ਭਵਿਖਬਾਣੀ ਭਾਗ 393 - ਬਿਪਤਾ ਨੂੰ ਦੂਰ ਕਰਨ ਲਈ ਮੁਕਤੀਦਾਤੇ ਨਾਲ ਸਚੇ ਪਿਆਰ ਨੂੰ ਜਗਾਉ

"ਤੁਹਾਡੇ ਗ੍ਰਹਿ 'ਤੇ ਲਗਭਗ ਇੱਕ ਸੌ ਚਾਲੀ ਸਾਲਾਂ ਤੋਂ, ਮਨੁੱਖ ਕੁਦਰਤ ਦੇ ਵਿਨਾਸ਼ ਅਤੇ ਵਾਤਾਵਰਣ ਦੇ ਪ੍ਰਦੂਸ਼ਣ ਨੂੰ ਤੇਜ਼ ਕਰ ਰਿਹਾ ਹੈ। ਇਹ ਭਾਫ਼ ਸ਼ਕਤੀ ਅਤੇ ਬਲਨ ਇੰਜਣ ਦੀ ਖੋਜ ਤੋਂ ਬਾਅਦ ਹੋਇਆ ਹੈ। ਤੁਹਾਡੇ ਕੋਲ ਪ੍ਰਦੂਸ਼ਣ ਨੂੰ ਰੋਕਣ ਲਈ ਕੁਝ ਸਾਲ ਹੀ ਬਚੇ ਹਨ, ਇਸ ਤੋਂ ਪਹਿਲਾਂ ਕਿ ਸਥਿਤੀ ਬਦਲ ਨਾ ਜਾਵੇ।"

ਕੀ ਤੁਸੀਂ ਕਦੇ ਕਿਸੇ ਹੋਰ ਗ੍ਰਹਿ 'ਤੇ ਜਾਣ ਲਈ ਇੱਕ UFO ਵਿੱਚ ਯਾਤਰਾ ਕਰਨ, ਬਾਹਰੀ ਜੀਵਾਂ ਨਾਲ ਗੱਲਬਾਤ ਕਰਨ ਅਤੇ ਬ੍ਰਹਿਮੰਡ ਦੇ ਭੇਦ ਖੋਜਣ ਦਾ ਸੁਪਨਾ ਦੇਖਿਆ ਹੈ? ਫਰਾਂਸੀਸੀ ਖੋਜੀ, ਸ੍ਰੀ ਮਿਸ਼ੇਲ ਡੇਸਮਾਰਕੇਟ ਨੇ ਇਹੀ ਕੀਤਾ, ਇੱਕ ਸੁਪਨੇ ਵਿੱਚ ਨਹੀਂ, ਸਗੋਂ ਆਪਣੇ ਭੌਤਿਕ ਸਰੀਰ ਵਿੱਚ। 1987 ਵਿੱਚ, ਜਦੋਂ ਉਹ ਆਸਟ੍ਰੇਲੀਆ ਵਿੱਚ ਸੀ, ਉਸਨੂੰ ਥਿਆਓਬਾ ਨਾਮਕ ਇੱਕ ਗ੍ਰਹਿ ਦੀ ਇੱਕ ਯਾਤਰਾ ਕਰਨ ਲਈ ਸੱਦਾ ਦਿੱਤਾ ਗਿਆ ਅਤੇ 10 ਦਿਨਾਂ ਬਾਅਦ ਵਾਪਸ ਆ ਗਿਆ। ਬਾਅਦ ਵਿੱਚ, ਉਸਨੇ ਇਸ ਅਨੁਭਵ ਅਤੇ ਇੰਟਰਸਟੈਲਰ ਯਾਤਰਾ ਤੋਂ ਸਿੱਖੀ ਹਰ ਚੀਜ਼ ਨੂੰ 1993 ਵਿੱਚ ਪ੍ਰਕਾਸ਼ਿਤ ਆਪਣੀ ਕਿਤਾਬ "ਥੀਆਓਬਾ ਪ੍ਰੋਫੈਸੀ: ਦ ਗੋਲਡਨ ਪਲੈਨੇਟ" ਵਿੱਚ ਦਰਜ ਕੀਤਾ।

ਮਿਸ਼ੇਲ ਦੇ ਅਨੁਸਾਰ, ਥਿਆਓਬਾ ਗ੍ਰਹਿ ਇੱਕ ਸਵਰਗ ਵਰਗਾ ਹੈ, ਜੋ ਕਿ ਅਧਿਆਤਮਿਕ ਅਤੇ ਤਕਨੀਕੀ ਤੌਰ 'ਤੇ ਹਰ ਪੱਖੋਂ ਉੱਨਤ ਹੈ। ਉੱਥੋਂ ਦੇ ਨਾਗਰਿਕ ਧਰਤੀ ਦੇ ਲੋਕਾਂ ਨਾਲੋਂ ਵੱਡੇ ਹਨ, ਜਿਨ੍ਹਾਂ ਦੀ ਉਚਾਈ 280 ਤੋਂ 310 ਸੈਂਟੀਮੀਟਰ ਦੇ ਵਿਚਕਾਰ ਹੈ; ਉਹ ਜਵਾਨ, ਸਿਹਤਮੰਦ ਅਤੇ ਸੁੰਦਰ ਦਿਖਾਈ ਦਿੰਦੇ ਹਨ। ਉਹ ਹਰਮਾਫ੍ਰੋਡਾਈਟਸ ਹਨ ਪਰ ਮਾਦਾ ਜਾਂ ਨਰ ਦੇ ਰੂਪ ਵਿੱਚ ਦਿਖਾਈ ਦੇਣਾ ਪਸੰਦ ਕਰਦੇ ਹਨ। ਇਸ ਤਰ੍ਹਾਂ, ਆਪਣੀ ਕਿਤਾਬ ਵਿੱਚ, ਮਿਸ਼ੇਲ ਉਨ੍ਹਾਂ ਵਿੱਚੋਂ ਕੁਝ ਨੂੰ "ਮਾਦਾ" ਅਤੇ ਕੁਝ ਨੂੰ "ਨਰ" ਕਹਿ ਕੇ ਸੰਬੋਧਿਤ ਕਰਦਾ ਹੈ। ਉਹ ਇੱਕ ਦੂਜੇ ਨਾਲ ਟੈਲੀਪੈਥਿਕ ਤੌਰ 'ਤੇ ਗੱਲਬਾਤ ਕਰ ਸਕਦੇ ਹਨ, ਭਾਵੇਂ ਉਨ੍ਹਾਂ ਦੀ ਆਪਣੀ ਭਾਸ਼ਾ ਹੈ। ਉਨ੍ਹਾਂ ਕੋਲ ਬਹੁਤ ਸਾਰੀਆਂ ਸ਼ਕਤੀਆਂ ਅਤੇ ਯੋਗਤਾਵਾਂ ਹਨ ਜੋ ਵਰਤਮਾਨ ਵਿੱਚ ਧਰਤੀ ਦੇ ਲੋਕਾਂ ਨਾਲੋਂ ਪਰੇ ਹਨ, ਜਿਵੇਂ ਕਿ ਆਭਾ ਨੂੰ ਦੇਖਣਾ, ਉੱਡਣਾ, ਅਤੇ ਆਪਣੀ ਮਰਜ਼ੀ ਨਾਲ ਅਦਿੱਖ ਬਣਨਾ। ਉਹ ਆਪਣੇ ਸਰੀਰ ਵਿੱਚ ਸੈੱਲਾਂ ਨੂੰ ਦੁਬਾਰਾ ਪੈਦਾ ਕਰ ਸਕਦੇ ਹਨ ਅਤੇ ਆਪਣੇ ਸਰੀਰ ਵਿੱਚ ਬਣੇ ਰਹਿਣ ਜਾਂ "ਈਥਰ ਵਿੱਚ ਮਹਾਨ ਆਤਮਾ" ਵਿੱਚ ਸ਼ਾਮਲ ਹੋਣ ਦੀ ਚੋਣ ਕਰ ਸਕਦੇ ਹਨ।

