Нэг минутын дотор Бурхантай хэрхэн холбогдох вэ, лекцийн 6-ын 1-р хэсгийг

Оройн Дээд Бурханд талархъя. Одоохондоо алдчихаагүй байгаа энэ гайхамшигт гараг дээр маань оршин буй хүн төрөлхтөн, амьтан-хүмүүс, мод, ургамал, чулуу, уул, гол мөрөн гээд Бурханы хайртай үрс болсон бүхий л төрөлтний амгаланг айлтган мэндчилье. Та бүхэнд энэхүү сар шинийн хамгийн сайн сайхан бүхнийг хүсэн ерөөе. Та бүгдийн эрхэм ариун мөрөөдөл бүхэн биелэх болтугай. Хэрэгцээнийхээ хэмжээнд тав тухтай амьдрах болтугай. Заримдаа бид хүссэн бүхнээ авч чадахгүй ч хэрэгтэй зүйлс л байхад хангалттай шүү дээ. Бусад улирлын нэгэн адил хавар цаг ирж байна. Ийм болохоор бид тодорхой хэмжээнд бэлдэж, өөрсдөдөө анхаарал тавьдаг.

Энэ жилийн хавар ч болдгоороо боллоо. Гэвч манай гарагийн өнцөг булан бүрд ер бусын, урьд өмнө үзэгдээгүй цаг агаарын үзэгдэл болж байгааг мэдээллээс харах юм бол бид үргэлж бэлэн байх аргагүй. Гэхдээ Бурханд залбирч, Бурханыг алдаршуулан, биет оршихуйд тохиолдож болох аливаа зүйлд Бурханы Хайраар бэлэн байхаа ямагт санаж яваарай. Юу ч болсон Бурханыг санан, манай гарагийг ивээж, бидэнд маш их Адис, Ивээл, Хайр, Хамгааллыг хайрласан бүхий л Их Багш нарыг санаарай. Хэдий бидний ихэнх нь хардаггүй ч гэсэн Тэд бидэнтэй ямагт хамт байдаг. Бие махбодын нүд үүнийг баталж чадахгүй ч гэлээ Бурхан үргэлж эргэн тойронд байж байдаг. Бид Бурханыг санах нь чухал. Тэгэх аваас бид мартамхайгаасаа болж, мөн түүнчлэн энэ гараг дээр хаа сайгүй оршдог сөрөг энергийн хорлолоос үүдэн, бас өөрсдөө учрыг нь ойлгохгүй байж

номчирхсоор байдаг багш гэгдэх олон мунхаг хүн биднийг төөрөлдүүлснээс болж холбоо тасарсан Уг гарал болох Хаант улс руу маань биднийг Бурхан Их Багш нараар дамжуулан буцаан аваачих болно. Тэд номоос уншсанаа, өөр хэн нэгний хэлснийг давтаад байхаас биш хамгийн чухал зүйл болох гэгээрэлд хүрээгүй, дотоодын Бурхан чанараа ухаарч ойлгоогүй байдаг.

Бурханы Хаант улс дотоодод бий. Тиймээс бид дотооддоо ухаарахгүйгээр ойлгож чадахгүй. Ийм л парадокс байгаа юм. Бид Бурхан гэж юу болох, Диваажин гэж юу вэ, өөрсдийгөө юу болохыг дүгнэхдээ мөнх бус гаднах бүх зүйлд ямагт найддаг бөгөөд энэ нь үнэн биш байдаг.

