Дэлгэрэнгүй
Татаж авах Docx
Дэлгэрэнгүй уншаарай
Бүтээлийн титэм болсон эрхэм хүн төрөлхтөн болон энэ гараг дээрх хамгийн хайртай бүхэн минь, өнөөдөр би Доси Ертөнцийн тухай мэдээлэл дээр ажиллах гэж байна. “Доси ертөнц” гэдэг нь “Хайрын ертөнц” гэсэн утгатай. Та бүхэн өмнө нь энэ ертөнцийн талаар зарим мэдээллийг сонссон. Энэ үргэлжлэл нь. Досичууд урьд нь веган байсан. Харин одоо тэд хоол идэх шаардлагагүй болсон. Тэд БУРХНЫ Ивээлийн Хайрын энергиэр, БУРХАНЫ Ивээлээр амьдардаг. Танай Тим Ко Тү хүмүүсийн адил БУРХНЫ энергиэр амьдардаг, одоо хоол иддэггүй хүмүүс Арьяабалын Бясалгалын Аргаар бясалгадаг, Дөрөвдүгээр түвшнээс дээш оршдог. Зарим нь Дөрөвдүгээр Түвшинд хүртлээ доогуур түвшинд үргэлжлүүлэн оршино. Тэгээд тэд... Тэнд хүртлээ... Эрхэмсэг Дээд Хаан тэднийг түвшин нь дээшилтэл сургана. Зарим цөөн хүн нь Дөрөвдүгээр Түвшинд хараахан хүрээгүй, мөн одоохондоо хооллох шаардлагатай хэвээр байдаг ч тэр гарагт дайн, ямар нэг сөрөг зүйл тохиолддог эсэхийг би Эрхэм Дээдсээс асуусан юм. Тэрээр “Үгүй. Тэнд дайн байхаа больсон, дайн огт байхгүй. Учир нь бүх иргэн нь ядаж л веган.” гэж хэлсэн. Үүнээс өмнө би... Надад хоёр жижиг тэмдэглэл байсан ч хоёр дахийг нь түрүүлээд уншчихлаа. Эхний тэмдэглэлдээ би Доси Гараг Тим Ко Түгийн Шинэ Газартай адилхан уу, эсвэл дээр үү гэж асууснаа бичсэн. Эдгээр нь Эрхэм Дээдсийн үг. Тэрээр “Сүнслэг талаас нь яривал Тим Ко Түгийн Шинэ Орон, Доси Орон хоёрыг харьцуулах аргагүй. Учир нь Тим Ко Тү бол БУРХАН ӨӨРӨӨ.” гэсэн. Тийм учраас би энэ гаргийн талаар та нарт мэдээлэхийг хүсээгүй гэдгээ хэлсэн. Энэ хамгийн эхний гараг байсан ч би эргэлзсэн. Би мэдээлж болох байсан ч эргэлзсэн. Мэдээж би асар их ажилтай, маш завгүй байсан ч үүнийг эрт хийж болох л байлаа. Гэвч би ихэд тээнэгэлзсэн. Энэ бүх яриаг та нарт хүргэсний дараа би энэ дэлхийд аюулгүй байна гэж найдъя. Доси Гараг бол миний өмнө нь та нарт ярьж байсан орчлонгийн агуу төлөвлөгөөний нэг хэсэг бөгөөд эрхэм ариун чанар, энэрэнгүй сэтгэл, нигүүлсэнгүй амьдралын зарчмыг баримталсны ачаар сонгогдсон, онцгой эрх бүхий сүнслэг ертөнцийн зэрэглэлд дэвшсэн. Тиймээс тэд манай гаргийнхаас ялгаатай, өндөр хөгжсөн төрөлтөнд багтдаг. Бид одоогоор энэ зэрэглэлд, энэ сонголтод хараахан багтаагүй. Хэрэв бид өөрсдийгөө сүйтгэх амьдралын хэв маягаа үргэлжлүүлбэл