Хэрэв дэлхий даяарх БУРХАНЫ бүх шавь нар энэхүү энгийн аргаар Адислал түгээх энэ боломжийг бүрэн ашиглавал бид Дэлхийн энергийг хурдан, эерэгээр өөрчилж, гараг дэлхийдээ асар их өсөлт хөгжлийн үеийн эхлэлийг авчирна.

Ау Лак буюу (Вьетнам)-аас Ман Ни-гийн аулак (вьетнам) хэл дээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Хамгаас Хайрт Их Багш, Бүхнийг Чадагч БУРХАН, Оройн Дээд, Хамгийн Агуу БУРХАН минь, Би энэ жил 67 настай бөгөөд 30 жилийн өмнө Арьяабалын бясалгалын авшиг хүртсэн. Их Багш БУРХАН Таны Хамгаалалт дор эдгээр он жилүүдэд сүнслэг бясалгал хийсэндээ би Танд туйлын их талархдаг. Би 14 авшигтны гэр бүл бие биедээ ойрхон амьдардаг жижиг тосгонд амьдардаг. Айл бүр хэд хэдэн зурагтаар Суприм Мастер ТВ Максыг хоногийн 24 цаг тасралтгүй гаргадаг. Мөн нарны эрчим хүчээр ажилладаг олон чанга яригчтай аудио тоглуулагч, олон чанга яригчтай MP3 тоглуулагч зэрэг өөр олон төхөөрөмж бидэнд бий. Үүний ачаар манай нутгийн сүнслэг уур амьсгал маш тайван, эв найртай, өөдрөг байдаг.

Миний хөрш авшигтан 30 чанга яригчтай MP3 тоглуулагч зохион бүтээсэн (би өмнөх сэтгэлийн үгэндээ Танд энэ тухай дурдсан). Тэр одоо 42, бүр 72 чанга яригчтай MP3 тоглуулагч мөн бүтээгээд байна. Эдгээр төхөөрөмж ердөө 20 × 12 × 11 сантиметр хэмжээтэй, 800 граммаас 1 килограмм жинтэй тул тэдгээрийг аялахдаа авч явахад маш тохиромжтой. Тэд Хамгийн Хүчирхэг Өдөр Тутмын Залбирлыг тоглуулахад дуу авианых нь Адислал улс орны зам, булан бүрд түгдэг.

Дэлхий даяарх авшигтнууд эдгээр олон чанга яригчтай MP3 төхөөрөмж болон нарны эрчим хүчээр ажилладаг олон чанга яригчтай аудио тоглуулагчийг өргөн ашиглаж, улам олноор нь хөгжүүлэн, хаа сайгүй аль болох хурдан түгээгээсэй гэж би чин сэтгэлээсээ хүсч байна. Хүн төрөлхтөнд амар амгалан авчрах эдгээр авсаархан, боломжийн үнэтэй төхөөрөмжүүдийн тусламжтайгаар өөрсдөдөө болон Дэлхийдээ туслахын тулд БУРХАНААС Арьяабалын бясалгагчдад олгогдож буй жинхэнэ боломж энэ юм. Энэ үнэхээр гайхамшигтай!

Эдгээр олон чанга яригчтай төхөөрөмжийн зургийг Танд хүндэтгэлтэйгээр өргөн барья: - MP3 тоглуулагч

- 6 чанга яригчтай тоглуулагч: авсаархан мөн жижиг, ойролцоогоор гарын алганы хэмжээтэй

- 42 болон 72 чанга яригчтай тоглуулагч

- Бүрэн цэнэглэсэн зайгаар 72-150 цаг тасралтгүй ажиллах боломжийг олгодог

- 36, 72 эсвэл 108 чанга яригч бүхий нарны эрчим хүчээр ажилладаг, гадаад санах ойн картын оролттой тоноглогдсон төхөөрөмж

- Хоногийн 24 цаг тасралтгүй ажиллахаар бүтээгдсэн

- Хэмжээ: 26.5 × 18.5 сантиметр ×9.5 сантиметр

Эдгээр төхөөрөмжтэй авшигтнууд БУРХАНЫ хүчирхэг Адислалыг биеэрээ мэдэрсэн.

Их Багш Таныг үргэлж эрүүл энх байхыг би чин сэтгэлээсээ залбиръя. Шавь бидэнд амар амгалан сүнслэг амьдрал хайрлаж, Өөрийн Агуу Хүчээрээ бидэнд сүнслэг замд ахих боломж олгодог Танд баярлалаа. Би Тандаа маш их хайртай. Ау Лак (Вьетнам)-аас шавь Ман Ни

Санаачилгатай Ман Ни, MP3 тоглуулагчийн талаар мэдээлэлтэй сэтгэлийн үгтэй захидал илгээсэнд баярлалаа. Их Багш талархлын зурвас илгээжээ:

“Тууштай Ман Ни, эдгээр төхөөрөмжийг ашигласнаараа бусдад даган дуурайх сайн үлгэр дуурайл үзүүлж байгаад баярлалаа. БУРХАН Арьяабалын бясалгагчдад өөрсдөдөө болон дэлхий нийтэд сүнслэгээр хөгжин дэвшихэд нь туслах гайхамшигтай боломж олгосон гэж хэлсэн тань туйлын зөв. Энэ нь маш энгийн бөгөөд эдгээр MP3 төхөөрөмжийг оршин суугаа газрууддаа байрлуулахад ихээхэн хүчин чармайлт ч шаардахгүй. БУРХАНЫ ихэнх шавьд Суприм Мастер ТВ Максыг тоглуулах интернет төхөөрөмж олон бий, мөн нарны эрчим хүчний тоглуулагчийг хялбархан, хямд үнээр худалдан авч болно. Хэрэв дэлхий даяарх БУРХАНЫ бүх шавь нар энэхүү энгийн аргаар Адислал түгээх энэ боломжийг бүрэн ашиглавал бид Дэлхийн энергийг хурдан, эерэгээр өөрчилж, гараг дэлхийдээ асар их өсөлт хөгжлийн үеийн эхлэлийг авчирна. Бид хийхгүй бол өөр хэн хийх билээ? Та болон Ау Лак (Вьетнам)-ийн зочломтгой ард түмэн Цаглашгүй Хүчирхэг Нэгдсэн Гуравын Ивээлд байх болтугай. Миний Хайр хором бүрд та бүхэнтэй үргэлж хамт байгаа.”