Дэлгэрэнгүй
Татаж авах Docx
Дэлгэрэнгүй уншаарай
Дэлхий ертөнцийн удирдагчид болон шашны тэргүүнүүд ээ, та бүхэн өнгөрсөн төрөл, эсвэл төрлүүддээ ямар нэг гайхалтай зүйл хийсэн учраас л өнөөдөр энэ хүн төрөлхтний ертөнцийн оройд заларч, үр шимийг нь хүртэж байна. Хүмүүс та нарыг шүтэж, хүндэтгэдэг. Хүмүүс та нарыг дэмжин, сонгож, энэ дэлхийн хамгийн өндөр албан тушаалд итгэл хүлээлгэн залжээ. Та бүхэн илүү олон буянтай үйл үргэлжлүүлэн хийж, илүү гэгээн сургаал номлож, хүмүүсийг Бурханд ойртуулан, аливаа албан тушаал, материаллаг шан харамжаас хавьгүй илүү буяныг хураагаарай. Дэлхий ертөнц та нарыг улам бүр хүндэтгэн дээдэлж, хүмүүс үлгэр жишээг тань даган, Бурхан руу улам бүр тэмүүлж, энэ гараг дээрх хүн бүрийн төлөө илүү их сайн үйл хийх болно. Эс бөгөөс бид өдөр бүр дайн дажныг дэмжсээр байж, энэ нь явсаар насанд хүрэгчдийн, хүмүүс хоорондын дайн болон тэсрэх болно. Зөвхөн насанд хүрэгчид хоорондоо дайтаад зогсохгүй хүмүүс хэвлийд буй бяцхан үрс, нялх хурга, тугал, далайн жараахай, ойн бяцхан зэрлэг сармагчнуудын эсрэг дайтаж байна.
Хүн төрөлтөн гараг дэлхийн зэрлэг амьтдын тоо толгойг бууруулан гамшгийн түвшинд хүргэж, улмаар энэ нь олон экосистемийг мөхлийн ирмэгт хүргэлээ.Уур амьсгалын эрдэмтдээс ноцтой анхааруулга өгч байна. Дэлхийн 8 сая ургамал, амьтны зүйлийн 1 сая нь одоо мөхлийн ирмэгт тулсныг НҮБ-ын шинэ судалгаа тогтоожээ.Дэлхийн махны хэрэглээг хангахын тулд бид асар том дэлхийн аж үйлдвэрийг байгуулсан. Бид намгаас мөлхөж гарсан үеэс эхлээд эдүгээг хүртэл амьдарсан бүх хүмүүн төрөлтнөөс илүү олон төрөлтнийг жил бүр алж иддэг.Нэг шөнийн дотор Орос улс Киевт асар том агаарын цохилт өглөө. 400 гаруй довтолгооны дрон нисгэсэн хэмээн Украины армиас мэдэгджээ.Тайланд, Камбож улсуудын маргаантай хил орчмын тэмцэл хоёр дахь өдрөө үргэлжилж, энэ нь олон арван мянган хүнийг тэр бүс нутгаас дайжихад хүргэсэн бөгөөд аль аль талууд нэгнээ буруутгаж байна.Судан улсын иргэний дайн шинэ, аймшигтай нөхцөлд шилжлээ. Хагас цэрэгжилтийн шуурхай хүчнүүд Эл Фашер гэх гол хотыг эзэлснийхээ дараа ихээхэн аллага үйлдэв.
