Дэлгэрэнгүй
Татаж авах Docx
Дэлгэрэнгүй уншаарай
Энэ дугаарт оролцогчдын тавьсан асуултаар дамжуулан Төгс Гэгээрсэн Их Багш Чин Хай хэвлэл мэдээлэл, боловсрол, жирийн иргэдийн санаачилгууд нь энэрэнгүй амьдралын талаарх мэдлэгийг хэрхэн дэмжиж болохыг тайлбарласан юм.(Бид ямар сонирхолтой яриа, хэлэлцүүлэг өрнүүлж байна вэ. Дэлхийн хүн бүр энэ хэлэлцүүлгийг сонсож чаддаг сан бол.Хэлэлцүүлгээ үргэлжлүүлэх зуур, Лайонел Фридберг ээ, сүнслэг байдал, хувьслын энэ асуудлын талаар, бид амьд үлдэхийн тулд бусад амьдралыг ариун нандин гэж үзэх шаардлагын талаар Төгс Гэгээрсэн Их Багшаас асуух өөр асуулт танд байна уу?)Би Танаас үзэгчдэдээ зориулсан санал хүсэлт сонсмоор байна: Бид энэ мэдээг хүмүүст үнэхээр хүргэж чадаж байна уу? Хэрэв тийм бол үүнийг хэрхэн улам өргөжүүлж болох вэ? Суприм Мастер Телевиз бол гайхалтай байгууллага гэж би боддог, Таны хийж буй зүйлийг зүрх сэтгэлийнхээ гүнээс магтмаар байна. Үүнийг дэлхийд, нийгэмд хэрхэн илүү түгээж чадах вэ? Бид илүү олон хүнд хэрхэн хүрэх вэ? Та энэ талаар бидэнд зөвлөгөө өгч болох уу?)Master: Надад итгэсэнд баярлалаа, эрхэм ээ. Бид зүгээр л чадах бүхнээ хийж байна. Зөвхөн телевизээр ч бус, Нийгэмлэгийн хүмүүс ч мөн бүх хүчээ дайчилж байна, тэд дэлхийн дулаарал, SOS, веган хооллолт гэх өөр амьдралын хэв маягийн тухай мэдээлэл агуулсан хэдэн мянга, хэдэн зуун мянга, сая сая ухуулах хуудас хэвлэж байна. Тэд автобусанд, галт тэргэнд, ресторанд гээд хаашаа ч явсан халаас, гар цүнхэндээ ухуулах хуудас авч яваад тараадаг. Би ч өөрөө гадагш гарах болгондоо ингэж хийдэг. Тэгээд тохиромжтой нөхцөл харагдвал SOS болон веган хоолны тухай зурагт хуудас бас тараадаг.Мөн өнөө үед бидэнд и-мэйл байна, интернэт байна, бид чадах бүхнээ хийж байна. Өөр арга одоогоор би санал болгож чадахгүй. Таны одоо хийж байгаа зүйл үнэхээр гайхамшигтай, доктор Таттлын хийсээр ирсэн зүйл гайхамшигтай. Тэр ном бичсэн. Зарим хүмүүс ном бичсэн. Зарим нь телевизээр гардаг. Зарим нь радиогоор ярьдаг. Зарим нь сонинд өгүүлэл бичдэг. Зарим нь гадагш гарч ухуулах хуудас тараадаг. Зарим нь веган хоол болон манай гарагийн яаралтай нөхцөл байдлын талаар мэдээлэл цуглуулаад, боломжтой бүх хүндээ өгдөг. Одоогоор бидний хийж чадах зүйл ердөө энэ л байна, эрхэм ээ. Эсвэл, миний бодлоор бид онгоц хөлслөөд агаарт нисэж, ухуулах хуудаснуудыг хаа сайгүй цацаж болно. Эсвэл өөр юу хийх ёстой гэж та бодож байна вэ? Магадгүй танд илүү сайн санаа байгаа байх.