Дэлгэрэнгүй
Татаж авах Docx
Дэлгэрэнгүй уншаарай
(Марагийн Хааны дүрмийн) Наймдугаарт: “Ургийг хөнөөхгүй байхыг эрхэмлэ.” Та нар хэдийн мэдэж байгаа. Хүмүүс хүүхдээ хэвлийд байхад нь, эсвэл бүр төрүүлснийхээ дараа ч хэрэв ямар нэг зүйл нь таалагдахгүй бол, эсвэл тэр хүүхдийг өсгөх, тээх нь ямар нэг байдлаар төвөгтэй санагдвал амийг нь бүрэлгэдэг. Хүмүүс жил бүр 73 сая гэм зэмгүй ураг, нялхсын аминд хүрч байна. Энэ нь өдөр бүр 200,000 гэсэн үг бөгөөд ямар ч дайны хохирогчдын тооноос хавьгүй их юм. Энэ аль ч дайны учруулж чадах амь эрсдэлээс давж байна. Есдүгээрт: “Ус бохирдуулахгүй байхыг эрхэмлэ.” Бидний мэддэг зүйл бол маш олон компани, үйлдвэр бохир ус, хортой усаа ямар ч хамаагүй гол, усны суваг руу шууд урсгаж орхидог. Гэх мэт... Миний өмнө нь та нарт ярьж байсан тэр нэгэн түүх шиг. Би Синьдяньд хэдэн арван гэлэнмаа, хуврагуудын хамт байх газаргүй болоод нэгэн байшин түрээсэлсэн юм. Байшин болон замыг бүрхсэн өвс ургамлыг бүгдийг нь тайрч цэвэрлээд хэсэг байрласан. Тэгээд би гадагш гартал горхины ус тэр чигтээ ув улаан өнгөтэй болчихсон байв. Би “Өө, энэ чинь ямар гээч гол вэ?” гэж асуухад тэр үед намайг дагаж байсан гэлэнмаа, хуврагууд “Багш аа, энэ бол дээд талд гахай-хүмүүсийг хядаж буйгаас цус нь урсан ирж байгаа хэрэг.” гэсэн юм. “Өө, тэдний чарлах чимээ яагаад тийм ойр ойрхон сонсогдоод байсны учир энэ байжээ.” гэлээ. Тэгээд би өөр юу ч хэлж чадаагүй. Миний нулимс зүгээр л асгараад байсан. Энэ бол усыг бохирдуулж буй нэг хэлбэр юм. Түүнчлэн хариуцлагагүй, муу компаниудын бий болгосон бусад бохирдлуудын тухайд гэвэл, тэд өнөө үед хаа сайгүй урсаж буй бохирдсон усны хор уршгийг огтхон ч хайхардаггүй. Усны суваг, усны эх үүсвэрүүдийн ихэнх нь аль хэдийн бохирдож, уухад ч тохиромжгүй болоод байна. Та бүхэн мэдэж байгаа. Интернэтээр хайгаад үзвэл энэ бүгдийг өөрсдөө батлан харж болно. Аравдугаарт: “Бузар муу замаар замнахгүй байхыг эрхэмлэ.” Ээ, үүнийг яривал дуусахгүй. Энэ жагсаалт эцэс төгсгөлгүй байх. Сайн биш л бол бүү үйлд. Аливаа сайныг чадвал нэн даруй үйлд. Энэ бол Буддын сургаал юм. Мөн үүнийг та нарт, өөрсдөд тань хор хөнөөл учруулж болох зүйлсийн тухай Маяагийн мэдлэг гэж хэлж ч болно. Тэр үүнийг бидэнтэй хуваалцаж буй нь тун ялдам хэрэг. Энэ бол түүний тогтоосон дүрэм журам гэж хэлж болохгүй. Энэ бол ертөнц дахины мэдлэг. Энэхүү биет ертөнцийн шүүгчийн хувьд тэрээр энэ бүгдийг мэднэ, мэдэх ч ёстой. Тиймдээ ч тэр бидэнтэй хуваалцаж байгаа юм. Бид түүнд талархах хэрэгтэй. Бид бүхний Буддын сургаал болон бусад олон гол шашны сургаалд, эрхэлж болохгүй ажил мэргэжлүүдийн жагсаалт гэж