Бид бүхнийг сүйтгэж байна. Хүндэтгэл хүлээсэн, гэгээн албан тушаалтнууд олшрох тусам дэлхий дээрх зовлон зүдүүр улам бүр нэмэгдсээр байна. Үүнийг нэг тунгаан бодоорой.Мөн дэлхийн удирдагчид аа, та бүхэн ард иргэддээ илүү сайн амьдрал, амар амгаланг авчирч, тэднийг өөрийн гэр бүл, үр хүүхэд шигээ халамжлан хамгаалахаар сонгогдсон хүмүүс. Үүнийхээ яг эсрэгийг бүү хийгээрэй. Диваажингийн адис болон тамын гэсгээлээс илүүтэй өөрийн санал хураалт, хувийн ашиг хонжоондоо санаа зовохоо болигтун. Та нар дараагийн сонгуульд биш, харин тамд ямар байр суурь хүлээж байгаад санаа зовох хэрэгтэй. Хэрэв та нар тамд очиж үзвэл бүх төрлийн шашны олон олон лам хувраг, гэлэнмаа, номлогч янз бүрийн тамуудад унацгаасан байхыг харна. Учир нь тэд сайн сайхныг жинхэнэ утгаар нь дэлгэрүүлээгүй, шашныхаа ёс суртахууны хэм хэмжээ, буяны үйл, нигүүлслийг жинхэнэ утгаар нь сахиж чадаагүй учраас тэр. Тэд өөрсдөө илүү их ашиг хонжоо олохын тулд (шашны сургаалыг) өөрсдөдөө ашигтайгаар гуйвуулан тайлбарладаг. Буянтай лам хуврагууд, гайхалтай гэлэнмаа нар, ариун санваартнууд байгаа гэдэгт эргэлзэх зүйлгүй ч хэрэв тэд өөрсдийн шашны сахил санваар, зарчим дүрмийг чин үнэнчээр сахиж чадахгүй л бол тамд унах болно.Зарим Буддын лам нар байнга сахилуудаа зөрчиж байдгийг би мэднэ, ядаж л заримдаа зөрчдөг. Би хийдүүдэд, өөр өөр хийдүүдэд маш их хандив өгдөг, урьд өмнө нь дурдалгүй өгч байсан, нэг хүний хувьд, өөрт байгаа жаахан зүйлтэйгээ харьцуулахад үнэхээр их мөнгө өгдөг. Ялангуяа ажлаа эхэлж байх үедээ. Надад их мөнгө байгаагүй ч би хийд барихад зориулж хандив өгдөг байлаа, учир нь би лам гэлэнмаа, сүм хийдүүд хүмүүсийг зөв зүгт залж, тамд унахаас хамгаална гэдэгт итгэдэг байв. Гэсэн ч хов жив ярьсаар. Өөр хэн нэгний талаар хов ярьдаг эсэхийг мэдэхгүй ч миний тухай хов ярьдаг - интернэтээр хүртэл шүү. Зарим нь чимээгүй ярьдаг ч энэ нь өөр хаа нэгтээ илэрдэг учраас, мөн интернэтэд гардаг болохоор би ярьдгийг мэднэ. Би тэдэнд юу хийсэн юм бэ? Буруу юу заасан гэж? Хэрэв мэдсээр байж, өөрийнхөө тусын тулд ямар нэг буруу юм заасан бол Бурхан намайг үүрд тамд түгжих болтугай.Тэднийг уучлаач гэж би Бурханд залбирсаар байгаа. Гэвч хэрэггүй, утгагүй худал цуурхал тараах нь лам, гэлэнмаа нарын ажил биш.!!! Тийм нигүүлсэнгүй бус, тийм ёс зүйгүй, тийм талархах сэтгэлгүй байх гэж. Мэдээж би мөнгө олдог ч миний хувьд зөвхөн нэг хийдэд зориулж хагас сая доллар өгнө гэдэг бол жишээ нь миний амьдарч буй байдалтай харьцуулахад маш их мөнгө. Тиймээс тэдгээр гэгээн гэгдэх хүмүүс миний талаар, ямар ч үнэн зүйлгүй, намайг буруутган – хүмүүст сайн байхыг, сайныг үйлдэхийг, ёс суртахууны стандартыг дагахыг, сайн сахил сахихыг заахтай ямар ч хамааралгүй зүйлсийн талаар хов жив ярьсан байсан. Би хэзээ ч хэнд ч ёс суртахууны хувьд ямар ч буруу юм заагаагүй. Би хэзээ ч өөртөө ашигтай байх зүйл бусдад зааж байгаагүй. Олсон зүйлээ би өгдөг. Би өөрөө нэг долларт ч хэмнэлттэй ханддаг.Зарим шавь гэгдэгчид, манай бүлэгт нууцаар орж ирсэн хэд нь, эсвэл авшгаас юм сурах гэж тагнаж орж ирчхээд, гараад миний хүчийг, миний нэрийг ашиглан их багш болж, бүр үнэт эдлэлийн загваруудыг минь хүртэл хуурамчаар үйлдэх гэх мэт зүйлс хийн сайхан амьдрах гэдэг. Тэгээд олон үнэтэй цаг, машин г.м...худалдан авч, хэд гэж байгааг ч тоодоггүй, жишээлбэл Трань Там эсвэл Рума, г.