Засгийн газрууд оролцох ёстой. Хэвлэл мэдээлэл оролцох ёстой. Учир нь веган хоол нь албан ёсны байх хэрэгтэй. Веган нь яг одоо нийгмийн жишиг байх учиртай, манай гарагийн төлөөх албан ёсны шийдэл, нэн даруй хэрэгжүүлэх ёстой шийдэл, даруй үр дүн өгөх арга хэмжээ байх ёстой. Засгийн газар, хэвлэл мэдээллийн хэрэгслээс туслахыг хүсье.Ямартай ч, бид чадах бүх аргаар түгээх болно. Учир нь засгийн газар, хэвлэл мэдээлэл бидэнтэй нэгдэхгүй бол бидний хүч багадаж, магадгүй удаашрах байх. Гэхдээ бид хийсээр байх болно. Бид хүн нэг бүрийн хувьд чадах бүхнээ хийдэг. Гадаа байгаа бүх веган хүмүүс ээ, гарагийн яаралтай байдлын тухай, мөн веган хоол нь гарагийг аврахад ямар ашиг тустай талаар аливаа тараах хуудсыг зүгээр л хэвлээд тараагаарай. Үүнийг хийгээрэй. Дахиж бүү санаа зов, бүү ич. Одоо цаг нь болсон. Та веган гэдгээрээ бардахыг хүсэхгүй байгааг тань би мэднэ, гэхдээ яагаад болохгүй гэж? Энэ бол эрхэм дээд амьдралын хэв маяг. (Ийм оновчтой зөвлөгөө өгсөнд баярлалаа, Төгс Гэгээрсэн Их Багш аа.) Баярлалаа, эрхэм ээ.(За, Төгс Гэгээрсэн Их Багшийн үгийг сонсох үнэхээр сайхан байлаа. Өнөөдөр энд цугласан гайхамшигтай оролцогчдыг сонсож, энэ бүхнийг тунгаан бодож байхад, бид энд хувьсал, энэрэл, нинжин сэтгэлийг уриалж байгаа хэдий ч, харамсалтай нь улсын ихэнх хүмүүс гамбургерын зар сурталчилгаанд тархиа угаалгаж, улам их мах идэхэд дасаж байна гэсэн бодол төрж байна.) Тийм ээ. (Тэгэхээр дэлхийн дулаарал болон холестерин ихтэй хооллолтын эрүүл мэндэд үзүүлэх нөлөөний талаар бидний мэдэж буй бүхнийг харгалзан, голлох хэвлэл мэдээллийн хэрэгсэл эрүүл хооллолтыг сурталчилдаг болгохын тулд тэдний хандлагыг хэрхэн өөрчлөх талаар Төгс Гэгээрсэн Их Багш туршлага, мэргэн ухаанаасаа хуваалцана гэж найдаж байна. Энэ асуудалд голлох хэвлэл мэдээллийг хэрхэн шударгаар ханддаг болгож, үүнийг үл тоомсорлохгүй, доог тохуу хийхгүй байлгах вэ?)Тийм ээ, Жэйн, би ч гэсэн яг үүнийг өөрөөсөө асууж байсан. Гэхдээ та ойлгож байгаа биз дээ, хэвлэл мэдээллийг заримдаа, эсвэл бүр ихэвчлэн томоохон хувь нийлүүлсэн компаниуд хянадаг гэж надад хэн нэгэн хэлсэн. Заримдаа бүр тэдгээр нь (амьтан-хүний) махны корпорацууд байдаг. Тиймээс бид эдгээр дарга гэгддэг хүмүүст шууд хандаж болно, тэдэнтэй биечлэн уулзах, ярилцах, эсвэл и-мэйл илгээх, ухуулах хуудас өгөх замаар бид үндэснээс нь өөрчилнө. Тэгээд дарга нар өөрчлөгдвөл, магадгүй ажилтнууд нь ч өөрчлөгдөнө.Мөн сэтгүүлч, сурвалжлагч, хэвлэл мэдээллийн ажилтнууд ард түмэнд мэдээлэл хүргэдэг эрхэм үүргээ санана гэж найдаж байна. Хүмүүс сонин худалдаж авдгийн учир нь тэр. хүмүүс телевиз үздэгийн учир нь тэр. Учир нь өдөр тутмын амьдралдаа хүн бүр маш завгүй, амьжиргаагаа залгуулах гээд завгүй байдаг. Тиймээс тэд дэлхий дээр юу болж байгааг өөрсдөд нь мэдээлнэ гэж энэ эрхэм сэтгүүл зүйд найддаг. Мөн тэд өөрсдийнх нь төлөө энэ ажлыг хийж, зөв ашигтай зүгт чиглүүлнэ хэмээн засгийн газартаа найддаг.