ਮਿਸ਼ੇਲ ਨੇ ਗ੍ਰਹਿ 'ਤੇ ਆਪਣੇ ਠਹਿਰਨ ਦਾ ਪੂਰਾ ਆਨੰਦ ਮਾਣਿਆ। ਉੱਥੋਂ ਦੀ ਸੁੰਦਰਤਾ ਦਾ ਵਰਣਨ ਕਰਦੇ ਹੋਏ, ਉਸਨੇ ਇੱਕ ਰੇਡੀਓ ਇੰਟਰਵਿਊ ਦੌਰਾਨ ਇਹ ਕਿਹਾ:

(ਗ੍ਰਹਿ ਬਾਰੇ ਕੀ? ਕੀ ਤੁਸੀਂ, ਮੈਨੂੰ ਲੱਗਦਾ ਹੈ, ਬਹੁਤ, ਬਹੁਤ ਸੰਖੇਪ ਵਿੱਚ, ਕੁਝ ਭੌਤਿਕ ਵਿਸ਼ੇਸ਼ਤਾਵਾਂ ਦਾ ਵਰਣਨ ਕਰ ਸਕਦੇ ਹੋ?)

ਹਾਂਜੀ, ਹਾਂਜੀ, ਜਿਵੇਂ ਮੈਂ ਕਹਿੰਦਾ ਹਾਂ, ਇਹ ਥੋੜ੍ਹਾ ਜਿਹਾ ਇਸ ਤਰ੍ਹਾਂ ਹੈ... ਮੈਨੂੰ ਲੱਗਦਾ ਹੈ ਕਿ ਸਾਰਿਆਂ ਨੂੰ ਫਿਰਦੌਸ ਦਾ ਵਿਚਾਰ ਆਇਆ ਹੋਵੇਗਾ। ਪ੍ਰਕਾਸ਼ਨ ਇਸਨੂੰ ਅਗਵਾ, ਜਾਂ ਥਿਆਓਬਾ ਭਵਿੱਖਬਾਣੀ ਕਹਿਣਾ ਚਾਹੁੰਦਾ ਸੀ, ਪਰ ਮੈਂ ਖੁਦ ਇਸਨੂੰ "ਸੁਨਹਿਰੀ ਗ੍ਰਹਿ" ਕਹਿਣਾ ਚਾਹੁੰਦਾ ਸੀ। ਇਸਦਾ ਕਾਰਨ: ਜਦੋਂ ਮੈਂ ਇਸਨੂੰ ਪਹਿਲੀ ਵਾਰ ਪੁਲਾੜ ਯਾਨ ਵਿੱਚ ਦੇਖਿਆ ਸੀ, ਤਾਂ ਅਸੀਂ (ਇਸਨੂੰ) "ਟੈਲੀਵਿਜ਼ਨ" ਕਹਿ ਸਕਦੇ ਹਾਂ, ਜੇ ਤੁਸੀਂ ਚਾਹੋ, ਪੈਨਲ 'ਤੇ, ਉੱਥੇ ਦਿਖਾਈ ਦੇ ਰਿਹਾ ਹੈ, ਇਹ ਸੁਨਹਿਰੀ ਰੰਗ ਦਾ ਇੱਕ ਪ੍ਰਭਾਮੰਡਲ ਹੈ। ਤੁਹਾਨੂੰ ਪਤਾ ਹੈ, ਜੇ ਤੁਸੀਂ ਬਲੂ ਮਾਉਂਟੇਨਜ਼ ਵਿੱਚ ਜਾਂਦੇ ਹੋ, ਤਾਂ ਬਲੂ ਮਾਉਂਟੇਨਜ਼ ਵਿੱਚ ਧੁੰਦਲਾ ਨੀਲਾ ਰੰਗ ਹੁੰਦਾ ਹੈ? (ਹਾਂਜੀ, ਸੁੰਦਰ।)