м... үнийг нь ч асуудаггүй. Бас тансаг машин энэ тэртэй. Миний лам гэлэнмаа нарт тансаг машин ухаа байхгүй. Надад хэдэн тансаг мэт харагдах машин байгаа ч хоёр гурван гар дамжсан. Ганц хоёр л бий. Миний өмч, миний нэр дээр ч байдаггүй. Тэд над шиг үзэсгэлэнтэй хувцас өмсөж, тийм хувцас загвар зохион бүтээвэл над шиг харагдана гэж боддог. Намайг өөрсөдтэй нь тэнцүү гэдэг. Тэнцүү гэж юу вэ? Миний загвар энэ тэрийг хулгайлж, нууцаар үнэт эдлэл, дэнлүү мөн хувцас хунар хийдэг. Тэгээд засгийн газраар намайг татвараас зугтсан болгож буруутгахад хүргэнэ. Би тэгээгүй. Бүр – бүр – би мэдэхгүй болбол л татвар төлөөгүй байж мэднэ, гэвч би жил бүр төлдөг. Хувиараа биш л дээ, компани маань төлдөг ба би гарын үсэг зурдаг.Надад бол мөнгө хэрэгтэй хэмжээнд л байдаг юм. Банканд надад мөнгө байлаа ч сүүлийн үед тэгэхээс өөр аргагүй учраас юм. Би анх гарч ирэхэд надад ямар ч зээлийн кард байгаагүй. Бүх шавь нар маань банкан дахь мөнгийг зохицуулдаг байлаа. Надад хэзээ ч банканд данс байгаагүй улмаар, би шатахуунаа ч төлж чадахгүй болсон, учир нь шатахуун авахад зээлийн карт ашигладгийг би тэр үед ч мэдээгүй. Намайг зээлийн карт болон банкны данстай болсны дараа тэд өөр өөр газар нутаг, улс орнуудад шинэ асуудлуудыг үүсгэсэн, жишээлбэл, гал түймэртэй тэмцэх газар эсвэл цагдаа нар ийм их мөнгө хаанаас ирсэнийг нотлох баримт асууж, шаардаж байсан: ядуу хүүхдүүдэд зориулсан хэд хэдэн том ачааны машин дүүрэн хандивласан тоглоом, хүнсний банкууд, гамшгийн хохирогчид, ядуу гэр бүлүүд зориулсан, тэр ч байтугай цагдаа нарт зориулсан – Зул сарын баярын веган шоколад, өмнөх тусламжийнх нь төлөө талархал илэрхийлэх зорилготой гэх мэт... учир нь өмнө нь хэзээ ч, хэн ч ийм ихийг өгч байгаагүй.Мөн тэд бүр миний төлбөрийг нь төлсөн эсэхийг баталгаажуулахын тулд дэлгүүрүүдээр бүгдийг нь шалгасан; энэ нь энгийн, өдөр тутмын бөгөөд нэрээ нууцалсан байх ёстой. Дараа нь зарим сонин намайг ядууст зориулж зээлийн картаар хувцас худалдаж авдаг болохоор алдартай болохыг хүсдэг гэж хүртэл бичсэн байсан. (тэд энэ мэдээллийг цагдаа болон дэлгүүрүүдээс олж мэдсэн!). Хэрэв би үнэхээр нэрээ нууцлахыг хүссэн бол бэлэн мөнгөөр төлөх байсан гэж тэд хэлсэн! Тэр үед надад бэлэн мөнгө үлдээгүй байсан; Би Канадад байхдаа картаа дээд цэгт нь хүртэл ашиглаад, Испани руу буцах боломжгүй болж, нислэгийн төлбөрөө төлөхийн тулд гурван шавиасаа карт зээлэх хэрэгтэй болсон!!.Заримдаа би хэсэг хугацаанд картаа ашиглах шаардлагагүй байдаг, тэгээд л машин миний картыг залгичихдаг, Бусад үеүүдэд, үүнтэй адил зүйл банкны дотор тохиолдож байв – - би зөвхөн дөрвөн мянгыг авахыг хүссэн, гэвч банк миний картыг миний өмнө нэг ч үг хэлэлгүй хэрчиж хаясан. Би яагаад гэдгийг нь асуухаасаа хэтэрхий их ичсэн. Тэнд байсан хүн бүр над руу ширтсэн та нар юу болохыг нь ойлгож байгаа...!