Дэвшсэн Их Багш нарын Гэрэл: Дэвшсэн Их Багш Сен-Жермен (цагаан хоолтон)-ий ‘Илчлэгдсэн нууцууд’-аас, нэвтрүүлгийн 2-ын 1-р хэсгийг

Өнөөдөр бид Годфре Рей Кингийн “Илчлэгдсэн нууцууд” номоос, Сен-Жермен (цагаан хоолтон) эрхэм Баллардад эртний Инка соёл иргэншил дэх Дэвшсэн Их Багшийн Бурханлаг Хайрын Гэрэлт Мөн чанарын талаар тайлбарласан сургаалаас толилуулж буйдаа баяртай байна.

5-Р БҮЛЭГ Инкагийн дурсамжууд

“Дэвшсэн Их Багш бол өөрийн ухамсарт хичээл зүтгэлээрээ хүн төрөлхтний бүх хязгаарлалтын гинжийг таслахад хангалттай дотоодынхоо Хайр, Хүчийг бий болгосон хүн бөгөөд ингэснээр Тэрээр чөлөөлөгдөж, хүмүүний эдгээр ​​​​туршлагаас хэтийдсэн хүчийг ашиглах итгэл хүндэтгэлийг хүлээсэн байдаг. Тэр өөрийгөө Хаа сайгүй оршигч БУРХАН-ы ‘Амь’-тай ‘Нэг’ гэж мэдэрдэг. Тиймээс бүх хүч, юмс Түүний тушаалыг дагадаг. Учир нь Тэр бол Өөрийн доторх 'Гэрэл'-ийг удирдан залах замаар бүхнийг хянадаг чөлөөт хүсэл зоригтой Өөрийн Ухамсарт Оршихуй юм.

Энэхүү ‘Гэрэл’ буюу үнэндээ өөрийнхөө ‘Тэнгэрлэг Хайрын Гэрэлт Мөн чанар’-ын цацраг буюу цутгалаар дамжуулан Дэвшсэн Их Багш өөрийнхөө асрамж, удирдлага дор орших хүмүүст тусалж чаддаг.

Шавьд ийм цутгалан ирэх үед түүний Дотоод биес нь, өөрөөр хэлбэл, сэтгэл хөдлөл, оюун ухаан, учир шалтгааны биес нь Их Багшийн Гэрэлт Мөн чанарыг шингээж, тэдгээрийн доторх ‘Гэрэл’ нь дөлийг бадраадаг оч адил гэрэлтэж, тэлдэг.

Энэхүү ‘Гэрэлт Мөн чанар’ нь дотооддоо Орчлон ертөнцийн Хамгийн Дээд Хүчийг агуулдаг бөгөөд энэ нь бүх зөрчилдөөнийг уусган арилгаж, бүх илрэлд Төгс Тэнцвэрийг тогтоодог. Дэвшсэн Их Багшийн Лагшин нь дэлхийн зөрчилдөөн дээр ‘Гэрлийн Мөн чанар’-ынхаа Туяаг байнга цацруулж, бидний биет нарны гэрэл, дулаан гэж нэрлэдэг хүчний туяа мананг уусган арилгадаг шиг тэдгээрийг уусган арилгадаг.

Тэдний Дэлхийн хүн төрөлхтөн рүү цацруулж буй Цацраг нь ухамсартайгаар татагдсан энерги бөгөөд тэдгээр нь шинж чанар өгч, тодорхой үр дүнд хүрэхийн тулд дахин илгээдэг. Ийм байдлаар Тэд хүмүүс, газар нутаг, нөхцөл байдал, эд зүйлсийг мянга мянган удаа хамгаалсаар байдаг. Харин хүн төрөлхтөн үүнийг огт анзааралгүй, өөрсдийн Хамгаалагч, Ивээгчдийнхээ тухай ухамсарлалгүйгээр тогтсон замаа тайван үргэлжлүүлэн туулсаар байдаг.

Ийм төрлийн үйл ажиллагаанд Дэвшсэн Их Багш нар хувцсаа сольдог шиг л оршин буй бие махбодоо өөрчлөх чадвартай байдаг. Учир нь эсийн бүтэц үргэлж ухамсартайгаар хянагдаж, атом бүр Тэдний хамгийн өчүүхэн зааврыг ч дагадаг. Хэрэв Тэдний хийхийг хүссэн ажилд нь шаардлагатай бол Тэд нэг юм уу хэд хэдэн биеийг чөлөөтэй ашигладаг. Учир нь Тэдний атомын биетийг эвлүүлэх, эсвэл задлах чадвар хязгааргүй юм. Тэд бол Байгалийн хүчний Бүх Бодис, Энергийн Бүхнийг Чадагч Илэрхийлэл бөгөөд энэ нь дөрвөн элемент нь Тэдний тааллыг дагадаг, дуулгавартай зарц нар гэсэн үг юм.

Хувьсан өөрчлөгдөж буй хүн төрөлхтнийг хамгаалж, тусалдаг эдгээр Суу Алдарт Оршихуйг Хайр, Гэрэл, Төгс Төгөлдрийн Дэвшсэн Их Багш нар гэж нэрлэдэг. Тэд бүгд Дотоодын БУРХАН Чанарын Хайр, Билиг ухаан, Хүч чадлыг гаргаж ирснээр хүмүүний бүх шинж чанарыг Захирч чаддаг тул Их Багш гэдэг үгийн утга учир болдог. Тиймээс Тэд хүний ​​дээр орших дараагийн илэрхийлэл болох Супер хүний ​​Бурханлаг Чанарын Цэвэр ариун, Мөнхийн, Бүхнийг Чадагч ‘Төгс Төгөлдөр’ чанар луу ‘Дээш дэвшсэн’ билээ.

