Дэлгэрэнгүй
Татаж авах Docx
Дэлгэрэнгүй уншаарай
Мэдээж бие бол сүнстэйгээ холбоотой хэвээр байгаа. Тийм биш бол та нар үхнэ. Та аль ч түвшинд хүрсэн бай хамаагүй таныг сүнстэй чинь холбодог утас гэж бий. Үхэх үед л энэ нь тасардаг. Харин үхэх хүртлээ бол сүнстэйгээ холбоотой л байдаг. За юу? Тэгээд та нар энд, жишээлбэл Их Багшийнхаа дэргэд байх үедээ бие чинь ойр байгаагийн ачаар өөртөө шингээж авдаг ба тэгээд сүнсээ тэтгэдэг юм. За юу? Тэгээд мэдээж энгийн хүмүүсийн хувьд бол унтах үед нь сүнс нь бас амрахаар гарч явдаг юм. Учир нь бие маш олон зүйл үйлдсэн байдаг. Заримдаа сүнсэнд үүнийг удирдах маш хэцүү байдаг. Тиймээс бид хэрвээ бусад хүмүүсийг зовоох гэх мэт муу зүйл хийвэл бид нэгдмэл бүхэл учраас нөгөө сүнс зовох үед энэ сүнсэнд мөн адил нөлөөлдөг. Тиймээс нөхөн төлөлтийн хууль ёсоор чи тэрхүү нөлөөнд өртсөн сүнсэнд ямар нэг зүйл өгөх ёстой. Тиймээс хэрвээ чи санаандгүй хэн нэгэн дээгүүр дайраад гарсан бол түүнийг эдгээхээр чи төлөх хэрэгтэй болно. Физик хуулиар ийм байдаг, бас сүнслэг талаар ч мөн төстэй. Тийм учраас л бид энэ дэлхийд юу ч хэрэглэсэн бай, ямар нэг зүйл идэх, эд зүйл авах гэх мэт физик хэрэглээ байсан чиг бид буянаа үргэлж хуваалцах ёстой. Тийм болохоор бид маш их зүйл хурааж, маш их идсэн ч хэн ч юу ч хэлэхгүй, гэхдээ бид үүнийг сүнслэг буянаасаа төлөх ёстой. Тиймээс их идэх тусам таньд сайн гэсэн үг биш шүү. Үнэгүй учраас эсвэл чи баян болохоор тэгэх ёстой гэсэн үг биш. Чи өөрийн мөнгөөр авсан ч бай бас төлнө. Ямар нэг байдлаар сүнслэг байдлаар төлнө. Зарим сүнслэг буяны оноо тэр төрөлтөн рүү дэвшихэд нь зориулагдаж очих хэрэгтэй байдаг юм. Ингэж л бүх төрөлтнүүд хувьсан хөгждөг юм. Хараа биз? Бид ахиухан бясалгах нь дээр, тэгвэл бид угаасаа л их сүнслэг буян хураана. Тэгвэл бид хоол хүнс ба өөр зүйлд зарцууллаа ч эсвэл бусдыг санамсаргүй хохироочихвол өөрөө нөхөхөд хангалттай буян байж л байх болно. Жишээлбэл, чамд осол тохиолдоод сүнс биеийг чинь орхиод явлаа гэж үзье. Тэгээд ямар нэг өвдөлт байвал тэр бол ердөө л тархи, мэдрэлийн физик хариу үйлдэл юм. Сүнс явчихсан байдаг. Тиймээс хүмүүс бараг өвдөлт мэдэрдэггүй. Ихэнхдээ хүмүүс хэт их, бүр хэт их нүгэлтэй биш л байвал тэд үхэхдээ ямар нэг өвдөлт мэдэрдэггүй. Эсвэл хэрэв тэдэнд ямар нэг осол тохиолдвол тэд тийм их өвдөлт мэдэрдэггүй. Учир нь сүнс биений өвдөлтийг багасгахаар орхиж явдаг. Мөн бид маш хүнд дарамттай ямар нэг зүйл хийхэд сүнс бас орхиж явдаг. Эсвэл хэт их өвдөлт өгсөн үед та ухаан алддаг. Сүнс орхиж явснаас тэр. Сүнс тэр давчуухан газар, тэр их өвчтэй биед, өвчтэй багаж дотор байхыг хүсдэггүй. Тиймээс сүнс эрх чөлөөтэй, гэсэн ч бид сайн харилцаатай байх хэрэгтэй. Махан биендээ байж байгаа дээрээ бид Бурхантай улам их холбоотой байх хэрэгтэй. Ингэвэл сүнс аз жаргалтай байж дээшээ явдаг. Сүнс дээшээ явж чадвал мөн тэндээсээ сүнслэг шим тэжээлээ авдаг юм. Дан ганц биеийн холбоосоор бус, дээр буй диваажинтай холбоо тогтоосон сүнсээрээ дамжуулж. Бие бол зүгээр л үйлийн үрийн өгөө авааг үйлдэхэд, мөн сүнслэг адислалыг өгөх авахад хэрэгтэй. Тиймээс таньд өөрт чинь дэвшсэн гэж санагдахгүй байлаа ч бие тань бурхны адислалын эх сурвалжийн ойролцоо байгаа бол биеэнд тань ч бас сайхан байдаг. Тархи мөн амарч, сайхан болдог ба тэр үед бас илааршилт явагддаг юм.