Тиймээс, би мөнгөнд минь анхаарал тавьж ирсэн оршин суугчдынхаа нэгний дансанд нэгдэж, ингэснээр тэр үүнийг илүү сайн анхаарч чадна гэж бодсон. Гэвч банк надад “түүний мөнгийг хулгайлахыг хүсэж байна” гээд намайг (...) дансных нь хамтран эзэмшигч болгоогүйгээс гадна, надад данс нээхээс татгалзсан. Тэгээд би Европт байхдаа би Испанийн (...) банкны салбарт данс нээхэд тэр банк гучин жилийн турш харилцаатай байсан хэрнээ, саяхан данс нээхийн тулд дахин өргөдөл гаргаж, мөнгөний эх үүсвэрээ дахин нотлох хэрэгтэй гэж хэлсэн – БҮХ ҮЙЛ ЯВЦЫГ дахин давж гарах хэрэгтэй. Би Испанид сүмд болон ойролцоох амьтан-хүмүүсийн асрамжийн газарт хандив өргөх мөнгө ч авч чадаагүй. Би тэндхийн хэд хэдэн амьтан- хүний асрамжийн газарт мөнгө хандивладаг байв. Банк намайг бичиг баримтаа янзалж, бүрдүүлэхийн тулд олон улсын хуульч олж авах ёстой гэж хэлсэн. Бурхан минь, би чадахгүй – би аюулгүй байдлаа хамгаалахын тулд зугтаж байхдаа өөрийн бүх хувийн мэдээллээ итгэлтэйгээр даатгах итгэлгүй байна, бас хаана ч удаан байж чадахгүй.Испанийн (...) банктай бас таагүй туршлага байгаа, тэд миний паспорттой ямар нэгэн асуудал байна гэж хэлээд Канадад ашрам худалдаж авахаар мөнгө илгээхийг минь зогсоосон. Гэхдээ би дэлхийгээр ЯГ ТЭР ПАСПОРТТАЙГАА аялж чадна, мөн тэд миний мөнгийг тэр л адил банкинд, мөн адилхан тэр паспортоор минь дансанд хүлээн авсан. Гэтэл хэдэн гудмын цаана байх (...) гэх миний АНУ-д болсон Катрина хар салхины хохирогчдод миний хувийн зүгээс хандив болгон 300,000 ам.доллар 300,000 ам.долларын хандивыг ямар ч асуудалгүй, ямар ч асуултгүй шилжүүлсэн!! Дараа нь би уг банкаа Унгарынх болгон өөрчлөхийг бас л болоогүй, учир нь Испани дахь (...) банк ерөнхийдөө Парибас мөн л зарим сөрөг зүйл хэлж, надад банкаа солиход минь туслахыг хүсээгүй. Тиймээс би энэ дансаа хаагаад бүх мөнгөө бэлнээр авсан!!! Гэх мэт...Аа, миний банкнуудын талаар өөр олон түүх бий. Би тэдний тухай үүрд мөнхөд ярьж чадна. Миний хувьд ойлгоход хэцүү байна. Дашрамд нь, би яагаад та нарт зориулсан үргэлж шинэ ашрамтай байж чаддаггүйг та нар одоо мэдэж байгаа байх гэж найдаж байна. БАНКНЫ ХҮНД СУРТАЛТАЙ ХАРЬЦАХАД АМАР БИШ!Гэвч кредит картгүй бол би заримдаа шөнө шатахуун түгээх газрууд хаасан үед би гудамжинд гацчихдаг. Унтах газар байхгүй, шөнө дунд, эзгүй хээр газар хаа сайгүй шумуул хазна. Тиймээс банканд данстай байх ёстой болсон. Мөн ашрам худалдан авахын тулд, бас энд тэнд яриа хийхээр явахад хэрэгтэй гэж гар дамжсан хуучин унаа машин авахын тулд данстай болсон. Бурхан минь. Яг одоогоор Бурхан намайг хаашаа ч явахыг зөвшөөрөхгүй байгаа. Нэгдүгээрт Бурхан миний аюулгүй байдалд санаа зовж буй. Хоёрдугаарт та нарын мэдэхчлэн, тагнуулууд хүртэл манай бүлэгт орж, асуудал тарьсан. Том мөн эсвэл жижиг эсвэл алуурчин-хүмүүс миний амь насанд заналхийлсэн. Тагнуулууд хаалганы минь өмнө, манай бүлэгт, гээд янз бүр. Тэдэнд орох арга, мэдээлэл авах энэ тэр арга нь байдаг.Одоо үед бэлэн мөнгө ч төлөх аргагүй болж. Уг нь бол би бэлэн мөнгө авч яваад гудамжинд хүмүүст өгөх юм уу жижиг бизнесүүд оршин тогтног гэж тэднээс юмс худалдан авдаг байлаа. Гудамжинд байдаг жижиг бизнесүүдэд зээлийн кард унших төхөөрөмж байдаггүй. Гудмаар байгаа гуйлгачдад чекийг минь солиулах данс байдаггүй. Орон гэргүй хүмүүст өөрсдийгөө нар салхинаас хамгаалах зөвхөн майхан л байдаг. Тэдэнд би яаж бэлэн мөнгө болгоорой гээд чек эсвэл зээлийн кард өгөх вэ? Гэхдээ орчин үед бараг л бүх юм дижиталаар хийгддэг болж. Тиймээс одоо надад бэлэн мөнгө байхгүй. Байлаа ч бэлэн мөнгө зарцуулах боломжгүй болж. Энэ бүх дижитал зүйлсийг би хэрхэн хийхээ мэдэхгүй. Би бас хаа явсан газраа хэний ч юм гарт нэрээ хэлээд байхаас эмээж байна. Хүмүүсийн хувьд амьдрал улам л дордсоор.Photo Caption: “Сайтар Бэлтгэсэн Хүмүүст Бүх Өвөл Мэдрэгдэхгүй”