байдаг. Жишээ нь: Үүнд амьтан-хүмүүс нядалж мах бэлтгэх, согтууруулах ундаа худалдах, зэр зэвсэг худалдах зэрэг багтана. Бусдыг хамгаалахын тулд, хамгийн гол нь өөрсдийгөө хамгаалахын тулд, одоо болон үүрд эрх чөлөөтэй байхын тулд Диваажинд очихыг хүсэхүй байсан ч бид амьдралаа нам жим, амар амгалан, нигүүлсэнгүй, ядаж л хэнд ч хорлолгүй төвийг сахисан байдлаар авч явах олон арга зам бий. Гэхдээ бид буцаад хүний төрөл авч, амар амгалан амьдралаар амьдрах боломжтой. Хэрэв бид бузар муугийн замаас татгалзаж, ертөнцийн түгээмэл зөв замаар, буяны замаар амьдрах сонголт хийвэл, амар жимэр, магадгүй бүр баян тансаг, айдас хүйдэсгүй, өвчин зовлонгүй, элдэв таагүй зүйл тохиолдохгүй тийм сайхан амьдарч чадна. Би түүнээс хүмүүсийг олон янзаар хорлодог чөтгөрүүдийн талаар юу гэж боддогийг нь асуув. Марагийн Хаан тэдгээрийг хүмүүс бузар хэрцгий үйл, муу бодлоороо үүсгэдэг юм гэж хариулсан. Шувуу-хүмүүсийн талаарх нэмэлт нэгэн мэдээллийг хэлье. Шувуу-хүмүүс ер нь бол хүн харахаараа айдаг. Энэ бол ердөө л төрөлх зөн совин нь юм. Гэвч тэд надад ямар нэг зүйл хэлэхийг хүссэн үедээ огтхон ч айдаггүй. Тэд хэлэх гэсэн зүйлээ дуустал байрнаасаа огт хөдлөхгүй, нисэж одохгүй, хаашаа ч явахгүйгээр тэндээ сууж байдаг. Тиймээс Бурханы Нэрээр би байгаль дэлхий, амьтан-хүмүүс болон эргэн тойронд минь буй аварга, эртний зарим моддоос ирэх нигүүлсэнгүй эрчим хүч ч хүртэл хувийн амьдралд минь тайтгарал, түшиг тулгуур, хайр энэрлийг харамгүй хайрлаж байгаад талархаж байна. Та нарт баярлалаа. Одоог хүртэл та бүхэн надад маш их тусалж, асар их дэмжлэг, урам зориг, мөн асар их хайрыг өгсөөр ирлээ. Та бүгдийг хамгаалж, Бурхан та нарыг Гэрт тань хүргэх тэр цаг хүртэл өөрсдийнхөөрөө амьдрах хангалттай орон зайг олгохын тулд хүмүүс улам бүр цаг ямагт ухаарч сэхээрсээр байх болно гэж найдаж байна. Гуравхан хоногийн өмнөх тэр өглөө ч хүртэл надад мэдрүүлсэн тэрхүү асар их хайранд тань би талархаж байна. Өө, үгүй ээ, уучлаарай, үдээс хойш байсан юм байна. Өглөө нь та нар дуулж, хуучилж байгаад нисэн одсон. Харин үдээс хойш зарим нь майхны яг өмнө эргэж ирээд: “Та битгий тэгж их санаа зовоорой. Битгий их гутарч гуниглаарай. Энх тайван ирнэ. Бурхан Таныг хайрладаг шүү.” гэж хэлсэн. Тун товчхон. Тэд надад олон юм хэлдэггүй. Учир нь тэгэх шаардлагагүй гэдгийг тэд мэддэг. Харин Бурханы Хайр болон шударга, энэрэнгүй байх тухай бие биедээ номлохдоо өөр хоорондоо маш их ярьдаг юм. Би тэднээс өт хорхой жаран хөлтүүдийг идэх хэрэг гарвал яадаг тухай нь асуухад тэд өвдөлт мэдэрдэггүй жижиг өтнүүд, сонгож иддэг гэж хариулсан. Тэдгээр нь дөнгөж