Энэхүү нууц дайныг зогсоовол бүх дайн зогсож, дэлхийд өнө удаан үргэлжлэх жинхэнэ энх тайван цогцолно, 9-ын 9-р хэсгийг Багш шавийн

Энэ бүх дижитал төрлийн систем настай хүмүүсийг төөрөлдүүлнэ. Тэд нийгмийг бүрэн бүтэн байлгах гэж, засгийн газрыг санхүүжүүлж насаараа зүтгэсэн. Гэтэл одоо өтөл насандаа тэд дижитал төрлийн хүнд сурталд санаагаа чилээнэ, үүнийг тэд насан туршдаа мэдэхгүй ойлгохгүй ч байж мэднэ. Та нарт үнэнийг хэлж байна. Би бас энэ дижитал зүйлсийн талаар сайн мэдэхгүй. Энэ зэрлэг дэлхийд би үнэхээр өрөвдөлтэй эмэгтэй. Би ийм зүйлсийг өмнө нь хэзээ ч сурч байгаагүй, учир нь өмнө нь үргэлж надад эдгээрийг хийх нарийн бичиг байж ирсэн, юмс одоогийнх шиг ийм ээдрээтэй байгаагүй. Хэрэв би хаа нэгтээ явахыг хүсвэл чимээгүйхэн нисэх буудал ороод тэндээсээ тийзээ худалдаж авдаг байлаа. Байр худалдан авахыг хүсвэл зүгээр л нэг байшин худалдан авч банк болон агентлаг бүгдийг нь зохицуулдаг байв. Гэсэн ч би олон удаа төөрч байсан.

Би хэзээ ч ганцаараа таксигаар гэрээ юм уу ашрамыг эсвэл хаанахыг ч олж чаддаггүй. Дандаа хэн нэгэн байх шаардлагатай байдаг, үгүй бол хаа нэгтээ төөрвөл тэднийг дуудах ёстой болно. Заримдаа шөнө орой болсон болохоор тэднийг дуудаж чадахгүй, онгоц оройтож ирж, бас тэдний утас хаагдсан байдаг. Миний төлөө ажилладаг бүх хүний дугаар надад байдаггүй. Одоо ч би надад ажилладаг хүмүүсийг мэдэхгүй, и-мэйл, утасны дугаарыг нь мэдэхгүй. Мэдэхгүй. Би хүмүүс рүү залгадаггүй. Тэднээс асуудаггүй. Тэдэнд төвөг уддаггүй юм. Зарим нэг ажлын багийнхантай л ажилладаг, бүгдтэй нь биш, байрлаж байгаатай хэдтэй ч бүгдтэй ажилладаггүй. Тэд миний дугаарыг мэдэхгүй. Би тэдний дугаарыг мэдэхгүй. И-мэйл хаягийг ч мэдэхгүй. Тэдэн рүү яаж юм явуулахаа мэддэггүй. Би зарим нэг л ажлын багийн гишүүд рүү илгээдэг бөгөөд тэд над руу тусгайлан юмс явуулж, надаас юмс хүлээн авч, над руу багцлаад нэг болгож илгээдэг.

Би ямар ч тийм зүйлст, өндөр технологийн юмст сайн биш. Сүүлийн хэдэн жил л би АйФөүн барьж байна. Өмнө нь бугуй шигээ жижиг утас барьдаг байлаа. Түүгээрээ зөвхөн утсаар л ярина. Эсвэл нэг удаа мессеж бичсэн ч өмнөх нь надад хялбар байсан. Одоо бол би ашиглаж чаддаггүй. Надад АйФөүн энэ тэр байгаа ч хэрхэн мессеж бичихийг ч мэдэхгүй. Өдийг хүртэл би мессеж ч бичиж чаддаггүй. Би бас сүүлийн үед юу бичдэг, хаана амьдарч буйгаа утсаар бусдад хэлэхийг хүсдэггүй болохоор ашигладаггүй юм.

Дээрээс нь одоо урьдчилж харах ёстой болсон, шууд нисэх буудал ороод төлөх боломжгүй, зээлийн карт энэ тэр байсан ч урьдчилж захиалах ёстой. Тиймээс би хаа нэгтээ явъя гэвэл аюулгүй эсэхийг бодолцох ёстой. Учир нь хэрэв би дугаараа илгээчихвэл тэд надаас... Нэг удаа хэдэн жилийн өмнө би нисэх буудал дээр очоод явах нислэг авахыг хүссэн. Би урьдчилж захиалаагүй болохоор тэд зөвшөөрөөгүй. Би, “Одоо захиалж болохгүй юм уу?” гэхэд тэд, “Болно.” гэв. Тэгээд би нэр усаа хэлэхэд тэд и-мэйл хаягаа өгөөрэй гэв, би “Надад байхгүй.” гэхэд тэд бүр итгэж чадаагүй. Намайг өөрсдийг нь хуурч байна гэж бодсон ч надад үнэхээр и-мэйл байхгүй. И-мэйл байлаа ч бас хэрхэн ашиглахыг мэдэхгүй. Ойр ойр ашигладаг байхгүй бол яаж ашиглахыг мэдэхгүй. Би мартчихна. Ашиглахгүй л бол мартчихдаг.