ਉੱਥੇ, ਗ੍ਰਹਿ ਦੇ ਆਲੇ-ਦੁਆਲੇ ਹਰ ਚੀਜ਼, ਹਰ ਜਗ੍ਹਾ, ਇਸ ਤਰ੍ਹਾਂ ਦੀ ਧੁੰਦਲੀ ਸੁਨਹਿਰੀ ਹੈ, ਅਤੇ ਇਹ ਬਹੁਤ, ਬਹੁਤ ਸੁੰਦਰ ਹੈ - ਪਹਿਲਾਂ। ਦੂਜਾ, ਹਵਾ, ਸਭ ਕੁਝ ਬਲੌਰ ਵਾਂਗ ਸ਼ੁੱਧ ਹੈ, ਅਤੇ ਬਿਨਾਂਸ਼ਕ ਪਾਣੀ ਵੀ। ਅਤੇ ਰੁੱਖ, ਇੰਝ ਜਾਪਦਾ ਸੀ, ਇੱਕ ਦਿਨ ਵਿੱਚ,ਰੁੱਖਾਂ ਦੇ ਪੱਤਿਆਂ ਵਿੱਚੋਂ ਰੌਸ਼ਨੀ ਨਿਕਲੀ। ਜੇ ਤੁਸੀਂ ਕਲਪਨਾ ਕਰੋ, ਤਾਂ ਸਾਡੇ ਕੋਲ, ਉਦਾਹਰਣ ਵਜੋਂ, ਲਾਲ ਰੰਗ ਦੇ 10 ਵੱਖ-ਵੱਖ ਜਾਂ 15 ਵੱਖ-ਵੱਖ ਸ਼ੇਡ ਹਨ, ਜਿਵੇਂ ਕਿ ਮੈਂ ਕਿਤਾਬ ਵਿੱਚ ਕਿਹਾ ਹੈ, ਉੱਥੇ ਉਨ੍ਹਾਂ ਕੋਲ 100 ਵੱਖ-ਵੱਖ ਸ਼ੇਡ ਹਨ। ਇਹ ਬਹੁਤ ਵਧੀਆ ਹੈ, ਸੁੰਦਰਤਾ। ਬੇਸ਼ੱਕ, ਗੁਰੂਤਾ ਖਿੱਚ ਬਿਲਕੁਲ ਵੱਖਰੀ ਸੀ। ਜਿਵੇਂ, ਧਰਤੀ ਗ੍ਰਹਿ 'ਤੇ ਮੇਰਾ ਭਾਰ ਲਗਭਗ 70 ਕਿਲੋ ਸੀ - ਉੱਥੇ ਮੇਰਾ ਭਾਰ ਲਗਭਗ 47 (ਕਿਲੋ) ਸੀ। ਤਾਂ, ਸਭ ਕੁਝ ਬਹੁਤ ਵੱਡਾ ਹੈ: ਵੱਡੇ-ਵੱਡੇ ਰੁੱਖ, ਵੱਡੀਆਂ-ਵੱਡੀਆਂ ਤਿਤਲੀਆਂ, ਵੱਡੇ-ਵੱਡੇ ਪੰਛੀ। ਤੁਹਾਨੂੰ ਉੱਥੇ ਰਹਿਣਾ ਬਹੁਤ ਪਸੰਦ ਆਵੇਗਾ, ਇਹ ਇੱਕ ਅਸਲੀ ਸਵਰਗ ਹੈ।

ਮਿਸ਼ੇਲ ਦਾ "ਥਾਓ" ਨਾਮ ਦਾ ਇੱਕ ਸਲਾਹਕਾਰ ਸੀ ਜੋ ਯਾਤਰਾ ਦੌਰਾਨ ਉਸਦਾ ਮਾਰਗਦਰਸ਼ਨ ਕਰਦਾ ਸੀ। ਥਾਓ ਨੇ ਉਸਨੂੰ ਦੱਸਿਆ,

"ਇਸ ਲਈ, ਇਸ ਖਾਸ ਗ੍ਰਹਿ 'ਤੇ, ਅਸੀਂ ਸੰਪੂਰਨਤਾ ਦੇ ਨੇੜੇ ਇੱਕ ਪੜਾਅ 'ਤੇ ਪਹੁੰਚ ਗਏ ਹਾਂ, ਦੋਵੇਂ ਭੌਤਿਕ ਅਤੇ ਅਧਿਆਤਮਿਕ ਤੌਰ 'ਤੇ। ਪਰ ਸਾਨੂੰ ਆਪਣੀਆਂ ਭੂਮਿਕਾਵਾਂ ਨਿਭਾਉਣੀਆਂ ਜ਼ਰੂਰੀ ਹਨ, ਜਿਵੇਂ ਕਿ ਬ੍ਰਹਿਮੰਡ ਵਿੱਚ ਮੌਜੂਦ ਹਰ ਜੀਵ ਨੂੰ ਕਰਨਾ ਪੈਂਦਾ ਹੈ; ਦਰਅਸਲ, ਹਰ ਚੀਜ਼, ਇੱਕ ਕੰਕਰ ਸਮੇਤ, ਆਪਣੀ ਭੂਮਿਕਾ ਨਿਭਾਉਂਦੀ ਹੈ।

ਇੱਕ ਉੱਤਮ ਗ੍ਰਹਿ ਦੇ ਜੀਵਾਂ ਦੇ ਰੂਪ ਵਿੱਚ, ਸਾਡੀ ਭੂਮਿਕਾ ਮਾਰਗਦਰਸ਼ਨ ਕਰਨਾ ਹੈ - ਅਧਿਆਤਮਿਕ ਵਿਕਾਸ ਵਿੱਚ ਮਦਦ ਕਰਨਾ ਅਤੇ ਕਈ ਵਾਰ, ਭੌਤਿਕ ਤੌਰ 'ਤੇ ਵੀ। ਅਸੀਂ ਸਮੱਗਰੀ ਸਹਾਇਤਾ ਦੇਣ ਦੀ ਇਕ ਸਥਿਤੀ ਵਿੱਚ ਹਾਂ ਕਿਉਂਕਿ ਅਸੀਂ ਤਕਨੀਕੀ ਤੌਰ 'ਤੇ ਸਭ ਤੋਂ ਉੱਨਤ ਲੋਕ ਹਾਂ।"