төрөөд удаагүй тул өвдөлт мэдэрдэггүй бөгөөд тэднийг идэх нь мод ургамал, үр тариа, жимс жимсгэнийг эрүүл байлгахад тустай байдаг аж. Зөвхөн өөрсдийгөө тэжээх гэж бус, бас ажил үүрэг болгож иддэг. Ингэж үйлдэхэд ямар нэгэн үйлийн үр үүсдэггүй гэсэнд би тэдний өмнөөс маш их баярласан. Байгаль дэлхийн оршихуйнууд, мод ургамал, шувуу-, хэрэм-, буга-хүмүүс гэх мэт над дээр зочлон ирсэн болон бусад газарт буй бүх сэрэл мэдрэхүйт төрөлтөн ирээдүйд Бурханы Нэрээр сайн хувьслыг олж, дээшлэн дэвшээсэй гэж хүсэж байна. Би та бүхэнд хайртай, мөн бүгдэд нь талархаж байна. Би өөрөө ч гэсэн энэ эртний ойд намайг хүрээлэн буй шувуу-, хэрэм-, аалз-хүмүүс болон бусад бүх төрөлтнөөр дамжуулан надад асар их адислал, мэдлэг, хайрыг хайрласанд Бурханд гүнээ талархаж байна. Өө, дашрамд хэлэхэд сүүлийн үед нэлээд завгүй байлаа, бас би бүрэн суурьшиж амжаагүй байна. Учир нь би нүүх хэрэгтэй болсон. Сүүлийн үед аюулгүй байдал болон сүнслэг шалтгааны улмаас надад байнга нүүх хэрэг гарч, майхнаа зөөх шаардлагатай болсон. Энэ гэр шиг минь л санагддаг. Би үүрд ийм байдлаар амьдарсан ч татгалзах зүйлгүй. Хожим Бурхан намайг өөр тийш явж, өөр зүйл хийхийг хүсвэл би магадгүй хийх л байх. Гэхдээ дэлхийн үйлийн үрээс болж мэдэрдэг шаналал зовлонгоо эс тооцвол, ийм байдлаар илүү амар амгалан, сэтгэл хангалуун амьдрах надад зүгээр байна. Тэрхүү зовлон шаналал бүр дэндүү их, заримдаа үгээр дүрслэхийн аргагүй байдаг. Хэдийгээр би энэ ертөнцийг орхин явах өдрөө тэсэн ядан хүлээж байгаа ч энд амьд байгаадаа үнэхээр баяртай байна. Бурханы тааллыг гүйцэлдүүлж, дэлхий ертөнцөд чадах чинээгээрээ тусалж, та нарт, чадах бүхэндээ тусыг бүтээн энд амьдарсаар байгаадаа баярлаж байна. Үүний төлөө Бурханд талархъя. Өөрсдийн цаг зав, чадвар, авьяас билгээ зориулж буй БУРХАНЫ гэгээлэг шавь нартаа дахин талархъя. Та бүхний сайн сайхан сэтгэл, эрхэм ариун чанар, онцгой дээд билиг, чадвар, авьяасыг би маш их үнэлдэг. Хугацаатай ажлуудаа амжуулах гэж нойргүй хонодгийг тань, боломжоосоо ч илүү бясалгадгийг тань, Суприм Мастер Телевизийн ажлаа дуусгах гэж, бусад зүйлийг хийх гэх мэтээр заримдаа идэх уухаа ч умартдагийг тань би мэднэ. Би ч бас адилхан, бараг адил, эсвэл илүү ихээр хичээж байна. Гэхдээ бид эрхэм ариун, дээд зорилгын төлөө сайн дураараа хамтдаа зүтгэж байгаа! Би та нараараа маш их бахархаж, талархаж байна. Дэлхий ертөнцийн энэ хэцүү цаг үед та нарыг надтай хамт ажиллах боломж хайрласан Бурханд би асар их баярлаж байна. Та бүхэн үүрд адислагдаж, хайртай хүмүүс тань ч мөн ивээгдэх болтугай. Би та нарт үүрд хайртай. Хайрыг минь та нар хааяа