Дэлгэрэнгүй
Татаж авах Docx
Дэлгэрэнгүй уншаарай
Энэ дугаарт Төгс Гэгээрсэн Их Багш Чин Хай жинхэнэ амьдрал мөнх бөгөөд зөвхөн энэхүү махан биед хязгаарлагддаггүйг тайлбарлана.(“‘Бэлгийн зохисгүй үйлдлээс татгалзах.’ Энэ сахил нь гэрлэхээс өмнөх дотно харилцааг хориглодог уу?”) (“‘Бэлгийн зохисгүй үйлдлээс татгалзах.’ Энэ сургаалд гэрлэхээс өмнөх харилцаа орохгүй гэсэн үг үү?”) Гэрлэхээс өмнөх үү? Үгүй. Үгүй. Хэн нэгнийг хайрладаг бол, та сэтгэлдээ аль хэдийн гэрлэчихсэн байдаг. Гэрлэлт тэрхүү бичиг баримтаас хамаардаггүй. “Бэлгийн зохисгүй үйлдлээс татгалзах” гэдэг нь та зөвхөн нэг ханьтай байна гэсэн үг. Энэ нь танд тустай. Бэлгийн харилцаа нь хоёуланд нь баяр баясгалан авчирч, гэрлэлт болон хайр сэтгэлийн холбоог тань улам бэхжүүлэх учиртай. Харин бид замбараагүй явбал, өөрөөр хэлбэл, бэлгийн харилцааны энэ хишгийг буруугаар ашиглаж буй хэрэг ба энэ нь бие махбод, сэтгэл санаа болон оюун санаанд маш таагүй үр дагавартай байх болно. Та хэн нэгнийг хайрлаж, бие махбодын дотно харилцаанд орох нь, БУРХАН-ы сүмийг зөвхөн цэвэр бие махбодын туршилт хийхэд ашиглахаас өөр зүйл юм. Өөрөөр хэлбэл, зүгээр л бэлгийн харилцаанд орох биш, хайр сэтгэлээрээ дотносох юм. Энэ хоёр өөр зүйл. Ойлгосон уу?(“Амьдрал гэж юу вэ?”) Амьдрал уу? Би мэдэхгүй. Ямар хэцүү асуулт вэ, тийм үү?За, жинхэнэ амьдрал зөвхөн энэ махан биед оршдоггүй гэдгийг л би та нарт хэлж чадна. Жинхэнэ амьдрал бол мөнх бөгөөд үргэлжид оршсоор нэг үе шатнаас нөгөөд, оршихуйн нэг төлөвөөс нөгөөд тасралтгүй шилждэг. Хэрэв таны асуулт үүнийг хэлж байгаа бол шүү дээ. Энэхүү жинхэнэ амьдралыг танихын тулд бид гэгээрсэн байх ёстой. Эс бөгөөс бид зөвхөн энэ махан биеийн оршихуйдаа баригдаж, биднийг үхсэний дараа өөр юу ч байхгүй, өөр ямар ч амьдрал оршдоггүй гэж бодох болно.(“Та биднийг БУРХАНД хүрч, бүр Түүнийг бүр харж, мэдэрч ч чадна гэж хэлсэн. Та өөрөө тийм зүйл мэдэрч байсан эсэхийг би мэдмээр байна. Эсвэл тэр нь ямар утгатайг?”) Та биднийг БУРХАНД хүрч, БУРХАН-ыг харж эсвэл БУРХАН-ыг сонсож чадна гэж хэлсэн.) Тийм ээ. (“Та өөрөө үүнтэй адил зүйлийг мэдэрч байсан эсэхийг би мэдэхийг хүсэж байна.”) Мэдээж. (“Тэгээд энэ нь Таны хувьд ямар утгатай байсан бэ?”) Би өөрөө үүнийг мэдрээгүй бол, би яаж та нарт мөн адил зүйлийг мэдрүүлж чадах билээ? Хэрвээ би англи хэл ойлгодоггүй бол, та нарт англи хэл заана гэж би яаж хэлэх билээ? Би хэлж буй бүхнээ өөрөө туулж, мэдэрсэн, мөн арга гэж нэрлэгддэг үүнийг хуваалцаж, хэрэгжүүлж ирсэн дэлхийн өнцөг булан бүрийн олон мянга, мянган ах, эгч дүүсийн туршлага ч мөн адил.