ਮਿਸ਼ੇਲ ਨੂੰ ਮਨੁੱਖ ਜਾਤੀ ਦੀ ਉਤਪਤੀ ਦਿਖਾਈ ਗਈ, ਜੋ ਸਾਡੇ ਲਿਖਤੀ ਰਿਕਾਰਡ ਵਿੱਚ ਸ਼ਾਮਲ ਨਹੀਂ ਹਨ - ਮੂ ਅਤੇ ਐਟਲਾਂਟਿਸ ਵਰਗੀਆਂ ਪਿਛਲੀਆਂ ਸਭਿਅਤਾਵਾਂ, ਅਤੇ ਨਾਲ ਹੀ ਉਸਦੇ ਆਪਣੇ 80 ਪਿਛਲੇ ਜੀਵਨ। ਇਹ ਪਤਾ ਚਲਿਆ ਕਿ ਮਿਸ਼ੇਲ ਥਿਆਓਬਾ ਵਿੱਚ ਕਿਸੇ ਖੁਸ਼ੀ ਦੀ ਇੱਕ ਯਾਤਰਾ ਲਈ ਨਹੀਂ ਸੀ, ਸਗੋਂ ਇਸ ਸੁਨਹਿਰੀ ਗ੍ਰਹਿ 'ਤੇ ਉੱਨਤ ਜੀਵਾਂ ਤੋਂ ਮਹੱਤਵਪੂਰਨ ਸੰਦੇਸ਼ ਪਹੁੰਚਾਉਣ ਦੇ ਮਿਸ਼ਨ ਨਾਲ ਸੀ। ਥਾਓ ਨੇ ਧਰਤੀ ਦੀ ਮੌਜੂਦਾ ਸਥਿਤੀ ਬਾਰੇ ਗੰਭੀਰ ਚਿੰਤਾ ਪ੍ਰਗਟ ਕੀਤੀ:

"ਤੁਹਾਡੇ ਗ੍ਰਹਿ 'ਤੇ ਲਗਭਗ ਇੱਕ ਸੌ ਚਾਲੀ ਸਾਲਾਂ ਤੋਂ, ਮਨੁੱਖ ਕੁਦਰਤ ਦੇ ਵਿਨਾਸ਼ ਅਤੇ ਵਾਤਾਵਰਣ ਦੇ ਪ੍ਰਦੂਸ਼ਣ ਨੂੰ ਤੇਜ਼ ਕਰ ਰਿਹਾ ਹੈ। ਇਹ ਭਾਫ਼ ਸ਼ਕਤੀ ਅਤੇ ਬਲਨ ਇੰਜਣ ਦੀ ਖੋਜ ਤੋਂ ਬਾਅਦ ਹੋਇਆ ਹੈ। ਤੁਹਾਡੇ ਕੋਲ ਪ੍ਰਦੂਸ਼ਣ ਨੂੰ ਰੋਕਣ ਲਈ ਕੁਝ ਸਾਲ ਹੀ ਬਚੇ ਹਨ, ਇਸ ਤੋਂ ਪਹਿਲਾਂ ਕਿ ਸਥਿਤੀ ਬਦਲ ਨਾ ਜਾਵੇ।"

"[...] ਧਰਤੀ ਦੇ ਲੋਕਾਂ ਨੂੰ ਉਸ ਬੱਚੇ ਵਾਂਗ ਨਹੀਂ ਕਰਨਾ ਚਾਹੀਦਾ ਜਿਸ ਨੂੰ ਅੱਗ ਨਾਲ ਖੇਡਣ ਤੋਂ ਮਨ੍ਹਾ ਕੀਤਾ ਗਿਆ ਹੈ; ਬੱਚਾ ਤਜਰਬੇ ਤੋਂ ਰਹਿਤ ਹੈ ਅਤੇ, ਮਨਾਹੀ ਦੇ ਬਾਵਜੂਦ, ਉਹ ਅਵੱਗਿਆ ਕਰਦਾ ਹੈ ਅਤੇ ਆਪਣੇ ਆਪ ਨੂੰ ਸਾੜ ਲੈਂਦਾ ਹੈ। ਇੱਕ ਵਾਰ ਸੜ ਜਾਣ ਤੋਂ ਬਾਅਦ, ਉਹ 'ਜਾਣਦਾ' ਹੈ ਕਿ ਬਾਲਗ ਸਹੀ ਸਨ। ਉਹ ਦੁਬਾਰਾ ਅੱਗ ਨਾਲ ਨਹੀਂ ਖੇਡੇਗਾ, ਪਰ ਉਸਨੂੰ ਆਪਣੀ ਅਣਆਗਿਆਕਾਰੀ ਦੀ ਕੀਮਤ ਕਈ ਦਿਨਾਂ ਤੱਕ ਦੁੱਖ ਝੱਲ ਕੇ ਚੁਕਾਉਣੀ ਪਵੇਗੀ।"

"ਬਦਕਿਸਮਤੀ ਨਾਲ, ਜਿਸ ਮਾਮਲੇ ਵਿੱਚ ਅਸੀਂ ਚਿੰਤਤ ਹਾਂ, ਉਸ ਦੇ ਨਤੀਜੇ ਇਕ ਬੱਚੇ ਦੇ ਸਾੜਨ ਨਾਲੋਂ ਕਿਤੇ ਜ਼ਿਆਦਾ ਗੰਭੀਰ ਹਨ। ਇਹ ਤੁਹਾਡੇ ਪੂਰੇ ਗ੍ਰਹਿ ਦੀ ਤਬਾਹੀ ਹੈ ਜੋ ਖਤਰੇ ਵਿੱਚ ਹੈ - ਜੇਕਰ ਤੁਸੀਂ ਉਨ੍ਹਾਂ ਲੋਕਾਂ 'ਤੇ ਭਰੋਸਾ ਨਹੀਂ ਕਰਦੇ ਜੋ ਤੁਹਾਡੀ ਮਦਦ ਕਰਨਾ ਚਾਹੁੰਦੇ ਹਨ ਤਾਂ ਦੂਜਾ ਮੌਕਾ ਨਹੀਂ ਹੈ।"

