Дэлгэрэнгүй
Татаж авах Docx
Дэлгэрэнгүй уншаарай
Өнөөдрийн мэдээгээр, Кувейтийн хүмүүнлэгийн байгууллага Йеменд нүдний төрөлжсөн эмнэлэг нээлээ. Кыргызстан сүүлийн арван жилд мөсөн гол эрс татарсаныг мэдээлэв; АНУ-ын эрдэмтэд уурхайн бохирдсон уснаас газрын ховор элементүүд гарган авч байна; япон эр хөрснөөс цахилгаан үйлдвэрлэж байна; Бразилын веган жиү-жицүгийн аварга энэрэнгүй хооллолтоор тамирчны хүч чадлын ойлголтыг шинэчлэв; АНУ дахь дэлхийн хүнсний хангамжийн сүлжээний компани өсөн нэмэгдэж буй эрэлтийг хангахаар шар буурцаг хальслах хүчин чадлаа өргөтгөж байна; Их Британийн гал сөнөөгчид болон зэрлэг амьтан аврах баг ус зайлуулах хоолойд гацсан зараа-хүнийг суллалаа. Нохой найзынхаа нүдийг хэрхэн цэвэрлэх тухай зөвлөгөө байна. Нулимсны толбо хааяа үүсдэг эсвэл нүдний эргэн тойронд бохирдол тогтмол хуримтлагддаг бол зөөлөн цэвэрлэх нь тэр хэсгийг таатай, цэвэр байлгахад тустай. Эхлээд үслэг найзаа тайван байх үед нь чимээгүй, тухтай газрыг сонгоорой. Дараа нь самбай эсвэл хөвөн бөмбөлгийг давсны уусмал юм уу бүлээн усаар норгоод, нулимс болон бохирдол ихэвчлэн тогтдог нүдний эргэн тойрныг болгоомжтой арчина. Нүд рүү бус, нүднээс гадагш чиглүүлэн зөөлөн арчаарай. Бохирдол болон цочроогч нэг нүднээс нөгөөд дамжихаас сэргийлж хоёр нүдэнд нэг самбай, хөвөнг хэзээ ч бүү хэрэглээрэй. Цэвэрлэсний дараа нохой найзаа магтаж, энхрийлэх юм уу багахан амттан өгөөрэй. Нулимс гоождог эсвэл харшилд өртөмтгий нохой-хүмүүсийн нүдийг тогтмол зөөлөн цэвэрлэх нь бохирдол хуримтлагдахаас сэргийлнэ. Нүд хавдах, өвдөх, савраараа ойр ойрхон оролдох, эсвэл шар, ногоон бохирдол гарах нь малын эмчид үзүүлэх шаардлагатай нүдний эмгэгийн шинж байж болно.
