Дэлгэрэнгүй
Татаж авах Docx
Дэлгэрэнгүй уншаарай
Биет ертөнцөд Их Багш элдэв зүйлд шаналж, өвдөж, дооглуулж, доромжлуулж, хараалгаж, гүтгэгдэх зэрэг бүхий л зүйлийг туулж байгааг та бүхэн харж магадгүй. Гэвч энэ бүхэн Их Багшийн үл үзэгдэх ертөнцөд нэгэн зэрэг, эсвэл өөр цаг үед туулах ёстой зовлонтой харьцуулахад юу ч биш юм. За. Тэгэхээр олон хүн Их Багш болмоор байна гэж хэлдэг тул дахин нэг сайн бодож үзээрэй гэсэндээ би үүнийг бага зэрэг цухуйлгаж байгаа юм. Тэгтэл миний шавь гэгдэх зарим хүн ердөө хүрч ирээд зөвхөн бүх онол, үг сургаал, зааврыг сонсоод, өчүүхэн төдий адислал хүртэж, эсвэл хэт анхаарал нь сарнисан, шунал хүсэлтэйгээсээ болоод юу ч хүртэж чадаагүй атлаа удаж төдөлгүй олны өмнө өөрсдийгөө “хатагтай их багш”, “ноён их багш” хэмээн тунхаглаж, энэхүү цол хэргэм болон өчүүхэн мэдлэгээ ашиглан нэр алдар, ашиг хонжоо олж, хүмүүсийн эд мөнгийг мөлжин, сэтгэл санааг нь хохироож, бие махбод, бэлгийн нүгэлт дарамтыг өсвөр насныханд хүртэл үзүүлдэг! Энэ бол үйлдэж болох хамгийн том нүгэл бөгөөд үүнийхээ горыг тамд амсах болно. Ямар нэгэн Багшаас, эсвэл надаас авшиг хүртсэн гэдгээрээ далимдуулж, Орчлон ертөнцийн Хууль дүрэмд харшлах, эсвэл бүр энэ биет ертөнцийн хуулийн эсрэг ч аливаа зүйлийг дур мэдэн үйлдэж болохгүй. Учир нь АВШИГ ГЭДЭГ БОЛ ЗҮГЭЭР НЭГ АМАН ЗААВАРЧИЛГАА БИШ. ХАРИН АВШГИЙН ЧИМЭЭГҮЙ МӨЧИД СҮНСНҮҮДЭД БУРХАНЫ ГЭРЛИЙГ ХАРУУЛЖ, ТЭРХҮҮ ГЭРЭЛ ӨӨД ХӨТЛӨН, ХАРАНХУЙГ ҮЛДЭН ХӨӨЖ, ХҮМҮҮСИЙГ ТАМААС ГЭТЭЛГЭН, АВШИГ ХҮРТЭГЧДИЙН ОЛОН ТӨРӨЛ ТӨРӨГСӨД, ОЛОН ҮЕИЙГ ТАМААС ЧӨЛӨӨЛӨН, АВШИГТНУУДЫГ ДИВААЖИНД ДЭВШҮҮЛЖ, ЭНЭ НАСНЫ АМЬДРАЛЫГ НЬ ХАРЖ ХАНДАХЫН САЦУУ НЭГЭН ЗЭРЭГ ДИВААЖИНД ЗОЧИЛЖ БАЙХ БОЛОМЖ ОЛГОДОГ ГЭХ МЭТ ОЛОН ТАЛТАЙ ХҮЧ ЮМ. Гэтэл та шунахайн сэдлээр ЖИНХЭНЭ БАГШИЙН зөвхөн гадна талыг дуурайж, дотроо Бурханы ямар ч ариун хүчгүй байвал чөтгөрүүд таны хуурамч дүр төрх, алдар нэр, ашиг хонжоо хөөсөн шуналыг ашиглан буруу зам руу хөтөлнө. Ингэснээр та өөртөө ч, гэнэн итгэмтгий бусдад ч хор хүргэнэ. Эцэст нь хоёулаа чөтгөрийн боол болж, бүр олон хүнд гай тарина!!! Таныг мөнхийн тамд хамгийн аймшигт шийтгэл хүлээж байгаа!!! Үйлийн үрийн Хаан энэ бүгдийг тэмдэглэж байдаг бөгөөд та бүхэн бусад эмзэг, гэм зэмгүй дагагчдад учруулсан зүйлийнхээ төлөө түм дахин, сая дахин, эсвэл хязгааргүй их төлөөс төлөх болно. Би та нарт өмнө нь арай товч, арай зөөлнөөр хэлж байсан байх. Гэхдээ та нар мэдэх ёстой: үйлийн үр хэнийг ч хэзээ ч уучилдаггүй. Их Багш Баба Саван Сингх Жи Махараж Өөрийнхөө хүмүүст олон