Дэлгэрэнгүй
Татаж авах Docx
Дэлгэрэнгүй уншаарай
Бүгдээрээ сайн байцгаана уу, хүндэт сайхан сэтгэлтнүүд минь? Та бүхэн намайг дэлхий дахинд хандан яриач гэж хүсэлт тавьсан. За яах вэ, би хичээгээд үзье. Хичээе, гэхдээ... Миний ярих зүйлсийг ихэнх хүн сонсохыг хүсэхгүй л болов уу. Гэсэн хэдий ч боломжтой бол би та бүхний ямар ч хүсэлтийг биелүүлнэ гэж хэлсэн. Та нар миний Бурханы шавь нар учраас за, би хичээе. Үр дүн нь ямар байхыг мэдэхгүй. Энэ намайг бүр ч их асуудалд оруулж магадгүй. Илүү олон дайсныг өдөөж мэднэ. Энэ нь миний амь насанд одоо байгаагаас ч илүү их заналхийлэл авчирч мэднэ. Хэрэв та бүхэн санаа зовж байгаа бол би зүгээр ээ. Би зүгээр байна. Ядаж л миний дууг сонсохыг ихэд хүссэн Бурханы шавь та нарынхаа төлөө би ямар нэг зүйл ярья.Дэлхийг нийтээр нь хамарсан зүйл ярилцацгаая. Бид өдөр болгон энх тайван, аз жаргал эрүүл мэнд, элбэг дэлбэг байдлын төлөө залбирдаг. Гэтэл бид үүнийхээ яг эсрэгээр хийдэг. Биднээс болж гол мөрөн ширгэж байна. Биднээс болж уул нуруу нурж, хөрсний гулсалт үүсэж байна. Бид өөрсдөө догшин шуурга, хар салхи, цунами, газар хөдлөлт зэргийг өдөөж, тэрхүү гамшиг нь хөгшин залуу гэлтгүй хүмүүсийг, амьтан-хүмүүс, уул ус, ой мод, далай тэнгис, нуур, гол мөрөн, хайртай бүхнийг маань, итгэл бишрэл, ёс суртахууныг маань үгүй хийж байна.Бид дайнд хохирогчдод санаа зовдог. Украин (Урейн)-д болж буй одоогийн дайн дэлхий дахинд ч, мөн мэдээж миний хувьд ч ихээхэн шаналал болж байна. Украин (Урейн)-ы дайны талаарх шаналлаа илэрхийлэх үг олдохгүй байна. Мөн олон зуун мянган орос цэрэг амь үрэгдэж, бас олон зуун мянган украин (урейн) иргэн ямар ч утга учиргүйгээр, ямар ч үр дүнд хүрэлгүйгээр амь үрэгдэж, одоо ч улам ихээр амь эрсэдсээр байгаад бид санаа зовж байна. Бид тэдний төлөө шаналж, тэдний төлөө залбирч байна. Харин сүйтгэгч, аллага дагуулсан дайн одоо болтол дуусаагүй л байна. Би маш их шаналснаасаа болж энэ тэрийг болон элдэв янзын бусад олон хүчин зүйлийг буруутгаж уйлдаг байсан. Одоо би хэнийг ч буруутгахаа больсон. Учир нь дайны өдөөгчдийг, зовлонг бий болгогчдыг буруутгасан ч дотоод сэтгэлдээ би энэ бүгдийг хамтын үйлийн үр гэдгийг мэднэ. Амь хөнөөсөн үйлийн үр яг л бид хэрэглэхээ больсон хог хаягдлаа дахин боловсруулж, эсвэл устгадаг шиг ямар ч ул мөргүй болтлоо төлөгдөж, ариусгагдах ёстой байдаг.