ਸਾਲਾਂ ਤੋਂ, ਧਰਤੀ ਦੇ ਵਿਗਿਆਨੀਆਂ ਨੇ ਆਰਥਿਕ ਵਿਕਾਸ ਅਤੇ ਮੁਨਾਫ਼ੇ ਲਈ ਕੁਦਰਤ ਨੂੰ ਤਬਾਹ ਕਰਨ ਅਤੇ ਵਾਤਾਵਰਣ ਨੂੰ ਪ੍ਰਦੂਸ਼ਿਤ ਕਰਨ ਦੇ ਖ਼ਤਰੇ ਬਾਰੇ ਅਲਾਰਮ ਵਜਾਇਆ ਹੈ, ਜਿਸ ਨੇ ਜਲਵਾਯੂ ਪਰਿਵਰਤਨ ਅਤੇ ਗਲੋਬਲ ਵਾਰਮਿੰਗ ਨੂੰ ਤੇਜ਼ ਕੀਤਾ ਹੈ।

2025 ਦੇ ਪੂਰੇ ਸਾਲ ਦੌਰਾਨ, ਸਾਨੂੰ ਹਰ ਜਗ੍ਹਾ ਭਿਆਨਕ ਆਫ਼ਤਾਂ ਅਤੇ ਰਿਕਾਰਡ-ਤੋੜ ਮੌਸਮੀ ਸਥਿਤੀਆਂ ਦਾ ਸਾਹਮਣਾ ਕਰਨਾ ਪਿਆ।

ਜਿਵੇਂ ਕਿ ਸੰਸਾਰ ਅਜੇ ਵੀ ਪਿਛਲੇ ਸਾਲ ਦੀ ਤਬਾਹੀ ਤੋਂ ਠੀਕ ਹੋ ਰਿਹਾ ਹੈ, 2026 ਨੇ ਪਹਿਲਾਂ ਹੀ ਸਾਨੂੰ ਨਵੀਆਂ ਚੁਣੌਤੀਆਂ ਪੇਸ਼ ਕੀਤੀਆਂ ਹਨ। ਇਸ ਸਾਲ ਦੇ ਪਹਿਲੇ ਕੁਝ ਮਹੀਨੇ ਸੰਸਾਰ ਭਰ ਵਿੱਚ ਗੰਭੀਰ ਅਤੇ ਅਸਾਧਾਰਨ ਮੌਸਮੀ ਘਟਨਾਵਾਂ ਨਾਲ ਭਰੇ ਰਹੇ ਹਨ, ਜਿਨ੍ਹਾਂ ਵਿੱਚ ਤੂਫਾਨ, ਹੜ੍ਹ, ਭੂਚਾਲ, ਅੱਗਾਂ ਅਤੇ ਜ਼ਮੀਨ ਖਿਸਕਣਾ ਸ਼ਾਮਲ ਹਨ।

ਆਦਿ...

ਮਾਹਰ ਹਵਾ, ਜ਼ਮੀਨ ਅਤੇ ਸਮੁੰਦਰ ਵਿੱਚ ਮਨੁੱਖਾਂ ਦੁਆਰਾ ਸੁੱਟੀਆਂ ਜਾ ਰਹੀਆਂ ਗ੍ਰੀਨਹਾਊਸ ਗੈਸਾਂ ਦੀ ਵੱਧ ਰਹੀ ਮਾਤਰਾ ਬਾਰੇ ਚਿੰਤਤ ਹਨ।

ਤਿੰਨ ਸਭ ਤੋਂ ਮਹੱਤਵਪੂਰਨ ਗ੍ਰੀਨਹਾਊਸ ਗੈਸਾਂ, CO2, ਮੀਥੇਨ ਅਤੇ ਨਾਈਟਰਸ ਆਕਸਾਈਡ ਦੀ ਗਾੜ੍ਹਾਪਣ, ਸਭ ਪਹੁੰਚ ਗਈ - ਨਾ ਸਿਰਫ ਇਹ ਵਧੀ - ਬਲਕਿ 2025 ਵਿੱਚ ਇਹ ਰਿਕਾਰਡ ਪੱਧਰ 'ਤੇ ਪਹੁੰਚ ਗਈ। ਇਸ ਲਈ, ਮੂਲ ਰੂਪ ਵਿੱਚ, ਅਸੀਂ ਜਿਸ ਬਾਰੇ ਗੱਲ ਕਰ ਰਹੇ ਹਾਂ ਉਹ ਇੱਕ ਆਫ਼ਤ ਹੈ।

ਅਤੇ ਜੇਕਰ ਅਸੀਂ ਇਸ ਸਾਲ ਵੱਲ ਵੇਖੀਏ, ਜਿਸ ਵਿੱਚ ਅਸੀਂ ਹੁਣ ਕੁਝ ਹਫ਼ਤ‌ਿਆਂ ਵਿਚ ਹਾਂ, ਤਾਂ ਇਹ ਖਾਸ ਰਿਪੋਰਟ ਭਵਿੱਖਬਾਣੀ ਕਰਦੀ ਹੈ ਕਿ ਵਿਸ਼ਵਵਿਆਪੀ ਔਸਤ ਸਤਹ ਤਾਪਮਾਨ ਰਿਕਾਰਡ 'ਤੇ ਦੂਜੇ ਅਤੇ ਚੌਥੇ ਸਭ ਤੋਂ ਗਰਮ ਹੋਣ ਦੀ ਸੰਭਾਵਨਾ ਹੈ, 2023 ਅਤੇ 2025 ਦੇ ਸਮਾਨ, ਪੂਰਵ-ਉਦਯੋਗਿਕ ਪੱਧਰ ਤੋਂ ਲਗਭਗ 1.4 ਡਿਗਰੀ ਉੱਪਰ। ਇਹ ਸਿਰਫ਼ ਗਿਣਤੀਆਂ ਹਨ, ਪਰ ਜੇ ਤੁਸੀਂ ਉਹਨਾਂ ਨੂੰ ਉਹਨਾਂ ਚੀਜ਼ਾਂ ਵਿੱਚ ਅਨੁਵਾਦ ਕਰਨ ਦੀ ਕੋਸ਼ਿਸ਼ ਕਰੋ ਜਿਨ੍ਹਾਂ ਨੂੰ ਅਸੀਂ ਸਮਝਣ ਦੀ ਕੋਸ਼ਿਸ਼ ਕਰ ਸਕਦੇ ਹਾਂ, ਤਾਂ ਧਰਤੀ ਨੂੰ ਟੱਕਰ ਮਾਰਨ ਵਾਲੀ ਗਰਮੀ ਦੀ ਮਾਤਰਾ, ਜਿਸ ਵਿੱਚੋਂ 90% ਸਮੁੰਦਰਾਂ ਵਿੱਚ ਜਾਂਦੀ ਹੈ, ਲਗਭਗ, ਇਹ ਸੁਣੋ, ਹਰ ਰੋਜ਼ 10 ਲੱਖ ਹੀਰੋਸ਼ੀਮਾ ਪਰਮਾਣੂ ਬੰਬ, ਜਾਂ ਹਰ ਸਕਿੰਟ ਵਿੱਚ ਲਗਭਗ 12 ਬੰਬ ਜੋ ਜੋ ਮੈਂ ਬੋਲਦਾ ਹਾਂ, ਜਾਂ ਜੋ ਤੁਸੀਂ ਸੁਣਦੇ ਹੋ, ਦੇ ਬਰਾਬਰ ਹੈ। ਇਹੀ ਗਰਮੀ ਦੀ ਮਾਤਰਾ ਹੈ ਜੋ ਅਸੀਂ ਧਰਤੀ ਉੱਤੇ ਪਾ ਰਹੇ ਹਾਂ।