авшигтан тамд унаж, тэндээ үлдсэн гэдгийг хэлж байсан юм. Та нарыг айлгах гээд ч юм уу ийм зүйл хэлээд байгаа хүн ганцхан би биш. Юу нь сайхан байх вэ дээ? Та нарыг айлгасны хэрэг юу байх билээ? Би юу хожих вэ дээ? Хэрэв намайг үзэн яддаг бол бүр илүү үзэн ядуулахын тулд уу? Гуйж байна, намайг битгий үзэн ядаарай. Үүнээс та нар юу ч хожихгүй, би ч юу ч алдахгүй. Магадгүй миний нэр хүнд энд тэнд бага зэрэг унах байх. Гэхдээ энэ нь надад юу ч биш. Би ердөө ч тоохгүй. Би эртний мододтой энэ ойд ганцаараа амьдарч байна. Тэд надад хэзээ ч хор хөнөөл учруулахгүй. Эндхийн олон мод Тавдугаар түвшинд байгаа. Харин та нар, та нар одоо хаана байна вэ? Тэнгэр баганадсан барилга, байшин сүндэрлүүлж, Сар, Ангараг, Сугар, эсвэл хүссэн газар руугаа явах гайхалтай хөлөг зэмсэг бүтээх чадвар, оюун ухаан, нөөц боломжтой хүмүүсийн хувьд шүү дээ. Та бүхэн Дэлхийгээс сая гаруй гэрлийн жилийн алсад байгаа үзэгдлийг ч харж чадаж байна. Гэтэл сүнслэг хөгжлийн хувьд хаана байна вэ? Өөрсдөөсөө асуу, юу хийж байгаагаа хар. Дайнд ялсан ч, ялагдсан ч та бүхэн юу ч хожихгүй. Зүгээр л арай илүү хэдэн зоос, хэдэн байшин, хэдэн машин, хэдэн бие хамгаалагч, тэгээд амь насандаа халдах вий гэсэн илүү их айдас уу? Тэгээд ч та нар тэр бүхэндээ хэр удаан эзэн суух юм бэ дээ? Хэр удаан? Яг л ноён Путин шиг. Тэр улс орондоо төдийгүй амьтан-хүмүүст, тэр бүгдэд маш сайн ханддаг байсан шүү дээ. Тийм хайр энэрэлтэй хүн гэмээр харагдаж байсан атлаа тэр өөр улс руу халдан довтолж, учир утгагүй аллага хядлага, аймшигт зүйлсийг хийж байна. Энэ нь түүнд маш хүнд, муу тамын үйлийн үрийг авчирна. Яг одоо ноён Путины дүрд тоглож байгаа хэн ч бай, танд хэлье, хэрэв та больж, гэмээ наманчлан, одоогоос арван хоёр хоногийн дотор ЭНХ ТАЙВНЫГ тогтоовол би таныг, сүнсийг тань аврах болно гэдгээ амлаж байна. Би үүнийг Бурханаар гэрчлүүлэн, Эзэн Есүсийн нэрээр, бүх Гэгээнтэн, Мэргэдээр гэрчлүүлэн, мөн дэлхийн бүх хүнийг гэрч болгон хэлж байна. Тиймээс энэ бол жинхэнэ амлалт юм. Зөвхөн ноён Путин ч биш, сүүлийн үед ямар ч зөв шалтгаангүйгээр дайн хийж буй та нарын хэнийг ч бай би уучилж, БУРХАНЫ ИВЭЭЛЭЭР хүчээ ашиглан, сүнсийг тань авран, хүлээж буй тэрхүү хэний ч төсөөлөхөөргүй аймшигт тамаас аврах болно. Би энэ үнэнийг та нарт хэлснээр аюулгүй байдлаа эрсдэлд оруулж байгаагаа мэднэ. Гэвч дайны бүх хохирогчдын төлөө би үүнийг хэллээ. Маш олон дайн өдөөгч хэдийн байхгүй болсон. Зарим нь тамд унасан, зарим нь улс төрийн тавцангаас арчигдсан. Хэтэрхий оройтохоосоо