Мэдээж бид тэдний төлөө залбирч буй нь сайн хэрэг. Мөн дайн дуусаасай гэж бид Бурханд залбирдаг. Тэгснээр хүмүүс буцаад энгийн амьдралдаа орж, улс орныхоо төлөө болон дэлхий нийтийн төлөө илүү үр бүтээлтэй байх болно. Гэтэл бид нэг юм мартсан байна. Ямар нэг улс орны оролцоотой, оролцоогүй, хэт туйлшрагчид, террористууд гэх мэтийн оролцоотой, оролцоогүй манай дэлхийд дайн болсоор байгааг бид мартчихжээ. Бид өдөр бүр дайн хийж байна. Энэ бол бодит үнэн. Бид хөөрхий амьтдын аймгийнхантай, тэр ч байтугай хэвлий дэх үр хүүхэд, урагтайгаа дайтаж байна. Энэ дайнаа зогсоо. Энэ дайныг зогсоож гэмээ нь бүх дайн эцэс болно! Тэгвэл жинхэнэ мөнхийн амар амгаланг цогцлоож чадна. Энэ дэлхийд маань олон зовлон бэрхшээл байгаа ч хэрэв бид энэрэнгүй сэтгэлийн эрч хүчийг түгээж чадвал сөрөг бүхэн хайлж үгүй болох болно. “Хайр муу муухай бүхнийг илаарьшуулан арилгадаг.” хэмээн Хайрын Дарь Эх бидэнд эрт дээр хэлж байсныг санаарай.Дөрвөн жил үргэлжилсэн том дайн олон зуун мянган цэрэг, хөндлөнгийн гэмгүй хүмүүсийн аминд хүрч, бид тэдний төлөө гашуудаж байна. Гэтэл үүнээс илүү том дайнууд болж байдаг. Хэрэв та нар мэдээгүй бол, эсвэл мартчихсан бол би сануулъя: Жил бүр ойролцоогоор 73, илүү ч байж мэднэ, 73 сая хүмүүн үхдэг. Энэ нь өдөрт ойролцоогоор 200 мянга юм! Харин энэ талаар ямар ч арга хэмжээ авдаггүй, авсан ч маш бага. Энэ бол 73 сая гэмгүй үрс, удахгүй төрөх байсан хүүхэд, хүн болох байсан ургууд, хүн төрөлхтөнд, хүмүүсийн оршин тогтнол, гараг дэлхийн хөгжил дэвшилд аугаа хувь нэмэр, ядаж л сайн хувь нэмэр оруулж болох байсан ургууд юм. Гэтэл бид энэ тухай нэг их юм бодохгүй энэ дайныг хийсээр байна. Дээрээс нь дэлхийн улс орнуудын хууль гэгдэх заалтууд үүнийг дэмжин өөгшүүлж, бүр татвар төлөгчдийн хөлсөө урсгаж олсон мөнгөөр санхүүжүүлдэг. Гэтэл тэдний ард иргэд гудамжинд хонож, цасанд дарагдаж, ямар ч асрал халамжгүй үхэж байдаг. Мөн аль ч улс орон ялгаагүй нядалгааны газруудаас цусан гол урссаар л байна. Мөн л энэ улс орнуудын нядалгааны газрууд ясан уул босгосоор, овоолсоор байна. Гэтэл уулс толгод маань хөрсний гулсалтад өртөж, нурсаар, хүмүүсийг эд хөрөнгөтэй нь дарж булж, хаа сайгүй өнчин, бэлэвсэн, тахир дутуу хүмүүс бий болсоор байна.Би ярилгүй нэлээд уджээ, ингэж их ярилгүй удаж. Тиймээс өнөөдөр яриа минь тийм ч жигд бус байгаад уучлаарай. Хүлээцтэй байгаарай. Бурхан намайг та нартай ахиж ярихыг зөвшөөрөхгүй байж мэднэ гэж зовж байсан юм. Гэхдээ өнөөдөр би зүгээр л ярьчихлаа. Бурханаас зөвшөөрөл хүссэн л дээ. Хариулт нь тодорхойгүй.Photo Caption: Хамгаалагч Хайрын төлөө Аугаа Бурханы Авралд Багт