биш, цаг ямагт мэдэрдэг болоосой. Гэхдээ яах вэ, та нар мэднэ. Намайг та нарт бүгдэд тань хайртайг мэднэ. Мөн энэ дэлхий дээр нигүүлсэнгүй байж, талархаж амьдрах ёстойг, ямар ч хэлбэрээр аллага хядлага, дээрэм тонуул хийхгүй байхыг уриалан, гудамжинд гарч дуу хоолойгоо хүргэсэн бүх хүнд баярлалаа. Үүний төлөө талархаж байна. Бусдад сэтгэл санаа, сүнслэг байдлын хувьд туслахын тулд цаг зав, хөрөнгө мөнгөө зарцуулдаг та бүхэнд баярлалаа. Та бүхэн мөн тусламж хэрэгтэй амьтан-хүмүүст чадах бүхнээрээ тусалж байна. Бусдад дэм үзүүлэн ач тус өгөх сайн үйл хийхэд тань Бурхан үргэлжийн мөнхөд баясдаг. Бусдад тус хүргэх бүрдээ хариу шагнал заавал хүртэх болно гэдгийг би батлан хэлье. Та нар үүнийг анзаарсан ч бай, үгүй ч бай, хүссэн ч бай, эс хүссэн ч бай энэ бол Орчлон ертөнцийн жам ёсны хууль юм. Та бүхэн зөв замаар замнаж, та нарын сүсэг бишрэл бат бөх, бясалгал дадал тань тууштай байгаад, мөн та нарын ихэнх нь хүссэн ахиц дэвшилдээ хүрч буйд тань маш их бахархаж байна. Бурханы нэрээр та бүхэнд хамгийн сайн сайхан бүхнийг хүсэн ерөөе. Бурханы хайрт шавь нар минь, би та нартайгаа хором мөч бүхэнд хамт байж, үргэлж хайрласаар байх болно. Дашрамд хэлэхэд хэрэв миний шавь биш, өөр багш нарын шавь нар, хэн нэгэн сонсож байгаа бол үнэт цаг заваа бусдад зориулж туслан, амьтны аймаг зэрэг бусад ертөнцийн хүмүүстэй өөрийн сайн сайхан, чин сэтгэлийн хамгаалалт болон чадвар боломжоо хуваалцаж буй бүх хүнд маш их талархаж байна. Бурхан та бүгдийн хүссэн сайн сайхан бүхнийг хайрлан, билгүүний дэс түвшнийг тань дээшлүүлэн, сүнсийг тань ивээж, та бүхнийг байх гавьяатай тэр л эрхэм газарт тань нэг л өдөр хүргэх болтугай. Бурхан минь, Танд талархъя Их Эзэн минь, Танд талархъя. Амен. Энэ гараг дээрх бүх оршихуйн сайн сайхны төлөө хичээнгүйлэн зүтгэж буй сайн хүмүүс энэ дэлхийд байсаар байна. Энэ бол хамгийн эрхэм дээд эрмэлзэл мөн бөгөөд хамгийн их, хамгийн дээд шагналыг хүртэх болно. Бид бүгдээрээ Бурханы Хайрыг мэдэрч, Бурханы Оршихуйг таньж, Тэрээр үргэлж, өөрийг тань харж хандан асарч хамгаалж, хүссэнийг тань биелүүлж байдгийг мэдээсэй гэж би хүсэж байна. Тиймээс юу хүсэж байгаагаа анхаарч, хянамгай байгаарай. Эх дэлхий маань оршин тогтносоор, цэцэглэн хөгжиж, амар амгалан, адислалаар дүүрэн байж, Бурханы таалалд нийцсэн замаар замнан, бидний хүн чанарыг тэтгэж, сүнсийг хамгаалан, сүнсний байр суурийг ертөнцийн түгээмэл дэвшлийн түвшинд өргөх болтугай. Бурхан биднийг үүрд ивээж, хайрлах болтугай. Амен. Их Эзэн минь, Танд талархъя. Photo Caption: “ДИВААЖИН Өөд Хүрэх ЗАМД ХАЙРЫН АМЬД УРЛАГИЙН Бүтээл Дүүрэн Дэлгээтэй”
