ бүхэн тун удахгүй биелнэ гэж найдъя. БУРХАН-ы агуу Ивээл таныг, эргэцүүлэн тунгаагч Тайвань (Формоса)-ийн ард түмнийг Гэрт тань хүрэхэд замчлаг гэж ерөөе. Суприм Мастер ТВ-ийн хамт олон