За, амьдрал маань ямар үнэ цэнтэй вэ, мөн бид энэ үнэ цэнтэй амьдралд үнэндээ хэрхэн хандаж байна вэ гэдгийг мэдэхийг хүсэж байгаа хүмүүс байж магадгүй тул би та бүхэнд маш товч мэдээлэл өгье. Та нарын зарим нь үүний заримыг хэдийнээ мэдэж байгаа байх, харин зарим нь мэдэхгүй байж магадгүй. Гадаа байгаа зарим хүмүүс мэдэхгүй. Тиймээс би (амьтан-хүний) махан хооллолт бидний амьдралд ямар өртөгтэй байдаг талаар та бүхэнд мэдээлэл өгье. Амь насыг хохироохоос гадна, энэ нь татвар төлөгчдийн маш их мөнгийг бас үрж байна. Тэгээд бид энэ бүхнийг төлчхөөд, ямар ч гомдолгүй байгаад би гайхаж байна. Хөлс хүч шавхан олсон мөнгө зүгээр л хий дэмий урсаж байна.Пенсильванийн Их Сургууль, Өвчний хяналт, урьдчилан сэргийлэх төвүүд, доктор Колин Кэмпбеллийн мэдээлсний дагуу, эдгээр гурван эх сурвалжийн хэлснээр, зөвхөн (амьтан-хүний) махнаас болж өвчилсөн хүмүүсийг эмчлэх (амьтан-хүний) махны эрүүл мэндийн зардал дангаараа АНУ-д жил бүр ойролцоогоор 120-150 тэрбум ам.доллар байдаг, зөвхөн махтай холбоотой өвчнийг эмчлэхэд шүү дээ. Бид (амьтан-хүний) мах идээд өвчилж, дараа нь татвар төлөхөөр шаргуу ажиллаж, эмнэлэгт очиж, зүсүүлж, хатгуулж, тариулж байдаг нь амьдралдаа хэрхэн хандаж байгааг маань харуулж байна.За, одоо тамхинаас үүдэлтэй эрүүл мэндийн асуудлыг эмчлэх жил тутмын тамхины зардал. Зөвхөн АНУ-д дангаараа 96 тэрбум ам.доллар.Согтууруулах ундаатай холбоотой өвчлөлийн зардал зөвхөн АНУ-д 186.4 тэрбум ам.доллар. Одоог хүртэл бүгд тэрбумаар хэмжигдэж байна. АНУ-д хар тамхитай холбоотой асуудлын жилийн зардал 181 тэрбум ам.доллар. Харин одоо АНУ-ын дайны жилийн зардал одоогоор 192 тэрбум ам.доллар байна. Бүгдийг нь нийлүүлээд үзээрэй.Энэ бүхэн бол та бүхний мөнгө – зүгээр л урсаад алга болж байна. Энэ бүх мэдээлэл нь Дэлхийн Эрүүл Мэндийн Байгууллагын мэдэгдэл, Цагаан ордны хар тамхины хяналтын бодлогын талаарх мэдэгдэл, АНУ-ын Конгрессын Зэвсгийн Хяналт, Үл дэлгэрүүлэх газрын судалгаанаас авсан болно. Энэ миний гаргасан зүйл биш. Дайны зардал гэдэг нь одоохондоо зөвхөн зэвсгийн тухай ярьж буй бөгөөд хохирол, сэргээн босголт, шархадсан алба хаагчид, цэргүүд, мөн гэмгүй энгийн иргэдэд туслах зардал гэх мэттэй огт холбоогүй.