Энэ миний хувьд ямар утгатай вэ? Хариултыг нь та өөрөө мэдэх ёстой. БУРХАН-ыг таньж, БУРХАН-тай ярилцаж чадна – гэдэг ямар утгатай вэ? Энэ нь үүнээс өөр ямар утгатай байх билээ? Энэ бол төгс дээд жаргал. Үүнийг та тайлбарлаж аргагүй. Зөвхөн өөрөө мэдэрч, туулж үзэж байж л мэднэ. Гэхдээ би бас одоо ч их шаналдаг. Учир нь дэлхийн хүмүүс одоо ч шаналсаар байна. Зөвхөн энэ л миний сэтгэл, аз жаргалыг бууруулдаг. Үүнээс бусдаар, БУРХАНЫГ таньсны дараа та өөр юу ч хүсэхгүй. Идэх хоолгүй, эсвэл өмсөх ямар нэгэн хувцасгүй байсан ч та сэтгэл хангалуун байна. Бүх Дэлхий таныг орхисон ч, та тоохгүй.(“Энэ бясалгал Буддын бясалгалаас юугаараа ялгаатай вэ?”) (“Таны бясалгалын арга болон Буддын бясалгал хоёрын хооронд ямар ялгаа байдаг вэ?”) Бурхан Буддагийн заасан жинхэнэ, үнэн, анхдагч Буддын бясалгал нь миний заадаг бясалгалтай адил. Харин анхны арга нь байхгүй болсон учраас өнөө үед маш олон янзын хувилбарууд байна. Үүнд би хариуцлага хүлээхгүй. Эрт дээр үеийн жинхэнэ Христийн шашны бясалгалын хувьд ч мөн адил. Тиймээс Мосе БУРХАНЫГ дүрэлзсэн гал, бутаар, бутан дундах галын дөлөөр харж, БУРХАН-ыг (дотоодын Диваажингийн) Аялгууг их усны шуугиан мэт дуугаар сонссон юм. Үүнтэй адил төдийгүй, бүр үүнээс илүү олон туршлагыг, зүйлийг бид яг одоо мэдэрч чадна.(“Библи БУРХАНЫ удирдамжаар бичигдсэн цорын ганц ариун ном уу, эсвэл өөр ном бий юү? [Эзэн Бурхан] Есүс Христийн үхэл болон дахин амилалт нь БУРХАНЫ Ивээлээр бидэнд мөнх амьдралын баталгаа өгөх үү? БУРХАНЫ Хайр хүн бүрийг хэдийнээ аварсан уу? Тэгвэл хүн бүрт мөнх амьдрал өгөгдөх үү? Танд баярлалаа.”) (“Библи БУРХАНЫ удирдлагаар бичигдсэн цорын ганц ариун ном уу, эсвэл өөр ном бий юү? Тэгвэл [Эзэн Бурхан] Есүс Христийн үхэл болон дахин амилалт нь бидэнд мөнхийн амьдралын баталгаа өгөх үү? БУРХАНЫ Хайр аль хэдийн хүн бүрийг аварсан уу? Хүн бүрд мөнх амьдрал өгөгдөх үү? Танд баярлалаа.”) Өөр олон ариун судар байдаг. Хэрвээ та цаг гарган тэдгээрийг судалбал, тэд Библитэй яг адилхан. Гэхдээ та заавал тэгэх шаардлагагүй. Та тэгэх шаардлагагүй. Библи хангалттай. Хэрэв та хүсвэл харьцуулж болно, мэдээж. Энэ бол эхний асуултын хариулт. Хоёр дахь асуулт нь юу билээ?([Эзэн Бурхан] Есүс Христийн үхэл болон дахин амилалт нь бидэнд мөнх амьдралын баталгаа өгөх үү?) Энэ нь үнэхээр Эзэн БУРХАН-ыг амьд ахуйд нь дагаж, Түүнээс усан баталгаа хүртсэн хүмүүст мөнхийн амьдралын баталгааг өгдөг. Тиймээс Эзэн БУРХАН: “Би энэ дэлхийд байх хугацаандаа дэлхийн Гэрэл бөгөөд Зам мөр нь юм” гэж хэлсэн.