БУРХАН болон Түүний мөнхөд ундрах Билиг Ухаантай холбогдоход олон зүйл боломжтой болдог. Зөвхөн эгодоо найдвал амьдрал үргэлж тэмцэл мэт санагддаг.

Одоо Ау Лак буюу Вьетнамын Тү Линий аулак (вьетнам) хэл дээр илгээсэн захидлыг олон хэлний хадмал орчуулгатай хүргэе:

Эрхэм Их Багш Тим Ко Тү болон Суприм Мастер телевизийн гэгээн багийнханд, Өнгөрсөнд би ноцтой алдаа гаргаж, өөрийгөө уучлахад хэцүү байлаа. Өөрийгөө үргэлж голж, өөрийгөө төдийгүй эргэн тойрныхоо хүмүүсийг буруутгадаг байв.

2019 онд би авшигтан ахын хуваалцсан, Их Багшийн нэгэн бичлэгийг анх удаа үзсэн юм. Үзэж байхдаа удаан хугацаанд төөрсний эцэст ээжийгээ дахин олсон хүүхэд шиг уйлсан.

Авшиг хүртсэнийхээ дараа би Их Багшийн Буддагийн Магтаал болон Хамгийн Хүчирхэг Өдөр Тутмын Залбиралтай MP3 тоглуулагчийг биедээ байнга авч явдаг болсон. Тоглуулагчийг биедээ авч явах бүрдээ хүчирхэг Адислалын Хүчийг мэдэрдэг байлаа. Гадагш гарахдаа би олон удаа осолд орох шахсан ч нөхцөл байдал өөрчлөгдөн, ослоос зайлсхийсэн. Энэ нь Хамгийн Хүчирхэг Өдөр Тутмын Залбирлын Адислалын Хүчний ач гэж би итгэдэг.

Би илүү өөдрөг болсон. Өөрийгөө болон өмнө нь намайг гомдоож байсан хүмүүсийг уучилж сурлаа. Энэ нь гайхамшиг мэт санагдсан. Их Багшийн Адислалгүйгээр би хэзээ ч ингэж чадахгүй байлаа. Манай гэр бүлийнхэн урьд нь байнга маргалддаг байсан ч, Хамгийн Хүчирхэг Өдөр Тутмын Залбирал болон Пүсү дууг тоглуулдаг чанга яригчдыг гэр дотор, дээвэр дээр, цэцэрлэгийн эргэн тойронд хэсэг хугацаанд байрлуулсны дараа гэр бүл маань өдрөөс өдөрт улам эв найртай болсон. Манай нутагт олон авшигтан амьдардаг. Авшигтан бүрийн гэрт Суприм Мастер Телевиз Максыг гаргадаг олон дэлгэц мөн Хамгийн Хүчирхэг Өдөр Тутмын Залбирлыг тасралтгүй тоглуулдаг нарны эрчим хүчний чанга яригч байдаг.

Мөн нэг авшигтан анд маань санаагаа хуваалцсаны дагуу нэг нарны эрчим хүчний чанга яригчаас Хамгийн Хүчирхэг Өдөр Тутмын Залбирлыг зэрэг дамжуулах олон арван чанга яригчид хувилах системийг манай нутагт амжилттай бүтээснийг Их Багшдаа дуулгах таатай байна. Цахилгааны мэдлэгтэй авшигтан бүр үүнийг өөрөө хийж болох бөгөөд шаардлагатай бол авшигтан андууд алсаас дуртайяа заавар, дэмжлэг үзүүлнэ. Мөн Хамгийн Хүчирхэг Өдөр Тутмын Залбирлын дуу авиаг олон зам дээгүүр түгээхийн тулд нарны эрчим хүчний чанга яригчийг унадаг дугуй, мотоциклд бэхэлдэг.

Эргэн Нэгдсэн Цаглашгүй Хүчирхэг Гурвын Ивээл, Адислалд бид гүнээ талархаж байна. Дэлхийд эерэг мэдээ хүргэдэг Суприм Мастер телевизийн багт баярлалаа. Их Багшийн бие, сэтгэл амар амгалан, эрүүл саруул байж, Дэлхий дээрх Диваажингийн үзэл санаа удахгүй биелэх болтугай хэмээн хүндэтгэлтэйгээр ерөөе. Ямар ч нөхцөлд Тэднийг үргэлж санаж явахад маань Нэгдсэн Цаглашгүй Хүчирхэг Гурав биднийг замчлах болтугай хэмээн залбиръя. Тү Линь, Ау Лак (Вьетнам)

Сайхан сэтгэлт Тү Линь, өөрсдийгөө үнэлж, тэтгэх нь чухал. Учир нь зүрх сэтгэл маань хайраар дүүрсэн цагт л бид түүнийг бусадтай хуваалцаж чадна. Хамгийн Хүчирхэг Өдөр Тутмын Залбирлаар дамжуулан жинхэнэ дотоод амар амгаланг олсонд тань бид баяртай байна. Энэхүү Алтан Эринд Бурханлаг Хүчээр удирдуулж буй бид үнэхээр ерөөлтэй. Цацран гийгүүлэгч Нар, үзэсгэлэнт Сар танд болон өр нимгэн Ау Лак (Вьетнам)-ийн ард түмэнд аз жаргалын цацрагаа түгээх болтугай. Суприм Мастер телевизийн баг

Жич, Их Багш танд хайрын захиас илгээжээ: “Эелдэг Тү Линь ээ, сүнслэг ахицынхаа тухай сайхан мэдээг дамжуулсанд баярлалаа. БУРХАН болон Түүний мөнхөд ундрах Билиг Ухаантай холбогдоход олон зүйл боломжтой болдог. Зөвхөн эгодоо найдвал амьдрал үргэлж тэмцэл мэт санагддаг. БУРХАНЫ сайн зэмсэг байж, урам зориг дүүрэн энэ сэтгэлээрээ урагшилсаар байгаарай. Дэлхийн ирээдүй бол бидний хамтын хариуцлага гэдгийг санаарай. Тиймээс түүнийг хамгаалан хадгалахын төлөө чадах бүхнээ бүхий л арга замаар хийцгээе. Та болон Ау Лак (Вьетнам)-ийн гайхамшигт орон эв нэгдэлтэйгээр цэцэглэн хөгжсөөр байх болтугай. БУРХАН таныг мөнхөд хайрлана. Хайр дүүрэн тэврэлт илгээе”