манай гараг устаж ч мэднэ. Үнэнийг хэлэхэд, би энэ дэлхийн талаар ийм зүйл дурдахыг хүсээгүй ч хэлэхэд хэдийн хэтэрхий оройтжээ. Би мэднэ, мэднэ. Би энэ талаар ярихыг хүсэхгүй, та нар ч сонсохыг хүсэхгүй. Гэхдээ эргэн тойрноо харвал миний үнэн хэлж байгааг мэднэ. Үүнд маш хялбар шийдэл бий. Хэдийн дээшлэн хөгжсөн бусад гараг эрхсийн жишээг дагахад л болно. Тэд Дөрөвдүгээр Түвшинд хүрээгүй байсан ч аль хэдийн веган болж, Арьяабалын Бясалгалын (дотоодын Диваажингийн Гэрэл, Аялгууны) Аргыг бясалган дадуулдаг. БУРХАНЫ Ивээлээр тэдний орон аль хэдийн амар амгалан, элбэг дэлбэг, адислал, аз жаргалаар дүүрэн. Тэдний үзэсгэлэнт гаргийг дэлхийн ямар ч хэлээр дүрслэх аргагүй. Тэнд 6,393,562 иргэн амьдардаг. Хүсвэл тэд илүү олныг бий болгож болно, эсвэл тэдэнтэй хамт байхыг хүссэн доод ертөнцийн хүмүүсийг хүлээн авах боломжтой. Тэдний гараг биднээс ойролцоогоор 890,000 гэрлийн жилийн зайд оршдог. Тийм хол нисэж, энэ гайхамшигт нутагт зочлох хөлөг бүтээх хэмжээний буян хэзээ бидэнд хуримтлагдах бол? Хүн төрөлхтний олонх нь Гуравдугаар Ертөнцөөс дээших өндөр түвшинд хараахан хүрээгүй байж мэднэ. Гэхдээ бид веган болбол Доси Ертөнцийнхтэй адил зэрэглэлд хүрч чадна. Та бүхэн энэ хар дарсан зүүд мэт төөрөгдлөөс үнэхээр сэрж, амьдралын илүү сайн замыг ухаараасай гэж би чин сэтгэлээсээ залбирдаг. Би Эрхэмсэг Дээд Нү Хаанаас Түүний ертөнцөд амьтан-хүмүүс байдаг эсэхийг асуусан. Эрхэм Дээдэс “Байхгүй. Доси Гарагт хүн болж төрөхийн тулд тэдэнд илүү онцгой буян хэрэгтэй. Гэхдээ тэнд хэдийн байгаа хүмүүс тэднийг үрчилж авч болно. Өндөр түвшний хүмүүс үрчилж авч чадна. Тэндхийн олон хүн Гуравдугаар Түвшинд байсаар байгаа ч цөөн тоотой бөгөөд Гурав, Дөрөвдүгээр Түвшний заагт аль хэдийн хүрсэн. Тиймээс тэд хэдийд ч Дөрөвдүгээр Түвшний илүү өндөр сүнслэг ухамсарт дэвшин орж чадна. Иймээс өөр ертөнцийн төрөлтнийг гарагтаа үрчлэн авах нь тэдэнд хэцүү биш. Өөрөөр хэлбэл Доси хүмүүсийн одоо амьдарч буй сүнслэг орондоо тэднийг авчрахад хэцүү биш. Гэхдээ үрчлэгдэх төрөлтөн хангалттай буянтай, чин сэтгэлтэй, зүрхэндээ ариун итгэл үнэмшилтэй байх ёстой нь мэдээж.” гэв. Энэ бүхнийг мэдээлэх нь надад аюултай мэт санагддаг тул би тээнэгэлздэг. Есүс Христийг хар. Эртний бүх Зөнч Номлогчид хэрхэн амьдарч, хэрхэн нас барсныг хар. Би хийсэн олон зүйл, очсон олон