“Бясалгал: Төгс Гэгээрсэн Их Багш Чинг Хай (веган)-н Гэрт тань хүргэж өгөхөөр би ирлээ’ номоос” нэвтрүүлгийн 2-ын 2-р хэсгийг

7-р Бүлэг Бясалгал Арьяабалын Бясалгалын Арга

“Манай зам мөр бол шашин биш. Би хэнийг ч Католик юм уу Буддын шашин, эсвэл ямар нэгэн “изм”-д оруулах гээгүй. Би зөвхөн танд Өөрийгөө таньж ойлгох, хаанаас ирснээ олж мэдэх, газар дэлхий дээрх үүрэг зорилгоо сэргээн санах, ертөнцийн нууцыг нээх, яагаад ийм их зовлон зүдүүр байдгийг болон үхлийн дараа биднийг юу хүлээж байгааг ойлгох зам мөрийг санал болгож байгаа юм. Ингэснээр та нар өдөр бүр юм бүхнийг яг одоо намайг харж байгаа шигээ тодорхой харах болно. Та нар надад итгэх албагүй, Харин өөрөө үүнийг туршиж үзэж өдөр бүр мэдрээсэй гэж бид хүсэж байна.

Энэ аргыг үг хэлний оролцоогүйгээр дамжуулдаг. Хэрэв гэгээрэхийн тулд үг хэлийг ашиглавал бид мэдлэг ухааны хүрээнд л байсаар байх бөгөөд бодол сэтгэл сөрж тэмцэлдэнэ, энэ бүхэн маш их зүдэргээтэй. Тийм учраас би та нарт ухаан санааг тань эцээж ядраасан ийм арга заахгүй, яагаад гэвэл бид өдөр тутам ажиллаж, асуудал бэрхшээлтэй тэмцсээр хангалттай ядардаг гэж би бодож байна. Тэгэхээр гэртээ харьчхаад завилж суугаад дахин тулалдан тэмцэлдэх хэрэг байхгүй!

Та бүхэн гэгээрэлд хүргэдэг янз бүрийн аргууд байдаг гэдгийг та сонссон байх. Үнэхээр ч олон янзын арга байдаг. Гэхдээ таныг төгс гэгээрэлд хүргэж чадах цорын ганц л арга бий. Эхэндээ та янз бүрийн зам мөрөөр явж болох л юм. Гэхдээ та нар оргилд хүрэхийг хүсэж байвал энэ зам мөрд л орох хэрэгтэй болно. Энэ зам мөр нь дотоодын (Диваажингийн) Гэрэл ажих болон Библид Үг гэж нэрлэдэг дотоодын Аялгууг ажих аргыг багтаадаг.

Та бол Эзэн Бурханы сүм, Эзэн Бурханы Дээд Сүнс таны дотор оршдог гэдгийг та мэдэхгүй гэж үү? (1 Коринт 3:16)

Тиймээс бид бурханлаг Гэрэл болон Аялгууны илрэл болох энэхүү Дээд Сүнстэй холбогдож, үүгээрээ Бурханыг таньж мэддэг юм.

Үнэндээ энэ бол үнэхээр арга ч биш. Энэ бол Их Багшийн хүч юм. Хэрэв энэ хүч танд байгаа бол та түүнийг дамжуулж чадна. Энэ арга бол чанагуухи ертөнцийнх бөгөөд хүний үг хэлээр тодорхойлон илэрхийлэхийн аргагүй юм. Хэн нэг хүн үүнийг танд дүрслэн хэллээ ч та (дотоод Диваажингийн) Гэрэл хийгээд Аялгуу, дотоодын амгалан хийгээд билиг ухааныг үүгээр хүлээж авахгүй. Энэ бүхэн цөм чимээ аниргүйд дамждаг бөгөөд та Есүс, Будда зэрэг өөрийн эртний Их Багш нараа харах болно. Та тэдний зам мөрөөр явахад шаардлагатай бүхнийг олж авах болно, тэгээд аажмаар Христтэй улам адил болж, Эзэн Бурхантай нэгэн цогц болно.

7-р Бүлэг Бясалгал “Үг” хэмээх Дотоодын Хэлбэлзэл

Энэ ертөнцийн болон чанагуухи ертөнцийн гэсэн хоёр төрлийн аялгуу байдаг. Энэ ертөнцийн аялгуу нь бидний мэдрэхүйн болон сэтгэцийн ая тухтай байдалд нэн чухал, харин чанагуухи ертөнцийн Аялгуу нь биднийг Эзэн Бурхан руу эргэн очиход хөтөлдөг.