Дэлхийн хүн төрөлхтөн мэдлэггүй байдал, хязгаарлалтынхаа улмаас Есүс болон бусад олон Дэвшсэн Их Багш нарын талаар шүүмжлэлтэй хандаж, янз бүрийн санал бодлоо илэрхийлэх нь олонтоо. Энэ дадал бол тэдний автаж, хамгийн их дөнгөлөгддөг зүйлсийн нэг юм. Учир нь ийм үйл ажиллагаанд ийм байдлаар илгээсэн шүүмжлэл, шүүлт нь зүгээр л үүсгэгч рүүгээ буцаж ирдэг бөгөөд ингэснээр хүн төрөлхтөн өөрөө бүтээсэн зовлон, хязгаарлалттайгаа улам чанга хүлэгддэг. Хуулийн үйлчлэл нь Дэвшсэн Их Багш нар хүний ​​хязгаарлалтаас өөрсдийгөө чөлөөлсний дараа ямар ч хүний зөрчилдөөний бодол нь орж чадахааргүй Гэрлийн Дүрэлзсэн Цутгал болдогт оршино. Энэ нь бүх хор хөнөөлтэй бодол санаа, мэдрэмжийг илгээгч рүү нь буцааж, түүнийг өөрийн бүтээлийнх нь гинжин хэлхээнд улам нягт хүлэгдэхэд хүргэдэг.

Хэрэв хүмүүс өөрсдийн бодол, мэдрэмж, үгс нь агаар мандалд цацагдаж, эфирт очоод, ижил төрлийн зүйлсийг улам бүр хуримтлуулж, эргэн ирэхийг харж чаддаг сан бол тэд зөвхөн төрүүлж буй зүйлдээ гайхан цочирдоод зогсохгүй, ангижрахын тулд аврал эрэн хашхирч, ийм бүтээлийг оюун ухаанаасаа арчихаас өөр ямар ч шалтгаангүйгээр өөрсдийн Бурханлаг чанартай бүрэн шийдэмгий нүүр тулж, түүнд нэвтрэх байсан биз ээ. Бодол санаа, мэдрэмж бол амьд, лугшиж буй зүйлс юм. Үүнийг мэддэг хүн билиг ухаанаа ашиглаж, өөрийгөө хянах болно.

Есүс бол энэ дэлхийд туршлага хуримтлуулж буй хүн төрөлхтний чиглүүлэгч ба энэ нь хүн төрөлтөн бүрийн дотоодын Агуу БУРХАН Чанар нь хувийн болон гадаад би-д ямар байр суурь эзэлдэгтэй адил юм. Тэрээр Их Багшийн Загварыг гадаад ертөнцөд илчилсэн бөгөөд хүн төрөлхтөн бүрэн эв найртай, эрх чөлөөтэй оршин тогтнох анхны нөхцөлд анх зориулагдсан байсанчлан бүх хязгаарлалтаас өөрийгөө чөлөөлж, Бурханлаг чанарыг илэрхийлэх хувь хүний ​​чадварын Амьд Нотолгоо байсаар байна.

Дэлхийн жирийн олон түмнээс амьдрал болон Орчлон ертөнцийн хуулиудыг илүү гүн гүнзгий судалдаг зарим хүмүүс нь Дэвшсэн Их Багш нар байдаг гэдгийг мэдэх үед тэд ихэвчлэн эдгээр Агуу Хүмүүст хандан удирдамж авахыг хүсдэг. Хэдийгээр олон тохиолдолд энэ нь дотоод дахь сүнсний Агуу Гэрэл рүү чиглэсэн ухамсаргүй номлол боловч хувийн би нь Бүрэн дүүрэн Бурханлаг Агуу Оршихуйтай ямар холбоотой болохыг багахан хүн л ойлгодог.

Машид чин сэтгэлтэй, тууштай шавь Тэдний нэгтэй холбоо тогтоох арга зам байж болох ч энэ нь зөвхөн хангалттай хайр, зан чанарын сахилга батын үйл ажиллагаагаар л боломжтой юм. Хэрэв ийм холбоо тогтоох сэдэл нь сониуч занг хангах, зүгээр л асуудлыг шийдэх, эсвэл хувь хүний эргэлзээг ойлгуулахын тулд Дэвшсэн Их Багш нарын оршнолыг нотлох юм уу, үгүйсгэх талаар бодох юм бол энэ нь хэзээ ч биелэхгүй гэдэгт итгэлтэй байж болно. Учир нь Дэвшсэн Их Багш нар хэзээ ч ямар ч шавийн хүний ​​​​талыг хангах талаар санаа тавьдаггүй. Тэдний бүх хүчин чармайлт нь Дотоодын БУРХАН Чанарыг тэлэхтэй холбоотой бөгөөд ингэснээр Түүний Хүч нь хүний ​​​​биед орших хязгаарлалтыг эвдэх хангалттай хүчээр суллагддаг, харин энэ нь түүнд оюун ухааны, сэтгэл хөдлөлийн, биет ертөнцүүдэд ашиглах Төгс Бие махбодыг өгдөггүй. Эдгээр нь бодол санаа, мэдрэмж, үйлдлийн орон билээ.”