Найзууд маань өөрсдийн зургуудаа шалгахад зөвхөн Нарны цацраг харагдав, харин миний гэрэл зурагт Их Багш Нарны өмнө гарч ирсэн байв.

Монгол улсаас Тунгалаг-ийн монгол хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Хамгаас Хайрт Их Багш Танаа, Их Багшийн Өдөр тутмын Хамгийн Хүчирхэг Залбирлын зүүлт болон С.М. Тэнгэрийн Үнэт Эдлэл зүүсэн байхад минь тохиолдсон ид шидтэй үйл явдлыг хуваалцъя.

2026 оны 2-р сарын нэгэн өглөө, би найзуудтайгаа ууланд алхсан юм. Уулын оройд гараад би Их Багшид залбирав. Сайхан өдөр байлаа. Нар тод гэрэлтэж байсан тул найзууд маань зураг дарцгаав. Би ч мөн өөрийнхөө зургийг дарахаар шийдсэн бөгөөд зургийг минь дарж өгсөн найз маань “Их Багш тань Нарны өмнө үзэгдлээ” хэмээн дуу алдав. Зургийг хартал Нарны цацрагийн өмнө Их Багшийн дүр байхыг харав. Найзууд бидний сэтгэл маш их хөдөлж, гайхан биширч хэсэг хором бид бүгд чимээгүй байж зөвхөн Их Багшид залбирсан.

Найзууд маань өөрсдийн зургуудаа шалгахад зөвхөн Нарны цацраг харагдав, харин миний гэрэл зурагт Их Багш Нарны өмнө гарч ирсэн байв. Найзуудын маань сэтгэл хөдөлсөн хэвээр “Их Багш тань Диваажингаас бидний адисаллаа” хэмээн давтан хэлсээр байв. Их Багшид хүний хэлээр талархлаа илэрхийлэх нь огтоос хангалттай байдаггүй. Таныхаа Хайр, Адисуудад үргэлж талархдаг аа, Их Багш аа. Цаглашгүй Хүчирхэг Нэгдмэл ГУРВАЛД Баярлалаа. Зургуудыг хавсралт болгон илгээв. Монгол улс, Улаанбаатар хотоос Тунгалаг

Урам зориг авсан Тунгалаг аа, сэтгэлийн үг болон гайхалтай зургуудын тань төлөө баярлалаа! Их Багш гүн гүнзгий ойлголттой хариулт өгч байна:

“Баяр хөөртэй Тунгалаг аа, тэнгэрийн тэмдгүүд бол Дэлхийн хүмүүсийг сэрээхэд туслах БУРХАНЫ Хайрын илрэлүүд юм. Тэд биднийг өдөр тутмын энгийн ухамсрын байдлаас сэрж, таван мэдрэхүйгээрээ мэдэрч чадах зүйлсээс давсан Бурханлаг ертөнцийг эргэцүүлэн бодоход тусалдаг. БУРХАН хэдийгээр бүх л амьдралд оршдог ч ихэнх хүмүүс үүнийг тэгж хардаггүй. Гэхдээ ийм гайхамшгууд тохиолдох үед үүнийг харахгүй байх боломжгүй юм. Таны түүх болон зургууд үүнийг харсан бүх хүнийг сэрээж, амьдрал бол ариун нандин бөгөөд БУРХАН хүн бүрийн амьдралын замналд хамгийн тэргүүнд байх ёстой гэдгийг сануулах болтугай. Та болон сүр жавхлант Монгол орон өдөр бүр зүрх сэтгэлдээ БУРХАНЫ төгс Хайрыг мэдрэх болтугай. Миний Хайр бол та үнэхээр хэн болохыг тань байнга сануулж байдаг зүйл юм.”