Тэгэхээр энэ үнэхээр дэндүү их байна. Бид амьдралаа хэр их нандигнадаг, урт наслахыг хүсдэг, эрүүл байхыг хүсдэг, амьдралдаа ямар их хайртайгаа бодоход л, үнэндээ хэн ч үхэхийг хүсдэггүй, хэн ч өвдөхийг хүсдэггүй, гэтэл бид амьдралдаа хэрхэн хандаж байгаагаа хар даа. Бид бие махбодын тогтолцоогоо (амьтан-хүний) мах, тамхи, архи, хар тамхи, бас дайнаар хүртэл хордуулж байна. Энэ бол бидэнд заяасан энэ үнэ цэнтэй амьдралдаа хандах ёстой арга биш. Бид амьдралд хайртай гэж хэлэх тусам, эдгээр бүх баримтыг харж, чигээ өөрчлөх ёстой. Би одоохондоо сүнслэг байдлын тухай яриагүй байна. Энэ бол зөвхөн Бурханы үнэт сүм болсон бие махбоддоо бидний оруулж ирсэн бүх хоруудын өртөг зардлын тухай юм. Хүмүүс яаж энэ тухай боддоггүй байна вэ гэж би гайхаж байна.Амь насыг хамгаалах, эрүүл мэндийг хамгаалах, ард түмний эрүүл мэндийг хамгаалах бүх төрлийн урьдчилан сэргийлэх тогтолцооны тухай хэчнээн яриад ч, хэрэв бид биеэ (амьтан-хүний) мах, тамхи, архи, хар тамхиар хордуулсаар, бас дайн хийсээр байвал энэ бүхэн ямар ч үр дүнгүй. Учир нь энэ бүх мөнгө дэмий үрэгдэж байна. Хэрэв энэ бүх мөнгийг илүү сайн боловсролд, ядуу буурай хүмүүст туслахад, илүү сайн сургууль барихад, хүн бүрд илүү сайн мэдээлэл хүргэхэд, хөгжлийн бэрхшээлтэй хүмүүст, хүнд өвчтэй хүүхдүүдэд туслахад, эмчилгээний судалгаа зэрэгт зарцуулсан бол АНУ-ын иргэн бүр илүү сайхан амьдрах боломжтой байх байсан.Мөн энэ чиг хандлага үргэлжилсээр байна. Нэг порц (үхэр-хүний) маханд 1,200 галлон цэвэр сайн ус зарцуулдаг. Нэг порц (тахиа-хүний) маханд 330 галлон цэвэр сайн ус зарцуулдаг. Харин будаа, талх, уураг ихтэй дүпү, хүнсний ногоо орсон бүрэн веган нэг хоолонд ердөө 98 галлон ус л ордог.Одоо бид дэлхийн хаа сайгүй усны хомсдолын талаар гомдоллож байна. Бид хүнсний хомсдолын талаар гомдоллож байна. Бид оронд нь үр тарианы 90%-ийг амьтан(-хүмүүс)-т тэжээл болгон ашиглачхаад, 862 сая хүнийг өлсгөлөн орхиж байна. Энэ нь зөвхөн 2008 оны үзүүлэлт. Бидний мал аж ахуйд хэрэглэж буй тэр үр тариагаар хоёр тэрбум хүнийг хооллож болно. Одоо байгаа дэлхийн өлсгөлөнд нэрвэгдсэн хүмүүсийг хэд дахин хангалттай тэжээж болно. Тиймээс өөрт буй бүх оюун ухаанаараа ч би үнэхээр ойлгохгүй байна. Бид ямар төрлийн дэлхийд амьдарч байгааг, ямар бодлогыг дагаж буйг, амьтан-(хүмүүс)-ийн тухай бүр ярилгүйгээр, өөрсдөдөө болон бусад төрөл нэгтнүүдээ, ямар энэрэл үзүүлж байна вэ гэдгийг хэн нэгэн надад тайлбарлаад өгөөч? Учир нь бид өөрсдийн төрөл зүйлээ ч хайрлаж чадахгүй байна. Тиймээс амьтан(-хүмүүс)-ийг хэрхэн хайрлахыг ойлгох нь мэдээж олон хүнд бүр ч ойлгомжгүй байх болно. Одоо та нар яагаад гэдгийг мэдлээ.Photo Caption: “Хайраар Алхагчийн Хөлд Хүрэх Хайр”