Үнэнийг түмэн олноороо биш, цөөхөн хэдэн хүн л ухаардаг нь харамсалтай. Харин энэ цөөхөн хэдэн хүн шаргуу хичээсэн хэрэг. Тэд гэртээ харихыг, Бурханыг мэдэхийг ихэд хүсэмжилсэн. Тийм ч учраас Бурхан тэдэнд өөрсдийнх нь дотоодод орших Үнэнийг, өөрсдийнх нь дотоод дахь Хаант улсыг харуулсан юм. Дотоодынхоо Хаант улсыг ухамсарлах нь тун амархан ч харамсалтай нь маш олон хүн, түүнчлэн бусад төрөлтөн үүнийг мэдэхгүй. Энэ бол харамсалтай зүйл. Энэ гараг дээрх, эсвэл магадгүй өөр олон гараг дээрх ихэнх төрөлтөн сүнстэй. Сүнс хэрэгтэй бүхнээ агуулдаг. Билиг ухаан, хүч чадал, агуу гэдгээ, Бурханы нэг хэсэг гэдгээ ухамсарлах чадвартай байдаг. Бид нандин төрөлтнүүд бөгөөд Бурхан бидэнд маш их хайртай. Гэвч дэндүү энгийн, амархан учраас бид анзаарах ч үгүй байна.

Амархан гэснээс Арьяабалын Аргаар бясалгаснаар Бурханыг таньж, Гэртээ харих замаа мэдэж авах нь ямар гайхалтай, ямар энгийн, ямар амархан бэ гэж би бодож байлаа. Арьяабалын Арга бол танаас аливаа зүйлийн талаар, энгийн мэдлэгийн тухай, оюун санааны мэдлэгийн тухай, тэр ч байтугай өнгөрсөн үеийн бүх айлдвар, сургаалыг, бүр одоо болон ирээдүйн Багш нарын айлдвар, зааврыг, ер юуны ч талаар мэдэхийг шаарддаггүй. Ердөө агуу гэгээрсэн Их Багш, эсвэл Найз ч гэж хэлж болох Тэр хүнийг л эрж олоод, мэдээж тэр Их Багшийнхаа зааварласнаар өөрийгөө танин мэдэх арга замыг, Гэртээ хэрхэн харих арга замыг сүнснээс сүнсэнд дамжуулан мэдэж авч болно. Ердөө ингээд л боллоо.

Төгс гэгээрсэн Их Багш байхад л болох нь тэр. Түүний хэлэх бүх зүйл үнэн бөгөөд түүнийгээ маш энгийнээр айлддаг. Үүнийг сурахын тулд та тийм их гайхалтай оюун ухаантай, эсвэл ой сайтай байх албагүй. Энэ маш энгийн. Бүх үйл явц хэдхэн минутад болно. Таны мэдэх ёстой зүйл ердөө энэ. Энэ хэдэн минутын зааварчилгаанд Их Багш танд бүхэл Ертөнцийн Билиг ухааныг уламжилж өгөх болно. Мөн энэхүү Билиг ухаан таны амьдрал дахь хамгаалалт, сайн сайхан, аз жаргал, амар амгалан, Бурханы Оршнолыг агуулдаг.

Энэ тун энгийн. Таны мэдэх ёстой зүйл хэдхэн минутад л багтана. Үүнээс илүүгүй, бүр бага ч байж мэднэ. Энэ ертөнц болон түүнээс цааших олон ертөнцийг, Гэр хаана байдгийг, Бурхан хаана байдгийг мэддэг агуу гэгээрсэн Их Багшийн удирдамж, заавраар та явж, ганц минут ч хүрэхгүй хугацаанд мэдэх ёстой бүхнээ мэдэж авна. Яагаад гэвэл тэрхүү Их Багш, төгс гэгээрсэн Их Багш Бурханыг хэдийнээ мэддэг, Бурхантай хэдийн нэг болсон байдаг. Тиймээс мэдэх ёстой бүх зүйлээ, бүхий л Орчлон ертөнцийн бүх мэдлэгийг олж авахад тань ганц минут, бүр нэг минутаас ч бага хугацаа шаардагдана. Гэхдээ тэрхүү нэг минутыг яаж авахыг зааж өгсөн заавар нь, таныг зөв хийж байгаа эсэхийг, ойлгосон эсэхийг шалгахад хагас цаг юм уу нэг цаг зарцуулагдаж магадгүй. Тэгээд та замдаа гарна.