газар, ярилцсан олон Буддагийнхаа талаар удаан хугацаанд мэдээлээгүйн нэг шалтгаан энэ юм. Үнэндээ бид ингэж ярьдаггүй. Ярианы хэл ашигладаггүй. Би одоо нэлээд хөгширч байгаа болохоор л. Энэ дэлхийд би удаан байх эсэхийг хэн мэдэх билээ. Тиймээс би өмнө нь хэлээгүй олон зүйлээ БУРХАНЫ Зарлигаар та нарт мэдээлсэн. БУРХАН надад дахин дахин хэлэхийг тушаагаагүй бол би үнэхээр дурамжхан байх байлаа. Би Эрхэмсэг Дээд Нү Хаанаас “Яагаад ийм амархан байдаг юм бэ? Гуравдугаар Түвшний хамгийн дээд хэсэгт байж, ердөө веган байхад л Танайх шиг ийм гайхамшигт оронд очиж болдог гэж үү? Зөвхөн веган байж, Арьяабалын Аргаар бясалгахад л болно гэдэг дэндүү амархан сонсогдож байна.” гэж асуув. Тэгэхэд Эрхэм Дээдэс надад ийн хэлсэн: “Учир нь БУРХАН бүх төрөлтнийг маш энгийн зарчмаар бүтээсэн. БУРХАНЫ урьдчилан соёрхсончлон бай. Ердөө л хайр энэрэлтэй байж, БУРХАНД итгэн, БУРХАНЫ Хүчтэй холбогд.” Эрхэмсэг Дээд Хаан нутагтаа ирсэн, өмнө нь байсан, одоо ч байгаа бүх хүний төлөө хариуцлага хүлээн, үргэлжлүүлэн сургаж буйгаа хэлсэн. Тэрээр Өөрийн буян, сүнслэг хүчийг ашиглан тэднийг дэвшүүлж, боломжит хамгийн Дээд Түвшин, чөлөөлөлтөд хүргэхээр үргэлжлүүлэн сургаж, хөтөлнө. Түүний аварсан бүхний төлөө, мөн Өөрийн Бурханы Оронд байхуйц буянтай хүмүүсийг үргэлжлүүлэн хүлээн авч буйд нь бид БУРХАНЫ Нэрийн өмнөөс Түүнд талархаж байна. Түүний сүнслэг Орныг Авид Бурханы Оронтой зүйрлэж болно. Тэр судрыг олж, мэдээлэл авахын тулд уншаарай. Тэгвэл Бурхдын Орон ямар байдгийг арай илүү төсөөлж чадна. “Будда тэгээд Ахмад Шарипутрад хандан ийн айлдав: ‘Хэрэв та эндээс баруунш аялж, Бурханы Орнуудаас зуун мянган коти дайран өнгөрвөл Авид хэмээх Бурхан байдаг Төгс Жаргалангийн Оронд очих болно. Тэр Бурхан одоо тэнд залран, Ном тайлж буй. ‘Шарипутра, юунд тэр Орныг Төгс Жаргалангийн хэмээн нэрийдсэн бэ? Тэндэх төрөлтнүүд зовлон үгүй бөгөөд гагцхүү маш олон төрлийн жаргал эдлэн суудаг. Тиймийн тул тэрхүү Орныг Төгс Жаргалангийн хэмээжээ. Мөн Шарипутра, Төгс Жаргалангийн Оронд долоон эгнээ хашлага, долоон эгнээ гоёл чимэглэлийн тор, долоон эгнээ мод бий. Тэд бүгд дөрвөн төрлийн эрдэнийн чулуугаар бүтээгдсэн ба газар нутгийг бүхэлд нь хамарч, бүхнийг бүрхдэг. Ийм учраас Төгс Жаргалангийн Орон хэмээжээ. Дахин хэлэхэд Шарипутра, Төгс Жаргалангийн Оронд найман гайхамшигт