Балбад болсон эмгэнэлт явдал байгалийн тэнцвэр хэчнээн эмзэг болохыг ухааруулан сануулж байна. Үр дагаврыг нь эргүүлж засах боломжгүй болохоос өмнө эдгээр сүйрэлт үйл явдал хүмүүст Эх дэлхийнхээ өмнө хариуцлага хүлээх, энэрэх, хүндэтгэх сэтгэлийг сэрээнэ гэж бид найдахаас өөр аргагүй.

Одоо Балбын Радхикагаас балба хэл хэл дээр илгээсэн захидлыг олон хэлний хадмал орчуулгатай хүргэе:

Гурудэвийг алдаршуулъя! Гурудэв үүрд алдарших болтугай! Сатгуру үүрд алдарших болтугай! Таны Веган Дэлхий, Энх тайван Дэлхий аяны зорилгыг аль болох хурдан биелүүлж, бие махбод, оюун санаа, сүнслэг биеийг тань үргэлж хамгаалж, ивээхийг гуйн Нэгдсэн Цаглашгүй Хүчит Гурвал болон бүх 33 Тэнгэр, Бурхад, Охин Тэнгэрүүд, Тэнгэрлэг Төрөлтнүүдэд чин сэтгэлийн залбирлаа өргөж байна.

Аяа, Гурудэв! Та хязгааргүй энэрэл, нигүүлслээрээ хорвоогийн бүхий л тав тух, таашаалыг орхин, хамаг төрөлтнийг аварч, гэтэлгэхийн тулд оршихуйн энэ их далайд бууж ирсэн билээ. Мөхөс бидэнд хайрласан Таны хэмжээлшгүй Ивээл, аугаа Ачийг хариулахад хүрэлцэх юу бидэнд байх билээ? Гэвч Таны хязгааргүй ивээлээр Таныг гэх гүн хайр, чин бишрэлээр дүүрэн эдгээр мэдрэмж миний зүрхэнд цэцэглэжээ. Эдгээр чин сэтгэлийн мэдрэмжээ даруухан бяцхан шүлэгт шингээн, “Төгс Гэгээрсэн Их Багш Чин Хайн өдөр” хэмээх ариун үйл явдлыг тохиолдуулан Таны Лянхуа Өлмийд хүндэтгэл, хайр, талархлын даруухан цэцэг болгон өргөх боломж олдсондоо хэмжээлшгүй их ивээл хүртсэн, туйлын азтай хүн гэдгээ мэдэрч байна. Шүлэг минь ийн өгүүлнэ:

Бие минь дүүрч, сүнс минь хэлэхийн аргагүй жаргалд хөвнө, тайван бус тэнүүчилсэн сэтгэл минь Таны түшгийг олов...! Эс ширхэг бүр минь догдлон чичирч, гүндээ хүртэл баясна, учрыг нь үл мэдэвч энэ зүрх Танд үүрд хайртай болсон билээ...!

Үе үеийн үйлийн үрийн хир буртгийг чин бишрэлийн усаар угаан арилгаж, замыг заагч Гуруг энэ зүрхэндээ залъя...!

Сэтгэлийн амар амгаланг хайгч олон хүн шүтээн, сүмийн үүдээр төөрөн явна, гэтэл ариун дөрвөн орон гагцхүү Жинхэнэ Гуругийн өлмийд оршино...!

Юу ч эс хүсэх аминч бус хайраар хүндэтгэлийн энэ цэцгээ Таны Лянхуа Өлмийд өргөнөм, дотоод мэлмийг нээгч Жинхэнэ Гуруд бүхнээ зориулан дахин дахин мөргөнөм...!

Танд баярлалаа! Балбаас Радхика

Жич: Гурудэв! Энэ сэтгэлийн үгийг бичиж байх зуур, яг өнөө өглөө буюу 2026 оны 8-р сарын 26-нд манай Балба улсад байгалийн томоохон гамшиг тохиолоо. Орчны өндөр температурын улмаас уулын оройд байсан мөсөн гол сэтэрч, үүссэн үер доорх хөндий, хавцлуудад байрлах олон сууринг урсган, хүний амь нас, эд хөрөнгөд асар их хохирол учрууллаа. Олон мянган хүн сураггүй болж, олон мянган хүн орон гэргүй үлдэв. Үерийн ус хүмүүс болон амьтан-хүмүүсийн цогцсыг хаа сайгүй урсган авч яваа нь харагдаж байна. Өнөөдөр би 15-аас 20 жилийн өмнө дэлхийн дулаарал болон Амьдралын өөр хэв маягийн тухай 50-аас 60 мянга орчим ухуулах хуудсыг улсынхаа янз бүрийн нутагт тарааж байснаа санаж байна. Тэр үед бидний сэрэмжлүүлж байсан зүйлс яг нүдний минь өмнө өрнөхийг харахад зүрх сэтгэл гүн харууслаар дүүрч байна. Гэвч ийм нөхцөлд залбирахаас өөр бид юу хийж чадах билээ?

Энэрэлт Радхика, Гэгээрсэн Их Багшийн Хайр хязгааргүй бөгөөд тийм Нэгэнийг олж учрах ивээл хүртэнэ гэдэг үнэхээр энэ насны хамгийн эрхэм Адисуудын нэг юм.

Их Багшийн эелдэг хариу таныг хүлээж байна: “Урам зоригт Радхика, шүлэг тань үнэхээр сэтгэл хөдөлгөм юм. Үгс тань асар их хайрыг агуулжээ. Мөр бүрээс тань сайхан мэдрэмж цацарч байна. Ийм халамжтай байж, өөрт байгаа зүйлдээ талархдагт тань баярлалаа. Бидний хамтын Гэрийг хүн төрөлхтөн аажмаар сүйтгэж байгааг харах нь үнэхээр харамсалтай, аргагүйдсэн мэдрэмж төрүүлдэг. Гэсэн хэдий ч тус хэрэгтэй хүнд цагт өгөөмөр сэтгэлт хүмүүс болон улс орнууд танай оронд асар их тусламж дэмжлэг үзүүлж байгааг харах сайхан байна. Сэтгэлд нэгэн дулаан тайвшрал төрүүлж, зүрхний угаас нулимс асгаруулам санагдлаа. Балбад болсон эмгэнэлт явдал байгалийн тэнцвэр хэчнээн эмзэг болохыг ухааруулан сануулж байна. Үр дагаврыг нь эргүүлж засах боломжгүй болохоос өмнө эдгээр сүйрэлт үйл явдал хүмүүст Эх дэлхийнхээ өмнө хариуцлага хүлээх, энэрэх, хүндэтгэх сэтгэлийг сэрээнэ гэж бид найдахаас өөр аргагүй. Та хаана ч байсан, юу ч хийсэн Нэгдсэн Цаглашгүй Хүчит Гурвалыг бодолдоо үргэлж тээж яваарай. Энэ хүнд хэцүү цагт таныг болон тусч балбачуудыг хүч тэнхээ, тайтгарал, ивээл хүрээлэх болтугай. БУРХАН таныг үргэлж хайрлана. Мөн БУРХАНЫ ИВЭЭЛЭЭР би тантай ямагт хамт байж, боломжтой бүхнээр туслахад бэлэн шүү.”