Бурхан минь, энэ бол таны сонсож, үзсэн, судалж байсан, эсвэл интернэтэд хаа сайгүй зар сурталчилгааг нь үзсэн иог, бясалгалын бүхий л нарийн төвөгтэй аргатай харьцуулахад хэчнээн энгийн гэж санана. Хаанаас эхлэхээ мэдэхийн тулд хагас цаг зарцуулахад л хангалттай. Тэгээд л боллоо. Тэгээд нэг минут хүрэхгүй хугацааны төвлөрсөн мэдлэгийг хэрхэн олж авах тухай мэдсэнээр та замдаа гаран, Их Багш тантай үргэлж хамт байж, чиглүүлэн, хамгаалж тусалж байх болно. Их Багшийн зааврыг дагаж мөрдвөл Гэртээ харих болно. Үүнд нэг минут ч хүрэхгүй хугацаа шаардагдах бөгөөд энэ нь гол утгыг ойлгож авахад хангалттай юм. Та хэрхэн өөрийгөө, Бурханыг танин мэдэж, Гэртээ хэрхэн эсэн мэнд хүрэхээ мэдэхэд нэг минут ч хүрэхгүй хугацаа орно.

Миний та нараар мөрдүүлж буй Таван Сахил хүртэл зөвхөн энэ ертөнцөд зориулагдсан. Нэгэнт дотооддоо орчихсон, нэгэнт билиг ухаантай болбол тэр ч хэрэггүй. Учир нь дотоодын ертөнц бол ямар ч дүрэм журам, бухимдал, ямар ч үүрэг хариуцлага байхгүй бодит ертөнц юм. Яагаад гэвэл та Гэртээ байх болно. Та Гэртээ харих замдаа байна. Гэртээ харих гээд замдаа явж байна. Та бүрэн гэгээрэх хүртлээ хэдийн хамгаалагдан, хайрлуулж аз жаргалтай байх ба мэдээж хэрэг тодорхой хэмжээнд гэгээрсэн байдаг.

Энэ ийм маш энгийн болохоор би “Бурхан минь, хүмүүс, наад зах нь хүмүүс маш их зүйлийг алдаж байна даа.” гэж бодож байлаа. Энэ чинь ганц минут ч хүрэхгүй арга ухаан, бүхэл бүтэн Ертөнцийн Хайр, Орчлонгийн Билиг ухаан, тэр ч байтугай мэдэхийг хүссэн, эзэмшихийг хүсэж буй бүх зүйлийг эзэмшихэд тань ганц минут хүрэхгүй хугацаа хэрэгтэй. Энэ нь насан туршид тань тусалж, улмаар та хэрэгтэй бүхнээ олж авах болно. Хайх ч хэрэггүй. “Хэрэгцээ” гэдэг нь бидэнд энэхүү бие хэмээх сүмийг дэмжих зүйл хангалттай, ингэснээр бид үүнийг Гэр рүүгээ зүглэх сүнслэг аяллаа үргэлжлүүлэхэд ашиглах боломжтой гэсэн үг юм. Ийм тун энгийн болохоор олон хүн итгэхгүй байх. Гэхдээ энэ нь үр дүнтэй болох нь батлагдсан бөгөөд энэхүү Ертөнцийн Билиг ухааныг уламжилж, үүнийг өдөр бүр оюун санааны болон бие махбодын тусын тулд амжилттай ашигладаг хангалттай золтой хэдэн тэрбум хүн бий. Таныг оюун санааны бясалгал хийх үед Бурхан бие махбодын хэрэгцээг тань хангадаг тул танд хэрэгтэй бүх зүйл үнэхээр байдаг.

Photo Caption: Цаг хугацаа хэнийг ч хүлээдэггүй!

Зураг татаж авах