Дээрээс нь одоо би дэргэдээ дандаа нарийн бичигтэй байх боломжгүй. Боломжгүй. Мөн зөвхөн такси юм уу хүргэлтийн хүнд найдах нь бас сул талтай. Үе үе захиалсан зүйлс өөрөөр хүрээд ирдэг, буруу юм. Үүнийг зохицуулах үнэхээр хэцүү. Тиймээс буруу байлаа ч би буцаадаггүй. Яаж гэдгийг мэдэхгүй. Зүгээр л үлдээдэг. Буцаая гэвэл маш их асуудал болно. Хэт их бичиг цаасны ажил энэ тэр болно. Гараад буцаагаад явуулж чадахгүй учраас үлдээдэг юм. Эсвэл заримдаа боломжтой бол бусдад өгнө. Такси юм уу түгээлтийн хүн ойр байвал тэдэнд өгдөг. Тэгээд тэд өөр хүнд өгнө. Тэд бол хэзээд хоол үнэгүй тараадаг газар, буяны газарт өгөх боломжтой. Харин би бол ийм зүйл хийж өөрийгөө харуулаад байдаггүй. Түгээлтийн хүн хүртэл хаа нэгтээ ойролцоо орхиж, дараа нь би тэндээс нь авдаг. Хэрэв хэт хүнд байвал би тийш нь өргөж аваачиж дийлэхгүй. Тиймээс би тэр өдрийн нөхцөл байдлын дагуу амьдардаг. Гэхдээ би зүгээр хэвээр. Энэ бүхнийг зохицуулж чадна. Харин тийз захиалж, урьдчилж виз хүсэхэд жаахан эмээх юм, учир нь нэрээ олон өдрийн өмнө урьдчилж илгээх ёстой. Тэр оффист хэн намайг таньдгийг таашгүй. Мөн тэр хүн нь хэн бэ гэдгийг, юу хийдгийг нь таашгүй. Тагнуул байж ч мэднэ.

Сүүлийн үед маш олон зүйлс тун амаргүй болсон. Олон шинэ хуулиуд нь үнэхээрийн логикгүй. Гэвч дайнаас болоод бас тэгж байгаа байх. Тиймээс зарим улс орны засгийн газрууд болгоомжлох ёстой гэж бодсон байх. Төрөл бүрийн тоног төхөөрөмж, батлан хамгаалах зүйлстэй том улс орон, жишээ нь Европ шиг том газар тийм болгоомжтой хандаж байна гээд төсөөл дөө. Над шиг жижиг хүн яах вэ? Хүмүүст зааж сургах гэж, энэ бүх зовлонг туулах гэж энэ дэлхийд би ахиж ирмээргүй байна. Жишээ нь энэ хэнээтэй, харанхуй мунхаг, хэт туйлшрагч, логикгүй засгийн газрын хуулиас болоод шүү дээ. Дайнаас болж олон улс орон их чанга хяналттай болж, олон систем бий боллоо. Тэд өөрсдийгөө хамгаалахын тулд юмсыг хянаж болно гэж боддог ч, ард иргэдэд нь тийм ч тухтай байдаггүй. Миний хувьд улам л их төвөгтэй болсоор байна.

Гэхдээ зүгээр дээ, би энд та нартай байсаар байна. Миний Адис өмнөхөөсөө буураагүй. Үнэндээ улам бүр нэмэгдсээр байгаа. Тиймээс та нарт анхаарал халамж тавих болно. Бүү санаа зов. Хэрэв та нарын хэн нэг нь мунхгийн улмаас доод түвшний асурын төрөлтнүүд, эсвэл чөтгөрүүдийг дагаж байгаа бол гэмшиж, зааж сургасан замаараа дахин бясалгаж дадуулахаар эргэж ирэх ёстой. Учир нь миний та нарт заасан сургаалд ганц нанометр төдий ч буруу зүйл байхгүй. Та нарыг хохироох юу ч байхгүй. Бүх зүйл та нарыг хамгаалахын тулд, эргээд жинхэнэ Гэртээ харихын тухайд байдаг. Энэ дэлхий бол хий хуурмаг. Хуурамч. Яг л биеийн тань сүүдэртэй адил.