өмнө ЭНХ ТАЙВНЫ замаар замнаж, өөрийгөө хамгаалах тухай бодоорой! Та дайн хийж буй удирдагчийн тэргүүлэх үүргийг гүйцэтгэдэггүй байсан ч хэрэв удирдагчдыг дайн хийхэд өдөөж, улс орнуудыг дайнд татан оруулах, эсвэл дайн өдөөх түүх зохиож, дайныг дэмжих нөхцөл бүрдүүлэхийн тулд зэвсгийн худалдаагаар сайрхаж, өөрийн иргэдийг ямар ч үндэслэлгүйгээр харгисаар дарангуйлж, алж, хорьж, улмаар дотроос нь, эсвэл гаднаас нь дайны нөхцөл байдал үүсгэж байвал дайн өдөөгчдийнхтэй адил ангилалд орж, тамын тарчлаант үр дагаврыг хүртэх болно!!! Өөрийн, эсвэл бусад улсын иргэдийг дарангуйлж, дээрэлхэж, тарчлаахыг ч бас дайн хийх, дайн өдөөх, дайны шалтгаан бий болгохтой адилтгана. Учир нь бусад улс орнууд тэдний зовлонг, тусламж гуйхыг нь үл тоомсорлож чадахгүй, энэ нь мөргөлдөөн үүсгэх нөхцөл бүрдүүлж, улмаар тамын үр дагаварт хүргэх нь гарцаагүй. Тэрхүү зовлон ямар байдгийг та нар хэзээ ч төсөөлөхгүй. Хэн ч төсөөлж чадахгүй. Тиймээс л хүмүүс үр дагаврыг нь мэдэхгүйгээр нүгэл үйлдсээр байдаг!! Тиймээс удирдагчид аа, та нар бүгд дахин дайн эхлүүлж, хүмүүст, гэм зэмгүй хүмүүст, эмэгтэйчүүд, хүүхэд, хөгшдөд хор хөнөөл учруулахаасаа өмнө дахин дахин тунгааж үзээрэй. Хамгийн хүнд хор хөнөөл та нарт өөрсдөд тань л тусна. Зогсоогтун. Одоо наманчлагтун. ОДООХОН энх тайвныг тогтоогтун. Дайн дажин, зэвсэг хэрэгсэлд үрэгдэж буй тэр их хөрөнгөөрөө ард иргэддээ болон дэлхийн бусад хүмүүст туслаарай. Энэ нь та бүхэнд мөнхөд Диваажинд очих эрхийг олгоно. Та бүхэн энэ насандаа хүмүүсийг удирдах хүндтэй суудалд сууна гэдэг урьд насандаа ямар нэгэн агуу зүйл хийснийх биз. Хэрэв Бурхны хүүхдүүдийн төлөө сайн үйлс бүтээвэл та нар энэ насандаа төдийгүй Диваажинд очоод ч хэчнээн их алдар нэрийг хүртэхээ төсөөлөөд үзээрэй. Би та нарт зөвхөн үнэнийг л хэлнэ. Би улс төр сонирхдог хүн биш. Надад хамаагүй. Би улс төрийн ямар ч зүйлд дургүй. Энэ бүхнийг хүн төрөлхтний төлөө, тэдний зовлон сэтгэлийг минь өвтгөж байгаа учраас хэлж байна. Дайны зовлонгийн талаар урьд хожид миний илүү их ярьж, та бүхнээс зогсоохыг шаарддаг тэр бүхэн бол та нарын дэгдээсэн дайнаас болж шаналж буй тэр бүх хүний төлөө зүрх минь шимширч буйнх юм. Эдгээр зүйлсийг хэлснээрээ би амь нас, аюулгүй байдлаараа дэнчин тавьж байна. Хэрэв та нар Бурхны хүүхдүүдийн төлөө сайн үйлс бүтээвэл Диваажингийн Хаад ч болно. Учир нь та бүхэн энэ дэлхийн хамгийн дээд суудалд аль хэдийн томилогдсон бөгөөд дэлхий дээр та нараас дээгүүр эрх мэдэлтэй хэн ч байхгүй байна. Та бүхэн энэ болоод тэр улсын, хүчирхэг гүрнүүдийн ерөнхийлөгч, ерөнхий сайд нар бөгөөд ард иргэдээ бүхнээр хангаж байна. Тэд та бүхнийг хайрлаж, та бүхнийг биширч, саналаа өгч, гаргасан зөв шийдвэр бүрийг тань дэмждэг. Тэд та нарыг сонгосон, тэд та нарыг дэмждэг, тэд та нарт урам зориг өгч, та нарыг хамгаалдаг. Тиймээс хэрэв та бүхэн бусдад тустай, илүү их буянтай сайн үйлс бүтээвэл тэр буян тань арван мянга дахин үржиж эргэж ирнэ гэж төсөөлөөд үз дээ. Та бүхэн үүнийг ойлгосон ч, үгүй ч миний хэлсэн бүх үг үнэн юм шүү. Би та нарт үнэнийг хэлж байгааг Бурхан гэрчилнэ. Энэ тухай тунгаан бодоорой. Илүү их сэрж, зөв үйл хийж, илүү их буян хураахад тань туслахыг гуйн Бурханд залбир. Ингэснээр та бүхэн зөвхөн энэ улс, тэр улсын хаад байгаад зогсохгүй дэлхий, тэр байтугай Диваажин Тэнгэр, Газрын хаад ч болж чадна. Зөвхөн энэ улсын ерөнхийлөгч, эсвэл тэр үндэстний ерөнхий сайд байгаад зогсохгүй та бүхэнд хавьгүй илүү хүчирхэг байр суурь, асар их эрх мэдэл итгэмжлэгдэн ирэх болно. Гэвч хэрэв та бүхэн бусдад зовлон зүдүүр, гай барцад учруулсаар байвал тэр нь тухайн хүмүүсийн үйлийн үр байлаа ч гэсэн та өөрөө тамд маш их зовлон амсах болно. Энэ мөнхөд ч үргэлжилж мэднэ. Тэгээд бүр хэн ч танд тусалж чадахгүй. Тэнд таны гуйхыг ч, хашхирахыг ч хэн ч сонсохгүй. Танд уйлах ч зав чөлөө олдохгүй. Там бол таны авлига өгч болох газар биш. Та зугтаж чадахгүй. Энэ дэлхийн эрхэм хүндэт, хүчирхэг, агуу удирдагчид аа, миний хэлсэн үгийг санаж яваарай. Ганц танай улсын хуулиас гадна өөр бусад хуулиуд байдаг юм шүү. Ганц танай улсын шүүхээс дээгүүр өөр шүүлтүүд бий. Өөрийн улс дахь эсэргүүцэгчдээ шоронд хорьж, эрүүдэж чадах тэр шийтгэлээс чинь хавьгүй аймшигтай цээрлэлүүд бий шүү. За, намайг хүлээж буй ажил маш их байгаа тул ингээд өндөрлөе. Та нарын зарим нь ч болов, эсвэл та нар бүгдээрээ миний энэхүү чин сэтгэлийн үнэн үг, зөвлөгөөг сонсож, өөрсдийгөө, төрөл садныгаа, хайртай хүмүүсээ, цаашлаад бүх дэлхийгээ аврах байх гэж найдаж байна. Баярлалаа. Одоо бүгдээрээ Марагийн Хаан (Эрлэг Номун Хаан)-ы тухай ярилцъя. Үүний дараа би Түүнээс хүмүүс тамд унахаас зайлсхийх, муу үйлийн үрийн үр дагавраас мултрах тийм ч хэцүү биш арга зам бий эсэхийг асуусан юм. Тэгэхэд тэр надад, тийм ээ бий, энэ тухай болон орчлон ертөнц, биет ертөнцийн зарим хууль дүрмийн тухай мэдэх зүйл өөрт нь байгаа гэж хэлсэн. Тэгээд би түүнээс “Бидэнд хэлж өгнө үү.” гэж хүслээ. Та бүхэн илүү дээр амьдралыг сонгож, энэ дэлхийд, зовлонт амьдралд дахин төрөл авч илүү