чанар бүхий усаар дүүргэсэн долоон эрдэнийн цөөрөм бий. Цөөрмийн ёроол бүхэлдээ алтан элсээр хучигдсан байх агаад ёроол бүрийн дөрвөн талд алт, мөнгө, биндэрьяа, болор шаттай. Эдгээрийн дээгүүр алт, мөнгө, биндэрьяа, болор, индранил, сарнай сувд, манаар чимэглэсэн асрууд сүндэрлэх ажээ. Цөөрөмд сүйх тэрэгний дугуй шиг том бадамлянхуа байдаг бөгөөд хөх нь хөх, шар нь шар, улаан нь улаан, цагаан нь цагаан гэрэл цацруулдаг. Тэд гайхамшигтай үзэсгэлэнтэй, анхилам үнэртэй, цэвэр ариун. Шарипутра, Төгс Жаргалангийн орон ийм гайхамшигт гоёл чимгээр дүүрэн. ‘Мөн, Шарипутра, тэрхүү Бурханы Оронд Тэнгэрлэг Аялгуу үргэлж эгшиглэдэг. Газар нь алт. Өдөр, шөнийн туршид зургаан удаа мандарава цэцэгс тэнгэрээс бороо мэт бууж ирнэ. […] ‘Шарипутра, хэрэв Авидын тухай сонссон эрэгтэй, эмэгтэй нэг сайн хүн нэг өдөр, хоёр өдөр, гурав, дөрөв, тав, зургаа, долоон өдөр ч гэсэн Түүний Алдрыг уншиж, анхаарлаа төвлөрүүлэн, анхаарлаа сарниулахгүй байх аваас үхэл ирэхийн цагт Авид Бурхан Ариун Төрөлтний хамт гарч ирнэ. Иймд насан өөд болоход бишрэлтний ухаан санаа төөрөгдөлд орохгүй. Тиймээс тэд Авид Бурханы Төгс Жаргалангийн Оронд шууд төрөх болно. Шарипутра, энэ ач тусыг ухамсарлах тухайд: Энэ сургаалыг сонссон хамаг төрөлтөн тэрхүү Оронд төрөхийг хүсэх учиртай.’” Шагжамуни Будда (веган)-гийн айлдсан Авид Бурханы тухай судраас эшлэв Авид Бурханы Орны тухай Буддын ариун судар болох “Буддагийн айлдсан Хязгааргүй амьдрал судрын эргэцүүллийн” хэсгээс Вайдахи-д Будда ийн айлдав: “Та болон мэдрэхүйтэй төрөлтнүүд анхаарлаа, мөн бодлуудаа Барууны Ариун Оронд төвлөрүүлэх хэрэгтэй. Дараа нь усыг төсөөл. Аз Жаргалын оронд найман цөөрөм бий. Цөөрөм бүрийн ус долоон эрдэнээс бүрдсэн, зөөлөн бөгөөд дуулгавартай, хүсэл биелүүлэгч эрдэнийн Хаанаас гаралтай юм. Энэ ус нь арван дөрвөн гол болж урсдаг ба тус бүрдээ долоон эрдэнийн гайхамшигт өнгийг ялгаруулна. Сувгуудыг дагаж алт эгнээтэй, ёроол нь олон өнгийн важра элснээс бүрдсэн. Гол бүрд долоон эрдэнийн бадам лянхуа 6 тэрбум бий. Бадам лянхуа бүр нь төгс дугуй, адилхан хэмжээтэй бөгөөд 12 йожана тэлж урсдаг. Цэцэгсийн дунд нь муни ус урсдаг ба, моддыг дагаад дээш доош урсана. Үүний нарийн хийгээд гайхалтай дуу чимээ зовлон, хоосон, мөнх бус, эгогүй байдал, ба Парамитасын сургаалыг өгүүлэхийн зэрэгцээ Буддагийн шинж