Их Багш таалал төгсөх бүрд, өөр нэгэн хүн Түүний байр суурийг залгамжлах ёстой. Тиймээс [Эзэн БУРХАН] Есүс Өөрийнхөө дараа Тайтгаруулагчийг илгээнэ гэж амласан. Нэг амьдралаас дараагийн амьдралд бидэнд олон Тайтгаруулагч байдаг. Бид Тэднийг эрж олох ёстой. Бид Тэднийг олж чадсан нь бидний аз. Учир нь Тэд заримдаа санаанд оромгүй газруудаас ирдэг. Бид Тэднийг санаанд оромгүй нөхцөл байдалд олж хардаг. Үүнтэй адил, Эзэн БУРХАН Есүсийг амьд ахуйд нь хүмүүс Түүнийг таньж мэдээгүй. Тэд бүр Түүнийг тамлан зовоож, загалмайд цовдолсон. Ойлгож байна уу. Учир нь тэд Элчийг хүлээж байсан. Тэгээд тэд Түүнийг Бурханыг доромжилсон нүгэл үйлдсэн гэж буруутгасан. Тийм. Тиймээс дотоод билиг ухаанаа сонсож, замчлан чиглүүлэхийг БУРХАНААС чин сэтгэлээсээ залбирч гуй. Үгүй бол бид боломжоо дахиад алдаж мэднэ. БУРХАНЫГ харах нь маш амархан ч, БУРХАН-ыг харах боломжоо алдах нь бүр ч амархан. Би зүрх сэтгэлийнхээ гүнээс ярьж байна. Та үүнийг мэдэрч байгаа. Та юу хийхээ мэднэ. Танд баярлалаа.(“Бидний дотор мэдрэгддэг хоосролын мэдрэмж, эсвэл сэтгэл гутрах үед төрдөг мэдрэмж нь үнэндээ хязгааргүйг хүсэн тэмүүлсэн нууцлаг сүнслэг төлөв байж болох уу?”) (“Бидний доторх хоосролын мэдрэмж, эсвэл сэтгэл гутрах үед төрдөг мэдрэмж нь, үнэндээ ямар нэг зүйлийг, Хязгааргүйг санагалзсан нууцлаг төлөв байж болох уу?”) Үгүй. Үгүй. Үгүй. Энэ нь ялгаатай.Бид сэтгэлээр унасан үедээ мэдэрдэг хоосрол бол сэтгэл гутрал юм. Энэ нь бидний дотор мэдрэгддэг БУРХАН-ы дутагдал, хайр дутсаны илрэл. Мөн бясалгалын үеэр бидний мэдэрдэг тэр хоосрол гэдэг нь бүх зүйлээс, бүр энэ биеийн чанадад гарсан дээд түвшний төлөв бөгөөд бид өөрсдийгөө бүх зүйлтэй нэг гэдгийг мэдэрдэг. Тэр үед хувь хүний шинж чанар, өөрийгөө бусдаас тусдаа, бие махбодын бие даасан ‘би’ гэж мэдрэхийн дарамтыг бид мэдрэхээ болино. Хүн өөрийгөө маш муухай, гунигтай, найдваргүй мэт мэдэрдэг; нөгөөд нь маш их баяр хөөр, аз жаргал, мөн сэтгэл хөөрсөн мэдрэмж төрдөг. Энэ нь шөнө, өдөр шиг эрс ялгаатай. Тиймээс бясалгал хийхдээ зөв удирдамж, заавар авахад анхаарах хэрэгтэй. Эс тэгвээс хуурмаг зүйлийг бодит зүйл гэж андуурч магадгүй.Бид энэ театраас хэдэн цагт гарах ёстой вэ? Арван цагт. За. Бидэнд одоо ч бага зэрэг хугацаа байгаа юу? За. Тийм ээ. Учир нь бид дараа нь авшиг хүртээх ёстой, тийм үү? Тийм. Тэгэхээр асуултуудаа үргэлжлүүлнэ үү.Photo Caption: “Дэлхий бол БУРХАН-ы нэг гэр бүл. Хамтдаа эв найрамдалтай амьдрах сайхан!”