ਇਸ ਲਈ ਜੇਕਰ ਅਸੀਂ ਇਸ ਬਾਰੇ ਸੋਚਦੇ ਹਾਂ ਕਿ ਅਸੀਂ ਵਿਅਕਤੀਗਤ ਤੌਰ'ਤੇ ਕੀ ਕਰ ਸਕਦੇ ਹਾਂ, ਤਾਂ ਇਹ ਮਹੱਤਵਪੂਰਨ ਹੈ, ਪਰ ਇਹ ਸੰਚਤ ਮਾਤਰਾ ਦਾ ਸਭ ਤੋਂ ਛੋਟਾ ਜਿਹਾ ਹਿੱਸਾ ਹੈ ਜੋ ਸਾਡੇ ਵਾਤਾਵਰਣ, ਸਾਡੇ ਵਾਤਾਵਰਣ ਪ੍ਰਣਾਲੀਆਂ ਅਤੇ ਮਨੁੱਖੀ ਪ੍ਰਜਾਤੀ ਦੇ ਤੌਰ 'ਤੇ ਕੰਮ ਕਰਨ ਦੀ ਸਾਡੀ ਯੋਗਤਾ ਨੂੰ ਪੂਰੀ ਤਰ੍ਹਾਂ ਬਦਲ ਰਿਹਾ ਹੈ। ਸਾਨੂੰ ਸਾਰਿਆਂ ਨੂੰ ਰਾਜਨੀਤਿਕ ਤੌਰ 'ਤੇ, ਵਾਤਾਵਰਣ ਪੱਖੋਂ, ਅਤੇ ਹੋਰ ਬਹੁਤ ਮਹੱਤਵਪੂਰਨ ਤਰੀਕਿਆਂ ਨਾਲ ਬਹੁਤ ਜ਼ਿਆਦਾ "ਹਮਲਾਵਰ" ਹੋਣ ਦੀ ਲੋੜ ਹੈ, ਤਾਂ ਜੋ 2026 ਓਨਾ ਮਾੜਾ ਨਾ ਹੋਵੇ ਜਿੰਨਾ ਭਵਿੱਖਬਾਣੀਆਂ ਦੱਸਦੀਆਂ ਹਨ।

ਮਿਸ਼ੇਲ ਦੀ ਕਿਤਾਬ ਵਿੱਚ, ਥਾਓ ਨੇ ਨਾ ਸਿਰਫ਼ ਸਾਡੇ ਸਮੇਂ ਵਿੱਚ ਧਰਤੀ ਨੂੰ ਦਰਪੇਸ਼ ਵਾਤਾਵਰਣ ਸੰਬੰਧੀ ਸਮੱਸਿਆਵਾਂ ਦਾ ਅੰਦਾਜ਼ਾ ਲਗਾਇਆ, ਸਗੋਂ ਇੱਕ ਹੱਲ ਵੀ ਪੇਸ਼ ਕੀਤਾ।

"ਜਿਵੇਂ ਕਿ ਅਰਕੀ ਨੇ ਤੁਹਾਨੂੰ ਦੱਸਿਆ ਸੀ, ਇਸਦਾ ਇੱਕੋ ਇੱਕ ਹੱਲ ਹੈ - ਵਿਅਕਤੀਆਂ ਦਾ ਸਮੂਹੀਕਰਨ। ਇੱਕ ਸਮੂਹ ਓਨਾ ਹੀ ਸ਼ਕਤੀਸ਼ਾਲੀ ਹੁੰਦਾ ਹੈ ਜਿੰਨਾ ਉਹ ਵੱਡਾ ਹੁੰਦਾ ਹੈ। ਜਿਨ੍ਹਾਂ ਨੂੰ ਤੁਸੀਂ ਸੰਭਾਲਵਾਦੀ ਕਹਿੰਦੇ ਹੋ, ਉਹ ਹੋਰ ਮਜ਼ਬੂਤ ਹੋ ਰਹੇ ਹਨ ਅਤੇ ਅਜਿਹਾ ਕਰਦੇ ਰਹਿਣਗੇ। ਪਰ ਇਹ ਬਹੁਤ ਜ਼ਰੂਰੀ ਹੈ ਕਿ ਲੋਕ ਆਪਣੀ ਨਫ਼ਰਤ, ਆਪਣੀ ਨਾਰਾਜ਼ਗੀ, ਅਤੇ ਖਾਸ ਕਰਕੇ ਆਪਣੇ ਰਾਜਨੀਤਿਕ ਅਤੇ ਨਸਲੀ ਮਤਭੇਦਾਂ ਨੂੰ ਭੁੱਲ ਜਾਣ। ਇਸ ਸਮੂਹ ਨੂੰ ਅੰਤਰਰਾਸ਼ਟਰੀ ਪੱਧਰ 'ਤੇ ਇਕਜੁੱਟ ਹੋਣਾ ਚਾਹੀਦਾ ਹੈ - ਅਤੇ ਮੈਨੂੰ ਇਹ ਨਾ ਦੱਸੋ ਕਿ ਇਹ ਇੰਨਾ ਮੁਸ਼ਕਲ ਹੈ - ਕਿਉਂਕਿ ਧਰਤੀ 'ਤੇ ਪਹਿਲਾਂ ਹੀ ਇੱਕ ਅਹਿੰਸਕ ਅਤੇ ਬਹੁਤ ਵੱਡਾ ਅੰਤਰਰਾਸ਼ਟਰੀ ਸੰਗਠਨ ਮੌਜੂਦ ਹੈ - ਅੰਤਰਰਾਸ਼ਟਰੀ ਰੈੱਡ ਕਰਾਸ, ਜੋ ਕਾਫ਼ੀ ਸਮੇਂ ਤੋਂ ਪ੍ਰਭਾਵਸ਼ਾਲੀ ਢੰਗ ਨਾਲ ਕੰਮ ਕਰ ਰਿਹਾ ਹੈ।