Та нарт зааж сургаснаараа би юу ч завшихгүй. Та нараас би мөнгө авдаггүй, миний төлөө ямар нэг юм хий гэж ч гуйдаггүй. Дэлхий ертөнцөд тустай, өөрсдийн тань буян заяанд сайн гэдгийг мэдэх учраас та нар энэ бүхнийг хийхийг хүсдэг. Сайн дураараа хийдэг. Өөрсдөө ирж сайн дураараа хийдэг. Би хэзээ ч та нарыг ямар нэг юм хий гэж хүчилдэггүй. Мэдээж, номын олон ахын эгч нар тань Суприм Мастер ТВ болон бусад зүйлст ямар ч хувь нэмэр оруулдаггүй ч тэд байсаар л байгаа, тэд адис болон хамгаалалтаа хүртсээр л байгаа. Би та нараас юу ч хүртдэггүй, харин ч муу үйлийн үр, аюултай үйлийн үр авч, эрх чөлөө, амар амгалангаа хязгаарлуулахад хүрдэг. Та нар мэдэж байгаа шүү дээ

Хэрэв аль нэг орны иргэн миний сургаалаас ухамсартайгаар суралцаж, Бурханаас шууд адис хүртвэл тухайн улс адислагддаг. Засгийн газрын албан хаагчид, засгийн газрын тэргүүн, төрийн тэргүүн санаа зоволтгүй нам хурхираад унтаж, сайн идэж, сайн хооллож байж болно. Яагаад гэвэл манай шавь нар тэдэнд олдохгүй шилдэг иргэд. Гэтэл тийм биш, би ихэвчлэн хавчигдан дарамтлуулж, нуугдаж, аюулгүй байдал, эрх чөлөөнийхөө төлөө амь тэмцэн зугтах ёстой болдог. Нэг л өдөр тэд бүгд намайг ард иргэдэд нь, улс оронд нь, мөн дэлхийд зөвхөн сайныг л хүсэж байсныг ойлгоно гэж найдаж, үргэлжлүүлэн тусалсаар байхын тулд зугтах ёстой болдог. Өдийг хүртэл элдэв тавгүй байдал, асуудал, аюул, заналхийллийг туулсаар байна.

Дэлхийн ухаалаг удирдагчид, шашны ариун тэргүүнүүд яаж бусад хүмүүсийн зовлонг үл тоож чаддагийг үнэхээр мэдэхгүй юм. Эхийнхээ хэвлийд байгаа нялх үр, амьдаараа махны машин руу шидэгдэж буй бяцхан дэгдээхэй болон эхээс нь хүчээр салгасан нялх тугал, ачааны тэрэгний араас уйлан хоцрох үнээ зэргийг хэрхэн үл тоомсорлодог юм бол. Тэд энэ бүхнийг интернэтээс үзсэн л байгаа. Энэ төрөлтнүүд ямар зовлон туулдгийг тэд мэдэх ч хараагүй мэт дүр эсгэж, энэ бүх аллага үйлддэг байгууллага, бүлгүүдэд бүр хуулийн дагуу, ил тодоор тусалж, дэмжиж, татаас олгож, хувь нэмэр оруулсаар байна. Гэтэл энэ зуураа тэд цаг зав, мөнгө санхүү, онгоцны түлш, татвар төлөгчдийн мөнгийг зарцуулан энх тайвны уулзалт хийж, энхийг хүсэж, бүр нэлээд нь энх тайвны төлөө залбирч байна.

Орчин үед бүх мэдээлэл нээлттэй, интернэтэд ил тод байж байгаа болохоор аливааг мэдэхгүй гэх хэцүү. Онлайнаар хаа сайгүй байгаа. ГЭХ МЭТ... Тийм болохоор би нэг л өдөр, магадгүй маргааш урцаа нээхдээ дэлхий ертөнц амар амгалан болсныг, бүх амьд оршихуй Бурханы таалал ёсоор төрийн хууль цаазаар хамгаалагдсаныг харах болно гэж найдаж байна. Бүгдээрээ хамтдаа жаргалтай амьдарч, бие биедээ тусалж, нэгнийхээ зовлон зүдүүр, шаналлыг ойлгож, түүнийг нь нимгэлэхэд тусалдаг тийм ертөнцийг. Тэгвэл энэ гараг дээр хэн ч дахин гуниг зовлонгийн нулимс унагахгүй, харин зөвхөн аз жаргал, сэтгэл ханамжийн нулимс дуслуулж амьдрах болно. Бүх нүгэл, гэм бурууг маань үл харгалзан Бурхан биднийг хайрласаар, бидэнд нүглээ наманчилж, буруу замаасаа эргэн, Бурханы таалалд нийцүүлэн жудагтай, буянтай амьдрах цаг хугацаа олдох болтугай. Эзэн Бурхан Танд талархъя. Амен.

Photo Caption: “Зарим Төрх Хүчтэй Мэт Харагдавч Үнэндээ Маш Эмзэг Байдаг”

Зураг татаж авах