зовохгүй байх, эсвэл тамд унаж бүр ч аймшигтайгаар үүрд зовлонд унахгүй байхын тулд мөрдвөл зохих арван дүрмийг тэрээр өөрт байсныг хуваалцсан юм. Нэгдүгээрт. Хэллэг нь та нарт хачин санагдах ч би түүний хэлснийг яг байгаагаар нь дамжуулж байна. “Амь бүү хөнөө.”, эсвэл “Амь хөнөөхөөс цээрлэ.” гэхийн оронд тэрээр “Гэм зэмгүй нэгний амийг хөнөөхгүй байхыг эрхэмлэ.” гэж хэлсэн. Би үүнийг маш товч тэмдэглэж авсан тул та нарт зөвхөн утгыг нь ойлгуулах гэж хэлж буй зүйл минь хэл зүйн дүрмийн алдаа мадагтай байвал намайг өршөөгөөрэй. Хоёрдугаарт: “Сэрэл мэдрэхүйтэй төрөлтнүүдийн амийг хөнөөхгүй байхыг эрхэмлэ.” Үүнд амьтан-хүмүүс ч багтана, мэдэж байгаа биз дээ? Гуравдугаарт: “Эх дэлхий дээр хамтдаа оршиж буй хамаг төрөлтнийг хайрла.” Тэр зөвхөн хүмүүсийг хайрла гэж хэлээгүй. “Хамтдаа амьдарч буй бүх амьд төрөлтнийг хайрла.” Дөрөвдүгээрт: “Худал хэлэхгүй байхыг эрхэмлэ.” Манай бүлгэмийн сахилд бол бид “Худал бүү хэл. Үнэнийг өгүүл.” гэж хэлдэг. Гэвч тэр үргэлж урд нь “хайрла” (эрхэмлэ) гэдэг үгийг оруулж хэлж байсан нь гайхалтай. Тэгэхээр дөрөвдүгээрт: “Худал хэлэхгүй байхыг эрхэмлэ.” Тавдугаарт: “Байгалийг сүйтгэхгүй байхыг эрхэмлэ.” Байгаль. Тийм ээ, миний бодлоор ой мод, гол мөрөн, уул нурууд, далай тэнгис энэ бүгд байгаль юм. Тиймээс “Байгалийг сүйтгэхгүй байхыг эрхэмлэ.” Зургаадугаарт: “Ой модыг нүцгэлэн үлдээхгүй байхыг эрхэмлэ.” Тэр яг ингэж хэлсэн. “Мод бүү тайр.” гэсэн үг байх. Долоодугаарт: “Урсгал усыг таслахгүй байхыг эрхэмлэ.” Өө, энэ магадгүй “Бүү...” Түүнээс асуугаад орхиё. “Урсгал усыг тасалдуулахгүй байхыг эрхэмлэ.” Тэр надад нэгэн нууц төслийн тухай хэллээ. Нэгэн газар нутгийг өөр зорилгоор ашиглахын тулд урсгал усыг нь боож хаан, эсвэл голдирлыг нь өөр тийш нь чиглүүлж, энэ нь байгаль орчинд хор хөнөөл учруулаад зогсохгүй тухайн гол мөрний сав газрын оршин суугчдыг ган гачигт нэрвэгдүүлж, харин төслийг хэрэгжүүлж буй бүлэг хүмүүс үүнээс ашиг олж байгаа ажээ. Тэд урсгал усны ойролцоо амьдарч буй уугуул оршин суугчдын эрх ашгийг үл хайхарч, тэдэнд янз бүрийн байдлаар хор хохирол учруулж байна. Тиймээс, хэрэв тиймэрхүү нууц төсөл хэрэгжүүлж байгаа бол нэн даруй зогсоохгүй аваас асар хүнд үйлийн үр хураана. Та нар тамд төрж, асар удаан, маш удаан хугацааны туршид хэн ч танд ганц ч дусал ус өгөхгүй өдөр шөнөгүй (24/7) ангаж цангахын зовлонг эдэлнэ. Тэр ч байтугай улам их цангаах гээд нэгэн зэрэг галд шатааж ч магадгүй. Энэ бол долоо дахь нь байлаа. Photo Caption: “Урд Талбайн Хээнцэр Байгаль”