ਇਹ ਜ਼ਰੂਰੀ ਹੈ ਕਿ ਇਹ ਸੰਭਾਲਵਾਦੀ ਸਮੂਹ ਆਪਣੇ ਪ੍ਰੋਗਰਾਮਾਂ ਵਿੱਚ ਨਾ ਸਿਰਫ਼ ਸਿੱਧੇ ਨੁਕਸਾਨ ਤੋਂ, ਸਗੋਂ ਅਸਿੱਧੇ ਨੁਕਸਾਨ ਤੋਂ ਵੀ ਵਾਤਾਵਰਣ ਦੀ ਸੰਭਾਲ ਨੂੰ ਸ਼ਾਮਲ ਕਰੇ, ਜਿਵੇਂ ਕਿ ਧੂੰਏਂ ਦੇ ਨਤੀਜੇ ਵਜੋਂ: ਵਾਹਨਾਂ ਤੋਂ ਨਿਕਲਣ-ਵਾਲਾ ਧੂੰਆਂ, ਫੈਕਟਰੀਆਂ ਤੋਂ ਨਿਕਲਣ ਵਾਲਾ ਧੂੰਆਂ, ਆਦਿ।"

ਥਾਓ ਨੇ ਸਾਨੂੰ ਇਨ੍ਹਾਂ ਸਮੱਸਿਆਵਾਂ ਦੇ ਹੱਲ ਲਈ ਸਰਕਾਰੀ ਅਧਿਕਾਰੀਆਂ 'ਤੇ ਭਰੋਸਾ ਕਰਨ ਦੀ ਸਲਾਹ ਨਹੀਂ ਦਿੱਤੀ, ਸਗੋਂ ਇੱਕ ਸਮੂਹ ਦੇ ਰੂਪ ਵਿੱਚ ਇਕੱਠੇ ਹੋ ਕੇ ਕਾਰਵਾਈ ਕਰਨ ਦੀ ਸਲਾਹ ਦਿੱਤੀ।

ਗਲੋਬਲ ਵਾਰਮਿੰਗ ਨੂੰ ਰੋਕਣ ਲਈ ਸਾਡੇ ਵਿੱਚੋਂ ਹਰ ਕੋਈ ਕੀ ਕਰ ਸਕਦਾ ਹੈ? ਸਭ ਤੋਂ ਪ੍ਰਭਾਵਸ਼ਾਲੀ ਤਰੀਕਾ ਮੁੱਖ ਦੋਸ਼ੀ, ਮੀਥੇਨ ਨਾਲ ਨਜਿੱਠਣਾ ਹੈ, ਜਦੋਂ ਕਿ ਹੋਰ ਨਿਕਾਸ ਅਤੇ ਪ੍ਰਦੂਸ਼ਣ ਨੂੰ ਘਟਾਉਣਾ ਹੈ।

- ਦੂਜੇ ਸ਼ਬਦਾਂ ਵਿੱਚ, ਮੀਥੇਨ 20 ਸਾਲਾਂ ਦੇ ਦੌਰਾਨ ਵਾਯੂਮੰਡਲ ਵਿੱਚ CO2 ਨਾਲੋਂ 96 ਗੁਣਾ ਜ਼ਿਆਦਾ ਗਰਮ ਕਰਦਾ ਹੈ । ਇਹ ਇੱਕ ਵਧੇਰੇ ਸ਼ਕਤੀਸ਼ਾਲੀ ਗ੍ਰੀਨਹਾਊਸ ਗੈਸ ਹੋਣ ਦਾ ਕਾਰਨ ਕਾਰਬਨ ਡਾਈਆਕਸਾਈਡ ਨਾਲੋਂ ਇਸ ਲਈ ਹੈ ਕਿਉਂਕਿ ਅਣੂ ਦੀ ਬਣਤਰ ਇਨਫਰਾਰੈੱਡ ਰੇਡੀਏਸ਼ਨ ਨੂੰ ਜ਼ਿਆਦਾ, ਗਰਮੀ ਨੂੰ ਜ਼ਿਆਦਾ ਫਸਾਉਂਦੀ ਹੈ।

ਮੀਥੇਨ ਕਿੱਥੋਂ ਆਉਂਦਾ ਹੈ? ਮਨੁੱਖੀ ਮੀਥੇਨ ਦਾ ਨਿਕਾਸ ਮਾਸ ਤੋਂ ਹੁੰਦਾ ਹੈ; ਪਸ਼ੂਆਂ ਤੋਂ।

ਸਾਡੇ ਪਰਮ ਦਿਆਲੂ ਪਰਮ ਸਤਿਗੁਰੂ ਚਿੰਗ ਹਾਈ ਜੀ (ਵੀਗਨ) ਸਾਨੂੰ ਗਲੋਬਲ ਵਾਰਮਿੰਗ ਨੂੰ ਰੋਕਣ ਦਾ ਸਭ ਤੋਂ ਵਧੀਆ ਤਰੀਕਾ ਪੇਸ਼ ਕਰਦੇ ਹਨ।