Христийн шашинд ‘Үг’, Хиндү шашинд ‘Шабд’, Жуанз-д ‘Тэнгэрийн Аялгуу’, Бумбын шашинд ‘Дао’ гэх мэтээр янз бүрийн шашны бүх ариун сударт дурдсан Бурханлаг Аялгуу нь Бурханы Хаант Улсаас ирдэг цор ганц жинхэнэ ном юм. Тэд бол орчлон ертөнцийн хайр энэрэл хийгээд агуу их оюун ухааны хэл юм. Бүх сургаал энэ Аниргүй Аялгуунаас, бүх хэл энэхүү орчлон ертөнцийн хэлнээс гаралтай. Тийм учраас энэ зам мөрд буй өндөр түвшний авшигтнууд Сүнсний түвшинд бүх хэлээр ярьдаг. Энэ бол Бурханы хаант улсын хэлийг эзэмшсэн Их Багшийн түвшин юм. Бид бүгдэд энэхүү билиг ухаан бий, хэрэв бид үнэхээр хэн болохоо эргэн санахыг хүсэх л юм бол энэ харанхуй ертөнцөөс дээш орших бүх юмыг ойлгох, хаа сайгүй оршиж, Ертөнц дэх хамгийн төгс төрөлтний ёсоор хийж үйлдэх билиг ухаан бидэнд бий.

Энэ Үг буюу Бурханлаг Хэлбэлзлийг бүх шашинд дурдсан байдаг. Бид үүнийг Инь гэдэг, бусад нь тэнгэрийн аялгуу, Логос, Дао гэх мэтээр нэрлэдэг. Тэр нь амьд бүхний дотор хэлбэлзэж, бүх ертөнцийг тэтгэж байдаг. Энэ дотоод аялгуу нь бүхий л шархыг анагааж, бүх хүслийг биелүүлж, ертөнцийн хамаг шунал хүслийг намжаан тайлж чадна. Тэр нь бүхнийг чадагч, хамгийг хайрлагч юм. Бид чухам энэ (дотоод Диваажингийн) Аялгуунаас бүтсэн учраас түүнтэй холбогдмогц зүрх сэтгэл маань амарлингуй, ханамжтай болдог.

Энэ (дотоод Диваажингийн) Аялгууг сонссоны дараа бидний амьдрал бүхэлдээ өөрчлөгдөж, ертөнцийг үзэх үзэл маань тэр чигтээ сайн тал руугаа асар их хувиран өөрчлөгддөг. Энэ шидэт Хэлбэлзэл нь ‘үйлийн үр’ гэж зарим хүн нэрлэдэг “анхдагч нүгэл”-ийн таагүй ул мөр бүхнийг ариусган цэвэрлэдэг. Энэ нь хамаг муу муухай хог новшийг хаман авч оддог их мөрний үер шиг юм. Энэхүү (дотоод Диваажингийн) Аялгуу нь сансар огторгуйн туурвин бүтээгч агуу хүч, хамаг бүхнийг тэжээн тэтгэгч юм. Гаднах ертөнцөд түүний илрэлийг байгалийн салхи, ус, шувуу-хүмүүсийн дуу зэргээс сонсож болно. Энэ бол доод түвшний илрэл нь юм. Гэхдээ үүнээс илүү нарийн өндөр түвшний аялгуу байдаг бөгөөд манай материаллаг ертөнцөөс илүү өндөр давтамжтай хэлбэлздэг учраас бидний бие махбодын чихээр сонсохын аргагүй байдаг.

Эдгээр илүү дээд хэмжээст хүрэх зам (дотоод Диваажингийн) Аялгуунд өөрт нь оршдог бөгөөд бид үүнийг анхдагч эх сурвалж руу нь хүртэл эргэн дагаж очдог юм. Илүү дээд аялгууг сонсож, илүү дээд ертөнцийг харахын тулд бид дээд мэдрэхүйгээ нээж, хөгжүүлэх ёстой. Үүний тулд урдах замаа мэддэг аяллын хөтөчтэй адил Мөрийн Их Багш, замч бидэнд хэрэгтэй. Шашны судар нь газрын зураг адил эдгээр ертөнцүүдийг зөвхөн тодорхойлсон байдаг. Харин тэр газар оронтой жинхэнэ ёсоор танилцахын тулд бид өөрсдөө тийшээ хүрч очих ёстой. Хөтөчтэй бол энэ нь бидний хувьд илүү хурдан, аюулгүй байх болно.”

“Гэрт тань хүргэж өгөхөөр Би ирлээ” номыг дараах хуудаснаас татаж авч болно SMCHBooks.com энэ ном нь араб, аулак (вьетнам), болгар, хятад, чех, англи, франц, герман, грек, унгар, индонез, итали, солонгос, перс, польш, румын, орос, испани, турк зэрэг хэлээр орчуулагдсан юм.