чанар, бодит төрх байдлыг магтана. Хүсэл биелүүлэгч эрдэнийн Хаан зөөлөн, гайхалтай алтан шаргал гэрэл цацруулж, энэ нь олон зуун эрдэнийн өнгөтэй шувууд болж хувирдаг. Эдгээр шувууд хоорондоо хоршин дэгжнээр жиргэлдэж, Будда, Ном, Чуулганд залбирах дадлыг тасралтгүй магтана. Энэ нь Тав дахь Төвлөрөл хэмээр Найман Буянтай Чанарт Усны Төсөөлөл юм. Хэмжээлшгүй эрдэнэтэй энэ оронд бүс нутаг бүрд нь 50 тэрбум эрдэнийн орд харш бий. Эдгээр орд харш дотор тоолшгүй олон Хурмастын төрөлтнүүд Диваажингийн хөгжим эгшиглүүлнэ. Тэнгэрт мөн Ратнадважа (Эрдэнийн Тугнууд) сахиус шиг тэнгэрт хөгжмийн зэмсгүүд байдаг ба тэдгээр нь тоглоогүй байхад аялгуу эгшиглүүлдэг. Эдгээр төрөл бүрийн аялгуу Будда, Ном, Чуулганд аврал одуулах сургаалтай дүйцнэ.” […] Будда олон янз, Буддагийн Орон ч олон янз байна. Энэ түүхийг унших нь Гэгээнтнүүд, Мэргэдийг, мэдээж Төгс Хүчит БУРХАНЫГ санахад тань тусалж, зоригжуулан, урам өгнө. Та бүхэнд хамгийн сайн сайхныг хүсье. Доси Ертөнцийн Эрхэмсэг Дээд Нү Хаан болон Доси Буддагийн Орны##ард түмэн та бүхэнд ч мөн хамгийн сайн сайхныг хүсэж байна. Мөн Тэрээр манай гарагт хайр, адислал авчирч, Өөртэй нь хувь барилдлагатай, эсвэл Түүнд итгэдэг хүмүүс болон доод түвшинд буй хүмүүсийг гэтлэн гэгээрэх эрэлхийлэлдээ ахихад нь чадах чинээгээрээ тусалсан. Түүнд гүнээ талархаж, төрөлтнүүдийг сүнслэг өндөр түвшинд хүргэж, мөнхийн чөлөөлөлтөд хөтлөх үйлс нь амар хялбар байг хэмээн ерөөе. Амен. Шавь нартаа, мэдээж дагагчдадаа, мөн шавь, дагагч биш бүх хүнд хамгийн сайн сайхныг чин сэтгэлээсээ хүсье. Би та нарт зуун хувиас ч илүү үнэн бодит зүйлийг хүргэж байна. Учир нь би юу хийдэг, хэнтэй ярилцдагаа шавь нартаа зарим талаар мэдэгдэх хэрэгтэй. Би хийдэг зүйлсийнхээ талаар тэдэнд бараг ярьдаггүй. Би заримыг нь ярьсан ч сүүлийн үеийнх шиг ийм гүнзгий, дэлгэрэнгүй ярьж байгаагүй. Дараагийн Хааны тухай өөр нэг бичлэгийг би хийж чадна гэж найдаж байна. Доси Орны дараа хоёр дахь нь Пүсэ Орон байна гэж бодсон. “Пүсэ” гэдэг нь “Эрх чөлөө” гэсэн утгатай. Нэг Хаантай хийсэн ярианаас нөгөө Хаантай хийсэн яриа хүртэл бүгдийг нь өгүүлэх тайлангаа үргэлжлүүлэх хангалттай цаг надад байна гэж найдаж байна. Одоохондоо баяртай. Бүгдэд нь хайртай шүү. Өөрт буй бүх хайраараа хайрладаг шүү. Photo Caption: “Өсөн Дэвшиж, Цаашид ч Өссөөр Байх Сайн”