ਵੀਗਨ ਖੁਰਾਕ ਜਲਵਾਯੂ ਨੂੰ ਬਿਹਤਰ ਬਣਾ ਦੇਵੇਗੀ। ਵੀਗਨ ਖੁਰਾਕ ਗਲੋਬਲ ਵਾਰਮਿੰਗ ਨੂੰ ਰੋਕ ਦੇਵੇਗੀ। ਵੀਗਨ ਖੁਰਾਕ ਮੀਥੇਨ ਗੈਸ ਨੂੰ ਘਟਾਏਗੀ, ਅਤੇ ਮੀਥੇਨ ਗੈਸ ਸਾਡੇ ਜਲਵਾਯੂ ਪ੍ਰਵੇਗ ਦੇ ਪਿੱਛੇ ਇੱਕ ਪ੍ਰੇਰਕ ਸ਼ਕਤੀ ਹੈ। ਪਰ ਮੀਥੇਨ ਵਾਯੂਮੰਡਲ ਤੋਂ ਜਲਦੀ ਖ਼ਤਮ ਹੋ ਜਾਵੇਗਾ। ਇਸ ਤਰ੍ਹਾਂ, CO2 'ਤੇ ਧਿਆਨ ਕੇਂਦਰਿਤ ਕਰਨ ਦੀ ਬਜਾਏ ਗ੍ਰਹਿ ਜਲਦੀ ਠੰਡਾ ਹੋ ਜਾਵੇਗਾ, ਕਿਉਂਕਿ CO2 ਵਾਯੂਮੰਡਲ ਵਿੱਚ ਲੰਬੇ, ਲੰਬੇ, ਲੰਬੇ, ਸੈਂਕੜੇ ਸਾਲਾਂ ਤੱਕ ਰਹੇਗਾ। ਇਸ ਲਈ ਵੀਗਨ ਖੁਰਾਕ ਲਾਗੂ ਕਰਕੇ ਮੀਥੇਨ ਨੂੰ ਘਟਾਓ। ਫਿਰ ਸਾਡਾ ਗ੍ਰਹਿ ਵੀ ਵਿਗਿਆਨਕ ਤੌਰ 'ਤੇ ਤੇਜ਼ੀ ਨਾਲ ਠੰਡਾ ਹੋ ਜਾਵੇਗਾ। ਕਿਰਪਾ ਕਰਕੇ ਵੀਗਨ ਬਣੋ। ਕਿਰਪਾ ਕਰਕੇ ਵੀਗਨ ਬਣੋ ਅਤੇ ਸ਼ਾਂਤੀ ਬਣਾਓ।

ਅਤੇ ਕਿਉਂਕਿ ਗ੍ਰਹਿ 'ਤੇ ਮੀਥੇਨ ਦਾ ਸਭ ਤੋਂ ਵੱਡਾ ਸਰੋਤ ਪਸ਼ੂਧਨ ਤੋਂ ਹੈ, ਇਸ ਲਈ ਇਕ ਵੀਗਨ ਬਣਨਾ ਮੀਥੇਨ ਨੂੰ ਘਟਾਉਣ ਦਾ ਸਭ ਤੋਂ ਤੇਜ਼ ਤਰੀਕਾ ਹੈ, ਇਸ ਤਰ੍ਹਾਂ ਗ੍ਰਹਿ ਨੂੰ ਠੰਢਕ ਪ੍ਰਦਾਨ ਕਰਦਾ ਹੈ ਸਫਲਤਾਪੂਰਵਕ ਅਤੇ ਤੇਜ਼।

ਮੀਟ ਇੰਡਸਟਰੀ ਨੂੰ ਕੱਟਣਾ ਚਾਹੀਦਾ ਹੈ। ਇਹ ਗ੍ਰਹਿ ਦੀ ਮਦਦ ਕਰੇਗਾ। ਇਹ ਸਾਡੇ ਪਾਣੀ ਨੂੰ ਰਿਜ਼ਰਵ ਕਰਨ ਵਿੱਚ ਮਦਦ ਕਰੇਗਾ, ਸਾਡੀਆਂ ਝੀਲਾਂ ਅਤੇ ਸਾਡੇ ਦਰਿਆਵਾਂ ਨੂੰ ਦੁਬਾਰਾ ਭਰਨ ਲਈ।

ਮੱਛੀਆਂ ਫੜਨਾ ਮੁੱਖ ਤੌਰ 'ਤੇ ਸੰਸਾਰ ਦੇ ਸਮੁੰਦਰਾਂ ਦੇ ਗੁੰਝਲਦਾਰ ਪਰਿਆਵਰਣ ਪ੍ਰਣਾਲੀਆਂ ਨੂੰ ਵਿਗਾੜ ਕੇ ਗਲੋਬਲ ਵਾਰਮਿੰਗ ਵਿੱਚ ਯੋਗਦਾਨ ਪਾਉਂਦਾ ਹੈ। [...] ਮਾਸ ਖਾਣਾ ਬੰਦ ਕਰੋ; ਭੋਜਨ ਲਈ ਕਤਲ ਕਰਨਾ ਬੰਦ ਕਰੋ; ਮੱਛੀ ਖਾਣਾ ਬੰਦ ਕਰੋ। ਇਹ ਸਮੁੰਦਰ ਅਤੇ ਜ਼ਮੀਨ ਦੋਵਾਂ ਦੇ ਸੰਤੁਲਨ ਨੂੰ ਤੁਰੰਤ ਬਹਾਲ ਕਰਨ ਵਿੱਚ ਮਦਦ ਕਰੇਗਾ।

ਸਾਡੇ ਅਗਲੇ ਐਪੀਸੋਡ ਵਿੱਚ, ਅਸੀਂ ਮਿਸ਼ੇਲ ਡੇਸਮਾਰਕੇਟ ਦੁਆਰਾ ਸਾਡੇ ਲਈ ਲਿਆਂਦੀ ਗਈ ਸੁਨਹਿਰੀ ਗ੍ਰਹਿ ਥਿਆਓਬਾ ਤੋਂ ਬੁੱਧੀ ਦਾ ਖੁਲਾਸਾ ਕਰਨਾ ਜਾਰੀ ਰੱਖਾਂਗੇ।